¹ Banukithe bapwe baka kulikehetha kuli bakakuthana na baje bali na moko ya kuthana,ngechi babononoke,ngechi nawa balibwahethe mu kulinga mu mubwa mu bipangi boshe bya chili, ² Kethi baka shaule munu naumo wahi,cho lalo kethi tukapwe na bimbunge bya kushaka kuli pupa lika,oloni bapwe baka kwoloka,cho basholole bubwa bunapandemo kumunu woshe. ³ Omwo yetu lalo twapwile bakujeneka mangana na kujeneka kwononoka. Twangumukile na kupwa bindungo bya mashunga na thenga ya miyati na miyati. Twayoyelele mu bbi na lwitho. Nakulithzinda umo na mukwabo. ⁴ Oloni omo kwa sholokele chithzemo cha Njambi na muyoyethi wetu na chithzango chendi ku banuboshe, ⁵ kethi ngwe kubipangi byetu bya kwoloka ebi twalingile,oloni ku chikeketima chendi babenya ngechi watwobwele,kwitila mutukusha yetu haku themuka kw kuhya na kulithzema kwa kuhya na mundthzindthzime wakuthzila. ⁶ muje Njambi wetilile manene mundthzindthzime kukuthzila hali yetu kwitila muli muyoyethi wetu Yesu Kilisitu. ⁷ ngechi ha kutabela mungothzi yendi,banatupwitha kukapwa ba ntwama na mwonyo ya myaka yoshe. ⁸ Owu mthzimbu unapu wa buthunga. Njishaka utakamethe byuma ebi,nge bajeboshe baka kukulahela muli Njambi bakawana thimbu yabo mu kulinga bipangi bya bibwa na kukwathetha banu boshe. ⁹ Olono yobe shondoloka ku bimata bya bulema,bya mikana ya kuku yetu,ku chikota na kulithinga ha mashiko. Bije byuma binapu byangochongocho cho nawa kubyethi na nganyo. ¹⁰ Byana munu woshe ashaka kunena chihsndwa mukati keni,hanima ya kumuthzangametha kamo nameme kabili. ¹¹ ngechi wathzibuka ngwobe munu wa chifwechi natundu mungila ya kwoloka cho ali na kulinga bubi cho lalo ikeye na lihitha laja babenya. ¹² Omwo njikatuma Atemasi nambe Tikuku kuli yobe,cho thzambuleko na kwija kuli yabge kuno ku Nokopalisi,omo njayongola kukala kuno bene chithika choshe. ¹³ Unapande kukwatha Zenasi muka mashiko na Apolosi,cho lalo kenga bwino ngechi bakale na byoshe bya bungethzi bwabo obyo bakajeneka. ¹⁴ Ngechibene banu betu balilongethe kukal na thimbu ya kulinga bipangi bya bibwa bije bya pande kuba kwatha mubwathibwathi,cho lalo kethi bakapwe bakujeneka kwima bushuka. ¹⁵ Boshe aba njili nabo kuno banatumu chihindu kuli yobe.Ananeni chihindu chetukuli batuthzema betu muli kulahelo. Chikeketima chiakel neni boshe.