¹ Oloni yobe endeka bije binemana ha buthunga bwa mashiko. ² Cho longetha bakulunu ba banalume bapwe ba kulithingimika,ba kulilemetha,baka mana,bapwe bakangule mukukulahela kwabo,mu chithzemo,na mulukakateya. ³ Cho mungila imo lalo,longetha bakulunu baba nakathzi kupwa baka kujela mu kuyoya chabo,kethi baka kushauka nambe bapwe baka kufukiwa ku kunwa manene binyu,oloni bapwe balongethi ya bije bya bibwa, ⁴ cho lalo balongethe bana babambanda kuthzema banalume babo na kuthzema bana babo, ⁵ bapwe na mana,bakujela,bapwe bachili mukunyunga binjibo byabo,cho lalo bapwe bakwononokele banalume babo,ngechi lijwi lya Njambi kethi baka lishaule. ⁶ Mungila imo lalo,takametheni bakwenje babanalume kupangetha mana achili. ⁷ Mubyuma byoshe yobe babaenya unapande kupwa chimwetho mubipangi bya bibwa. Mukulongetha kwobe,kuyongola mwa mubwa na kuthingimika, ⁸ cho lalo,pangetha majwi amamabwa awa kuwethi na kapenga,ngechibene bitonthzi byobe amo bakala na shwama ngechi bakonowe kwendeka bya hali yetu. ⁹ Longetheni bandungo kwononokela bashukwainabo mu byuma byoshe,nakuba bwaheleletha cho lalo kethi muka linge bimpata nabo embwe, ¹⁰ Kethi muka bebile,oloni bakebo banapande ku mwetha likulahelo lya chili,ngechibene mwoshe mwoshe mukalunde bubwa bwa kama kuje kukalongetha bya pandama kuli Njambi mwobolo wetu. ¹¹ Omwo ngothzi ya Njambi inajomboloka mukwobola banu boshe. ¹² Chili nakutulongetha ngechi tubyane kulinga bya bibi na kwona kukabangeya byana hano hakaye,na kuyiya mukulinyunga mwa mu bwa,mubuthunga,nakuyoya na buyoyethi bwa bunjambi mu ino myaka tulimo, ¹³ thimbu tuchilina nakubandamena litangwa lya kuka tambula chinyangabili chetu cha ku kwithila,cho kuje kusholoka kwa bumpahu bwa Njambi yetu wakama na muyoyethi Yesu Kilisitu. ¹⁴ Yesu walyanene ikeye babenya hali yetu mukutwohyela yetu kutunda kububi bwoshe na kutupwitha banu bakujela bakukundama kuli ikeye lika aba bali na chithzango kulinga biapngi bya bibwa. ¹⁵ Endeka ebi byuma,kutakametha banu ngechi babilinge,cho lalo u bolole na mooko yoshe.Kethi ukatabe umo wabo akulumbulithe yobe.