¹ Myaka yakunima Njambi wakele na kwendeka ku bakulu betu kwitila mu tupolofita mubithimbu bya bingi na bingila bya bingi. ² Olojo mu matangwa ano akumanethela,nendeka kuli yetu kwitila muli mwana,ou wangwile kukala swana wa byuma byoshe. Cho chekle kwitila muli ikeye Njambi watangele bukambwila. ³ Ikeye kubyathzima kwa bumpahu bwa Njambi,ikeye chifwa cha kwimanenako kukalako kwendi.Cho akakwata byuma byoshe mundthzili ya lijwi lyendi. Hanima ya kunena kutokethewa kwa bubi,cho watumbamene kuliboko lya chilyo lya muka ndthzili yoshe wa mwilu. ⁴ Chonapu wakama kutubakana tungelo hakulinga lithzina eli na swana lyapwa lya libwa kuhyana mathzina abo. ⁵ Mwafwa kuli kangelo mukajo oku Njambi wathele kwendeka ngwendi, "Yobe munange,lelo njinapu nji isho"? nambe kli kangelo mukajo oku Njambi wathele kwendeka ngwendi, "Njikakala nji ishe,cho nendi akakala mwana kuli yange"? ⁶ Oloni lalo,omu Njambi anena ntwatwa mukaye,endeke ngwendi, "Boshe tungelo ba Njambi bapande kumulemetha." ⁷ Bya tungelo alinakwendeka ngwendi, "Ikeye ou akalingitha tungelo kukala mudthzindthzime,na bangamba bendi kupwa milangi ya tuhya. ⁸ Oloni nendeka kuli mwana ngwendi, ''Litanda lyobe, Njambi,wa myaka yoshe. ya kwoloka ikeyoni moko ya nganda yobe. ⁹ Cho unathzeme kuthungama na kuthzinda bilinga bya bibi.Ngechibene Njambi yobe, nakubwabetha na mathzi akubwahelele kutubakana babuthamba bobe. ¹⁰ "Hakulibanga,Shukulu, wajalele lubula lwa hathi. Cho lilu libapu bipangi bya maboko obe. ¹¹ Bakanyongwa,oloni ukatwalelelaho. Cho boshe bakathokuwa ngwe nanga ya laja. ¹² Cho ukabyetekela hamo ngwe mukajo,cho bakapiluka ngwe buthzalo. Oloni yobe muwapwa,cho myaka yobe kuyethi kuhwa." ¹³ Olojo kuli kangelo mukajo oku Njambi wendekele nambe hathimbu imo ngwendi, "tumbama kuliboko lyange lya chilyo kweta nomu njikapwitha bitothzi bobe bitwamo bya mendi obe."? ¹⁴ Kumani tungelo boshe kethi mindthzindthzime ikapanga,baje banatumu kunyunga baje bakaswana kwoboka?