¹ Cho,Bandolome,tulombeleleniko,manganoni lijwi lya Shukulu lyathe kutando kwathi na kulilemetha, ngwe omu chili neni lalo, ² cho manganoni tuakale bakwobola kutunda kubilinga bya bibi na banu bababi, mwafwa kethi bashe bali na likulahelo. ³ Oloni Shukulu wanShukulu wapwa wa kukulahela, ou akatutakametha na kutunyunga kutunda kuli ou wa mubi. ⁴ Cho tuli na kuthimpa muli Shukulu hali yeni,ngwetu muboshe munatha kulinga byuma ebi twamikambeyeye. ⁵ Echeleni Shukulu atwamenene bimbunge byeni ku cithzemo cha Njambi mukutakama kwa Kilisitu. ⁶ Cho tuli nakumikambeya yeni,bandolome,mulithzina lya mwene Yesu Kilisitu,mangana chele uje ndolome aba bakende mubingila bay kwilika kulongwa cho kubethi kuyoya kwetheka na chithemwa mwatambwile kuli yetu. ⁷ Mwafwa yeni babenya mwathzuka ngweni chinapu chukutamo kukutemumwina yetu,mwafwa kutwa tumamene ngocho thimbu twakele neni. ⁸ Cho kutwalile bikalya bya munu woshe kwakwilika kuchifweta.oloni yetu twapangele mathsiki na mutanya mukupanga na tuyando,cho kethi tupwe biteli kuli woshe weni. ⁹ Mwafwa twalingile ebi kethi ngwe ha kujeneka kupwa na bindthzili,oloni twalingile ebi kupwa chimwetho kuli yeni,lingacho mwathe kututemwinina. ¹⁰ Cho omwo twakele neni,twamikambeyeye ngwetu, "Ou woshe kethi na kutonda kupanga katelele kulya." ¹¹ Mwafwa twathzibi ngwabo bamo bakala na bulwa,kubethi kupanga,oloni mibila yabo yakutangula. ¹² Cho aba boshe tulinakukambeya na kubatakametha muli Shukulu Yesu Kilisitu,managana bapange mukwoloka kulu na kulya byakulya byabo babanya. ¹³ Oloni yeni,bandolome,kethi mujuke mukulinga mwa mubwa. ¹⁴ Cho nga umo katha kutabela lijwi lyetu lili mu mukanda ou,mu muthzubuka na kwonwa kulinunga nendi,linga akakale na shwama. ¹⁵ Olojo kethi mu muyongole kukala mukang'ole.oloni mwendekeleni ngwe ndolome. ¹⁶ Echeleni Shukulu wa kwoloka babenya atha kumyana kwoloka kwa thimbu yoshe. Shukulu akale neni boshe. ¹⁷ Yange,Paulu,njathono ebi na liboko lyange,echi chinapu chakuweneko ha mukanda woshe uje njathono. ¹⁸ Chikeketima cha Shukulu Yetu Yesu Kilisitu chikale neni boshe . Ameni.