¹ Echi chikecho kujombolola cha Yesu Kilisitu echi Njambi amwanene kumwetha bingamba bendi byuma bisholoka alolo ha lutwe. Bachisholwele kwitila mukutuma kangelo kendi kuli ngamba yendi Yowano. ² Yowano walumbunwine ha lijwi lya njambi cho namuthzimbu wa Yesu Kilisitu, nabyuma byoshe bije amwene. ³ Nabethzika ou atand a mukutambeka obu bupolofita nabaje bathzibilila ku lijwi lyabu polofita nakutambela ebi bathonamo, mwafwa thimbu ili hayehyi. ⁴ Yowano, kubikungulwila bitanu nabibali byaku Esha: Chikeketima chikale neni na kwoloka kutunda kuli ou aliko, ou akeleko, cho akaija, na kutunda kuije minthzinthzime itanu naibali ili kulitanda lyendi, ⁵ cho nakutunda kuli Yesu Kilistitu, ntwatwan kutunda ku bathsi, cho mukakuyula wabi mwyene ba hathi. Kuli ou atuthzema cho natithzitula ku bubi kwitila mu maninga endi-- ⁶ natutungila nganda, tupilisitu ba Njambi na ishe--kuli ikeye kukale bumpahu na nthzili haya myaka yoshe. Ameni. ⁷ Kenga, anakwija na lishelwa; lisho lyoshe likamumona, hamolika nabaje ba mutibangele. Miyati yoshe yahathi ikalila hamulonga wendi. Eyo, Ameni. ⁸ "Yange Alufa na Omenga," ngwendi Shukulu Njambi, "ou aliko, akeleko, cho ou akaija, Wanthzili yoshe." Mabulu amo akulema akuthen'ulu aba Ngiliki batanda, "Yange Alufa na Omenga, maputukilo na mamanethelo, ngwendi Shukulu Njambi." ⁹ YTange, Yowano--ndolome yeni ou akalyambatetha neni mukuyanda na bumwene namukuthimpa chije chakala muli Yesu--njakele halinkanda bathana Ptamausi mulonga walijwi lya Njambi na muthzimbu wa Yesu. ¹⁰ Njakele Mumunthzinthzime halitangwa lya Shukulu. Cho njathzibile lijwi lya kukanguka kunima yange ngwe tolombita. ¹¹ Yendekele ngwabo, "Thona ebi umona mulibulu, nakulituma kuje ku likungulwila bitanu na bibali--ku Efese, ku Simina, ku Pelengamu, ku Tiyatila, ku Salendisiya, ku Filandelefiya, naku Londosiya." ¹² Cho njatengulukile ngwange njimone lijwi eli lyakele nakwandeka kuli yange, cho omu njatengulukile njamwene bitumbikilo byabindeya bya ngolinde bitanunabibali. ¹³ Mukati kabitumbikilo bya bindeya mwakele umo ngwe muna munu, nathzala mukanjo waulaja wakweta kumendi endi cho na mwiba wa ngolinde wamuthzenguluka munulo yendi. ¹⁴ Mutwe na bin'ambu byendi bya kele byakutoka ngwe bwanda-- bwa ulu nambe ngwe litoka--na mesho endi akele ngwe milangi ya tuya. ¹⁵ Mendi endi akele ngwe bunengu obu banalambetha mu tuya, cho lijwi lyendi lyakele ngwe kwohya cha mema achipupa. ¹⁶ Wakele nabingongonothi bitanu nabibali muliboko lyendi, cho na mulanja wakutwa kubali wakele nakutunda mukanwa kendi. Chihanga chendi chakele na kubyathuma ngwe misha yalithathe hakutenda chalyo. ¹⁷ Omu njamumwene, njawililile kumendi endi ngwe munu wakuthsa. Wakambekele liboko lyendi lya chilyo hali yange makwendeka ngwendi, "Kethi uthzibe lyoba. Yange maputukilo na mamanethelo ¹⁸ umo ou ayoya. Njathsile, oloni kenga, njili na mwonyo haya myaka na myaka! Cho njili bithapi bya kuthsa naku Handesi. ¹⁹ Ngachije thona ebi unamono, ebi biliko, nebi bikasholoka hanima yebi. ²⁰ Hamulonga wakubanda kwa kulumbunuka kwa bingongonothi bitanu nabibali unamwene muliboko lyange lya chilyo, na bitumbikilo bya bindeya bya ngolinde bitanu nabibali: Bingongonothi bitanu na bibali binapu baje tungelo babikungulwila byabindeya bitanu na bibali binapu bije bikungulwila baitanu na bibali."