¹ Cho njamwene libulu lya kuthzenga mu liboko lya uje watumabmene halitanda eli bathoneka hanja na mukati,cho batupatethele tupatetho tu tanu na tubali. ² Cho njamwene kangelo wethzile hali na kwambulula na lijwi lya kutambeka ngwendi, "Iyajo nafwila kufukula eli libulu na kubatula otu tupatetho?" ³ Oloni naumo wahi mwilu nambe hano hathi nambe mwithi ya jaye wathele kufukula nambe kulitanda. ⁴ Cho njalilile manene mwafwa kubawanene umo nafwila kufukula lije libulu nambe kulitanda. ⁵ Oloni umo wabaje bakulunu wendekele kuli yange ngwendi, "Kethi ulile. Kenga! ndumba ya kumuyati wa Ndaviti,uje mithzi ya Ndaviti,ikeye na bahyana. Ou natha kubatula tupatetho tutanu na tubali na kufukula eli libulu." ⁶ Cho njamwene manga nemana mukati kamwela wa litanda nahakati kabikashama bawana bakuyoya na bakulunu. Cho washoloke ngwe uje ibanathsiiyi. Wakele na mambinga atanu na bali na mesho atanu nabali,eyi minthzinzthime itanu naibali ya Njambi baitumine hamo hathi hoshe. ⁷ Waile watalele na kwata lije libulu, muliboko lya chilyo lya umo uje watumbamene ha litanda. ⁸ Cho omu wambatele libulu,cho na bikashama bakuyoya na makumi abali na bawana bakulunu bakulema ha mesho a maanga. Cho umo na umo wakele na kalyalya na lilonga lya ngolinde lya kushula na insense,awa akewo malombelo abanu ba Njambi bakuthzila. ⁹ Cho bembile mwatho wauha ngwabo: "Yobe wafwila kwambata libulu na kufukula tapatetho twalyo. Omu bakuthsiile,na maninga obe wakulile banu kuli Njambi kutunda ku miyati yoshe,bindaka,banu,na mafuti. ¹⁰ Wabapangelele bumwene na bupulisitu bwa kupangela Njambi,cho bakayula hano ha kaye." ¹¹ Cho njakengele na kuthziba chilumo cha tungelo babengi baje bathzengelekele litanda na bikashama bakuyoya na bakulunu. Mubwingi bwabo bakele makumi amakulukthzi na makumi a makulukathzi amakulukathzi. ¹² Cho bendekele mu majwi akutambeka ngwabo, "Wafwila muna manga,ou bathsiya,kutambula mooko,bufuko,mana,nanthzili." ¹³ Cho njathzibile byuma bay kutanga byoshe bili mwilu na hathi na mu mema akalunga - bysohe bilimo - byendekele ngwabyo, "Kuli ou natumbama halitanda na kuli mangan kukale kushangala,kathinginiko,bumpahu,na kufungulula myaka na myaka." ¹⁴ Cho baje bikashama bawana wa kuyoya bendekele ngwabo, Ameni!" na bakulunu babulikile hathi na kulemetha.