¹ Omwo Muna Manga washokolwele kathetetho ka muchitanu na muchibali,mwilu mwolokele kulu ku litambelo limo lya hola. ² Kathinoni njimone tungelo batanu na babali baka kwimana ku mesho a Njambi,cho babanene bitanu na bibali bya luneta. ³ Cho kangelo mukwabo wethzile,wakwatele lilonga lya kwenyekela insense lya kutunga na ngolinde wemanene ku mutula.Bamwanene insense yaingi ngechi abwethzeleleko ku kulombakwa banu bakuthzila ba Njambi ha mutula wa kutunga na ngolinde kulutwe lwa litanda. ⁴ Buje bwithi bwa insense- na malombelo abanu ba Njambi bakuthzila - bwa kakukumukile kulutwe lwa Njambi kutunda ku liboko lya kangelo. ⁵ Kangelo wanonele lilonga lya insense cho walishulithile na tuhya twakutunda ku mutula.Cho walyumbilile ha kaye,cho kwakele mukalateto ya chililimo,miyoyo ya kuyayabala,mihyato,na mandunduma. ⁶ Tungelo batanu na babali baje bakele na matolombita atanu na abali balimwahethelele ngechi bawembe. ⁷ Kangelo wakulibanga wembile luneta lwendi,cho kwakele ngehena cho na tuhya twalikumbathanene na maninga. Ba byumbilile hathi ka kaye manganoni mutambela umo wayo wenye,mutambela umo wayo kwakele biti wenyekele,na mwila woshe wachifwa cha maputa a shompobyenyele. ⁸ Cho kangelo wamuchibalai wembile luneta lwendi,cho chuma chimo chakulifwa ngwe munkinda wakama ulina kwenya na tuhya bachumbile mu kalunga mema.Mutambela wa kalunga mema watengulukile kupwa maninga, ⁹ wamuchitatu wa baje tuthitu bakele mukalunga mema bathsile,cho na mbapolo ya muchitatu bainyongwethele. ¹⁰ Kangelo wamuchitatu cho naikeye wohyethele luneta lwendi,cho ngongonotho yakama yahwile kutunda kwilu,ya kwatele cheke ngwe tachi,ku mutanbela umo wabindonga na tubwelu bwelu bwelu a mema. ¹¹ Lithzina lya ngongonotho ikeyo Mwaze. Cho mutambela lya muchitatu ya mema lyandengulukile kupwa Mwaze,cho banu babengi bathsile mwafwa wa mema aje akulula. ¹² Kangelo wa muchitatu wembile luneta lwendi,cho mutambela wa muchitatu wa mbathzubwila imo ya litangwa baimbumbile,hamo lika na mbathzubwila imo ya ngonde na mutambela umo wa bingongonothi.Cho mbathzubwila yebi yakele na lithuthulungu; mbathzubwila imo ya litangwa na mbathzubwila imo ya buthsiki kuyakele na cheke. ¹³ Njakengele,cho njathzibile nkwathe uje wakele na kupululuka mubukambwila watambekele na lijwi lyakukanguka ngwendi,Kekange kayando,kayando,kayando,kuli baje boshe bali ha kaye,mwafwa thimbu ya kwohyetha biluneta bije byathaleleko bije byakele kuyehi na kwohyatha ku tungelo batatu.