¹ Cho kwetheka na kwija kwa Shukulu Yesu Kilisitu na kutukungwiya hamo tukapwe nendi,cho tunakulomba kuli yeni,bandolome, ² manganoni kethi chikathiwe kuminingangetha kutunda mu biyongola nambe kushota bimbunge byeni,nameme kuli muthzithzime nambe muthzimbu,nambe ku mukanda ou usholoka ngwe watundu kuli yetu,na katanekeyethp ngwe litangwa lya Shukulu limete laja. ³ Kethi mutabethe munu kumikwitha mungila yoshe. Mwafwa kuchatha kwija kubanga hanima ya nthzita ya bimata omu iakaija,cho uje munu wakuluwanganatha bana musholola,uje muka kunyongetha. ⁴ Ou ikeye uje akabyanangana na kulijundula babenya kuli byoshe bije bakathana ngwabo Njambi nambe kulemetha. Cho mamanetheleo,akatumabama mu tembele ya Njambi nakulisholola babenya ngwe Njambi. ⁵ Cho kumwatha kwanuka ngwe njamilekele byumebi thimbu njakele neni? ⁶ Cho muthzubuke ebi bikamubyanetha,mangananoni bukamusholole lika hathimbu ya kutela. ⁷ Mwafwa byuma bya kubanda bya kujeneka kufwila bili laja na kupanga,kubanga kukale ou amubtanetha thimbu ino kweta nomu bakamutunditha mungila. ⁸ Cho uje wakuluwanganetha bakamusholola,ou Shukulu Yesu akathsiya na mukuhwima mukanwa kendi naku mulwitha kuakala wangocho mukujombolola kwija kwendi. ⁹ Kwija kwa mukakuluwanganetha chikale ha ha mulonga wa bipangi bya satana na bindthzili byendi;na bimwetho,byakukomoka bya makuli, ¹⁰ cho na miyati yoshe ya bubi buje bukaliwtha baje banakunyonga,mwafwa kubatambwile chithzemo cha buthunga mangana bakabobole. ¹¹ Mukulinga ngocho Njambi anakubatimna nthzili yakubatunditha mangana bakakulahelele makuli ¹² cho mangana bakabahithe boshe aba kubatabelele buthunga oloni babwahelele mu byuma bya bubi. ¹³ Olojo twafwila kwana kukandelela kuli Njambi kwimaneneko yeni,bandolome bathzema kuli Shukulu,mwafwa Njambi wamyangwile kukala bushuka bwa kulinga kulwila kwitila mu kujelethewa kwa muthzithzime na kukulahela buthunga. ¹⁴ Wakuthanene kwitila mu muthzimbu wetu waubwa,manganawathe kutambula bumaphu bwa Shukulu Yesu Kilisitu. ¹⁵ Cho ngechi,bandolome,imaneni na kutakama na kukwatelela kuchithemwa chije bamilongethele,kwitila nambe mu lijwi nambe mu mikanda yetu. ¹⁶ Cho echeleni Shukulu yetu Yesu Kilisitu babnya na Njambi Tate,ou watuthzemene nakutwana kuhwima kwa myaka yoshe na chinyangabili cha chibwa kwitila mu chikeketima, ¹⁷ chituthzemebeleka naku takemetha bimbunge byeni mu bipangi byoshe bya bibwa namu lijwi.