¹ Yakomba,ngamba ya Njambi na Shkulu Yesu Kilisitu,ku miyati likumi na abali ya kuli baje bakala mafuti akwabo: Mitende yeni! ² Chitambuleni kupwa mbwathe,bandolome bange,omwo mulina na kwita mu makalu kaluthethzathethza. ³ Mwathzubuka ngweni ngweni kwetheka kwa kukulahela kweni kukanene kuhyana. ⁴ Echeleni kuthimpa chimanethe chiapangi chacho mangana mukapwe kukula bamutunu na kushongo,kethi tukajeneke nameme kamo. ⁵ Oloni mona umo muli yeni atonda mana,mwetheleni alombe kuli Njambi,ikeye akana kuli woshe chakujeneka kutenukila baje baka mulemba,cho aka banabyo bya kuli ikeye. ⁶ Mwecheleni atha kwihula mulikulahelo,kethi kuluwathana. Omwo ngwe umo akala wakukuthana apwa ngwe ling'imba lya ku mema a kalunga lije libla na kwendetha kulihuthzi lije lili na kuthzenguluka. ⁷ Cho uje munu katetete kuthinganyeka ngwendi akatambula nameme kamo kutunda kuli Shukulu; ⁸ munu wabithinganyeka bibali,kethi kui thingimika mubi thinganyeka byendi. ⁹ Echeleni muna muka mufuko bwa bundondo athe kulyaletha ha mwela wa kuhyana, ¹⁰ oloni uje munu mukakufuka manene alina chela cha chindondo,mwafwa akathsa ngwe ngwe mintemo bya musushwata bya mwila. ¹¹ Omwo litangwa likatuhuka n misha yalyo ya kushaluka manene na kujujukitha mwila.Cho bintemo bika tunduko.nabu bwahe bwoshe bukahwa. Muchifwa chimo,mukakufuka naikeye nawa nakufuka naikeye nawa na bubwahe bukahwa thimbu achili mungila yendi. ¹² Nabethzika uje munu ajombomboka byetheko,ngwe neti laja muchitheko,akatambuka chilongo cha mwonyo, chij bana kulahetha kuli baje bathzema Njambi. ¹³ Kethi umo endeke ngwe bamwetheka ngwendi, "Balinakujetheka kuli Njambi," mwafwa Njambi kubekumwetheka ku bubi,nameme ikeye kwetheka munu woshe. ¹⁴ Oloni munu woshe baka mwetheka kwetheketha na bilinga byendi bya shaka,bika mungumwitha na ku mutembeta. ¹⁵ Cho hanima ya kutabela ebi bithinganyka,bithinganyeka bikanenetha kulinga bubi,cho umona bubi bunakolo,cho bubi buthema kuthsa. ¹⁶ Kethi bami kwithe,bakachithzemo bandolome. ¹⁷ Bwana boshe bwachili na bwana bwoshe bwa kwoloka bwa tunda kwilu. Bukaija hano hathi kutunda kuli Tate wa byeke.Muli ikeye kumwethi kutenguluka nameme kunenamo lihuthulungu mwafwa yakutenguluka. ¹⁸ Njambi wangwile yetu tuthemuke mu lijwi lya buthunga,mangana tukapwe chifwa cha mushuka bwa kulingabanga bwa byuma byoshe bya tangele. ¹⁹ Mwathzibuka ebi,bandolome bange bakachithzemo: Munu woshe napande kuthziba bwathi,na kukehethako mu mukwendeka,na kukukehethako kukutenuka bwathi. ²⁰ Mwafwa butenu bwa munu kubwethi kupanga kukuthungama kwa Njambi. ²¹ Tunditheni bwoshe bubi bwa mathzilo na kutuma kwa bitothzi. Mubunu bwetu tutambule mbuto ije iba kunu mu lijwi,ije yatha kwobola myonyo yetu. ²² Tupweni bakakulinga linga lijwi kethi ngwe bakakuthziba lika,cho kethi tulikwithe yetu babenya. ²³ Mona ngwe umo akathzibi lika,oloni kethi kubilinga,napu munu uje nali mono ikeye babenya mukalibanjelo. ²⁴ Cho walikengele ikeye babenya cho watundileko cho athimbu ije bene waibalele muje mwasholokelmo muje mukalibanjelo. ²⁵ Oloni munu uje akenga mwachili mu buthunga bwa mashiko aku patuka,na kutwalelela kulinga ngocho,kethi kukala kethi kupwa mukakuthziba lika uje akebala,oloni munu baka mukwthula mubilinga byendi. ²⁶ Munu woshe akathingika ngwendi mukakutaba cho kethi kutengulula ndaka yendi mukwakwendeka,chona kwithi mbunge yendi na mulikulahelao la ngocho lika. ²⁷ Ngila ije iuna litabelamo ya kujela na kwonowa kuibitha ku mesho Njambi yetu na Teta tunapande ku mwatha baje bakwonowa baishe yabo na bafwile muchitumbameno chabo,na kuli tunditha ku bya ku kaye.