¹ Hanima yechi cho kwakele lalo hcilika cha bayunda,choko na Yesu waile ku Yelusalema. ² Cho kuje bene ku Yelusalema ayehi na chikolo cha bimanga kwa kala lishali, lijoni bathana mulilimi lya chi Alaiki ngwabo Mbetesainda,lije lya kala na mambalanda a tanu. ³ Cho na banu babengi baje bakele na kubabala na tupuputwa,na biyanga,na baka kakalepa boshe ba lundamene kuje bene. ⁴ Mwafwa kangelo ka mwene wathikumukile ku chikulo ha thimbu ije bene mema achili na kubunduka cho wakangukile ku mushongo woshe uje wakele na kubinja. ⁵ Chojo kwakele munalume umo kuje bene uje wabinjile mayaka makumi atatu na itanu nai tatu. ⁶ Omwo Yesu wamumwene nashulubala haje bene, hanima yakutanekeya ngwe uje munalume wakeleho thimbu ya kama manene,wendekele kuli ikeye ngwendi, "Uli nakushaka ukanguke ndi?" ⁷ Chojo uje mubethzi wakumbulwile ngwendi, "Mwata,kujethi nendi uje napande kunjumbila muli eli lishali a thimbu ije ngwe mema bana wa bundula.munjika lingi ngwe njija, cho nji kawana mukwetu weka laja na kobelamo athimbu yange kanda nji linge ngocho." ⁸ Yesu wendekele kuli ikeye ngwendi, "'katuka amabata bulili bwobe,na kwenda wende." ⁹ Cho haje bene uje munalume wakangukile,cho na kwenda wendele.Ebi bya c sholokele a litangwa laya sapalalo. ¹⁰ Cho bayunda bendekele kuli uje munalume bakangwithile ngwabo, " Linapu lya sapalalo cho kuwatelele kwambata bulili bwabo." ¹¹ Cho wabakumbulwile ngwendi, "Ou na njikangwitha nanjileke ngwendi, ''Amabata bulili bwobe cho wende."' ¹² Cho bamwihwile ngwabo, "Iyajo owu munalume nendekakuli yobe, 'Amabata bulili bwobe cho wende'?'' ¹³ Ngochobene,mwafwa uje bakangwithile kathele kutanekeya iyajo wapwile mwafwa Yesu wabombolokele na kuya,mwafwa kwakele mbunga yakama ha chela haje. ¹⁴ Cho hanima,Yesu wamuwanene ali mu temebele cho wendekele kuli ikeye ngwendi, "Tala,unapu mukangule! kethi ukalinge bubi lalo,linga kethi chuma cha kubihya lalo chika kukusholokele yobe." ¹⁵ Cho uje munalume waile na kukaleketha ba Yunda ngwendi wapwile Yesu ikeye wamukangiwthile. ¹⁶ Cho hamima yebi byuma baYunda baputukile kupaketha Yesu,mwafwa walingile ebi byuma lya sapalalo. ¹⁷ Yesu wendekele kuli bakebo ngwendi, "Nathimbu ine Batate bachili nakupanga,nange, njichipanga, njichili nakupanga." ¹⁸ Cho hamulonga wakuba futula ngachije, ba Yunda mukunyengwa batondethethele manene honi ngwabo bamuthsiye mwafwa ngwabo washawile litangwa lya sapalalo,olojo wa bulumwine lalo akutumbula ngwendi Njambi keye Ishe,cho anmu kulinga ngocho chapwiloni ngwe wali tethele hamo na Njambi. ¹⁹ Cho Yesu wabakumbulwile ngwendi, "Chili,chili, njimileka ngwange mwana katha kulinga chuma chalikalyendi,kubanga bije bene byamona Ishe ali na kulinga,mwafwa byoshoni bije bya linga Ishe,cho bikebyo bene byalinga na mwana mungila imo lika. ²⁰ Mwafwa Ishe wathzema mwana chojo aka mwetha byosheni bije bya kalingi ikeye, cho lalo aka mu sholwela lalo na byuma bya kama kutubakana nebi cho neni mubaboshe mukali komokela. ²¹ Mwafwa ngwe omwoni Ishe akathangula bathsi naku bana mwonyo,muchifwa chimo lika na mwana lalo ana nmwonyo kuli woshe owu angula. ²² Mwafwa Ishe kethoni kuthompa munu woshe,oloni nana bindthzili byoshe bya kuthompa kuli Mwana ²³ manganoni banu boshe bathingimike na kulemetha mwana mungila ije bene baka thingimikilamo na kelemetghelemo Ishe. Ujoni woshe kethi na kulemetha na Ishe uje wa mutumine. ²⁴ Chili,chili,njimileka ngwange uje woshe athziba lijwi lyange na kukulahela muli uje nanjitumu ali laja na mwonyo wa liyele cholalo kuba ka muhitha embwe, olojo natundu ku kuthsa na kwija kukuyoya. ²⁵ Chili.chili,njimileka ngwange thimbu ili nakwija,cho inete,omwo bathsi bakathziba lijwi lya Muna Njambi,cho boshe baje kathziba lijwi bakayoya. ²⁶ Mwafwa ngwe omu bene Ishe wakala na mwonyo muli ikeye babenya, cho mungila imolika nananlalo na kuli mwana manganoni na mwana nendi akale na mwonyo muli ikeye babenya, ²⁷ chojo na Ishe nana mwana mooko ya kuthompa mwafwa ikeye Muna Munu. ²⁹ Kethi mulikomokele hali echi,mwafwa kuli thimbu oyo ili na kwija omwoni boshe baje bali mu bimbumbo baka thziba lijwi lyendi ²⁸ chojo baka tuhukamo: baje ban lingi bya bibwa baka thangukila ku mwonyo,olojo baje bana lingi bya bibi cho baka thangukila kuba thompa na kubahitha. ³⁰ Nachimo chahi chinjatha kulinga anga lika. Muje bene muji thzibila na ku thzubukila byyuma,cho njili thzibithitha na kubi thomponi,chojo na kuthompa change chinapu cha kwoloka cholalo cha buthunga mwafwa kunjethi na kuthetela kulinga chithango change olojo chithzango chendi uje ya nnjituma hano. ³¹ Omwoni ngwe yange nji lyambulula yange babenya na byange yange babenya, cho bukaleho bwange kubu kala bwa buthunga. ³² Namuchifwa yechi kwalyoni umo uje yana pande kwana bukaleho bwoshe ali yange, chojo na mukulinga ngocho njina thzubuka bwino ngwange bukaleho bwendi ali yange bwa buthunga. ³³ Mwafwa tumine na kwihula Yowano,chojo nendi nambulwile na kumileketha bukaleho bwoshe na buthanga bwoshe. ³⁴ Olojo obu bukaleho bunjili nakutambula kethi ngwe bwa kufuma ku munu embwe,mwafwa njilina ku mileketha byuma omu manganoni mwoboka. ³⁵ Yowano wakele ndeya ije yakele na ku shukuma na kutwa cheke ndololo,chojo neni mwatelea kukulahela muli cjije cheke chendi,nameme echi mwa chilingile a kathimbu kakandondolika, ³⁶ Oloni yange njili na bukaleho bwakama kutubakana buje bwa Yowano,mwafwa ebi bipangi byna njana Tate ngwendi nji bilinge,ebi bene bipangi binjili nakupanga,bili na kusholola bukaleho bwakulinga ngwabo chili bene Tate ikeye na njitumu. ³⁷ Ou Tate wanjitumine ikeye babenya nana laja bukaleho bwa kushula hali yange. Kanda muchithzibeho laja lijwi lyendi nambe kumumonaho ikeye na mutumu wnedi nambe a thimbu imo embwe. ³⁸ Chojo na lijwi lyendi kulyethi muli yeni embwe,mwafwa yeni muna byna kukulahela muli uje yanatumu. ³⁹ Yeni muli nakukengethzeka mubithona hamulonga wa kuthinganyeka ngweni muli bakebo muli mwonyo wa myaka yoshe,cho na bithona ebi bwashulithila ebi, ⁴⁰ Chojo yeni kumutondo kwijoni kuli yange manganoni mu wane mwonyo. ⁴¹ Kunjatambwile bumpahu kutunda kubanu, ⁴² oloni njathzibuka ngwange kumwethi na chithzemo cha Njambi mubimbunge byeni. ⁴³ Akulingoni yange njina ija mulithzina lya Tate,olojo yeni kumwanjitambwile.olonini ngwe weka aija mulithzina lyendi,muka mu tambula. ⁴⁴ Munatha kukulahela batijo yeni,yeni baka ku tambula kushangathzala cha kutund kuli umo na mukwabo olojo kumuthetela kwaletha chije chi tunda kuli Njambi babenya? ⁴⁵ Kethi Muyongole ngweni yange bene njika miwanene mulonga kuli Tate.Uje wamiwanene milonga ikeye Mosesa, muli ikeye mwawanene kubandamena. ⁴⁶ Mwafwa ngwe ngwabo mwa kulahelele Mosesa, ngwe muchiwana cha chathi nange kunji kulahela,akulinga ikeye wakele na kuthoneka haliyange. ⁴⁷ Chojo ngwoni yeni ku mutondo kukulahela muli bije byna thoneka ikeye,cho mwathoni batijo kukulahela majwi ange?"