¹ Paulu,ou ngamba ya Njambi cho allo muluwa wa Yesu Kilisitu mwafwa ya likulahelo lya baje banu ba Njambi baje bangwile na managana akutanekeya buthunga buje bulithzibathana bunjambi bwetu, ² na chinyangabili cha mwonyo kuwekuhwa myaka yoshe chije Njambi,wakujeneka kulikwitha,wakulahethele kuma shangumukilo a mayaka ya kunima. ³ Hathimbu ya kwoloka ije washololwe lijwi lyendi kwitila mukaba longetha muje mubanjilekethele mukwetheketha ku mashiko a Njmabi mwobole wetu. ⁴ Kuli Tito,munange wa munalume wa buthunga mu likulahelo lya kulifwa. Ngothzi na kwoloka kwa kutunda kuli Njambi Tate na Kilisitu Yesu mwobole wetu. ⁵ Ha bithinganyek ebi mukemo njakuthethelele mu Keleti,ngechi ngwenge ubwahethe byuma bije kuba manethele na kwimika bakulunu babikungwilwilo munganda na nganda yoshe nge chobi nja kushikile. ⁶ Mukulunu napande kupwa wakujeneka mulonga,munalume wa munakatthzi umolika,cho bana bendi banatela kupwa bakukulahela kethi buuka nambe baka kujeneka kwononoka. ⁷ China pande kanyungi,wamukulunu wa munjibo ya Njambi kupwa wa kujeneka mulonga. Kapandele kupowa wa likamba,kethi mukakutenuka bwathi,nambe mukakupenda,nambe muka lwothzi,cho nawa kethi munalume muka chipululu. ⁸ Oloni ikeye wapwa kujumbukla bangethzi na muka kuthzema bya bibwa. Napande kupwa wamana,na kuthungama,kujela,na mukakwononoka. ⁹ Ikeye napande kupwa muka kukakateya mu lijwi,eli batha kukulahela neli lilitabathana na kulongetha kwetu,cho mungila eyi ikeye akatha kutakametha bakwabo na kubalongetha lalo kwa kuthungama na kwolola boshe baje bakalingi bimata nendi. ¹⁰ Omwo kubali babangi banu baka kutengulukila bantwama babo,baka kwendeka bya ngocho ngocho na kukwitha, manene baje bakutuhuka. ¹¹ Chinapande bene kubabindika.Bali na kulingitha matoto ku binaanga byoshe omo bali na kulongetha nakuwana ngayo ya shwama hakulongetha byuma kubapandele kulongetha. ¹² Cho umo wabo kapolofita wendekele ngwendi, "Baka Kelete thimbu yoshe bapwa baka makuli,bikashama bya bibi,cho lalo bapwa bolwa bakautongokwa." ¹³ Cho awa majwi anapu a buthunga. ngechibene,bololweni na majwi akubambuka,ngechi omo nakapwe na kukulahela kwa chili, ¹⁴ kethi bakatolilile kubithimo bya ba Yunda nambe ku mashiko a banu baje bana byana buthunga. ¹⁵ Kuli baje bakujela,byuma byoshe binapu bya kujela. Oloni kuli baje banalijwaletha cho lalo kethi bakukulahela,byahiko bya kujela,oloni byoshe na mana abo cha lalo nama a chitakutaku chabo china jwala. ¹⁶ Bali na kupolofita ngwabo ban mutanekeya Njambi,oloni ku bipangi byabo bana mubyana. Bakebo banapu baka kumuthzibuka, baka kuhonwa kunwonokela,cho kuba pwilemo mu kulinga bioangi bya bibwa.