¹ Paulu,Silasi na Timoteo,kuchikungulukilo chabaka Tesolonika muli Njambi Tate na Shululu Yesu Kilisitu. ² Chikeketima chikale kuli yeni na kwoloka kutunda kuli Njambi Tte na Shukulu Yesu Kilisitu. ³ Twatela kwana kukandelela Njambi thimbu yoshe hamulonga weni,bandolome,ngwe omu chinatela,mwafwa likulahelo lyeni lilinakukoleleko thimbu yoshe,cho na chithzemo hali umo na mukwabo chilinakutuminako. ⁴ Cho yetu tukalishangalela hali yeni mubikungulukilo bya Njambi hamulonga wa kuthimpa na likulahelo lyeni muli byoshe mukumipaketha.cho namubukalu bwoshe mulinakwitamo. ⁵ Echi chili na kulumbununa kuthompetha kwa Njambi kwa kwoloka,managana bakanjambate kupwa bakutela mu bumwene bwa Njambi,obu muli na kuyandela. ⁶ Mwafwa bene,chinatemo Njambi kwilwitha tuyando kuli aba bakamiyandetha, ⁷ na kuhwima kuli yeni bana kuyandethela hamo netu,omu Shukulu Yesu bukamusholola kutunda mwilu na tungelo twendi ba ndthzili ⁸ mumilangi ya tuhya,kunena kuhitha hali baje kubathzibuka Njambi na buje kubethi kwononokela muthzimbu wa ubwa wa Mwene Yesu. ⁹ Cho bakayanda na kashitiko ka ng'ababa ya myaka yoshe kutunda ku mesho a Shukulu naku bumpahu bwa ndthzili yendi. ¹⁰ Akalinga ngechi omu kaija halitangwa lije mangana baka mulemethe muli bana bendi bakuthzila na kumukomoka kuli baje bamukulahelele,mwafwa kwambulula kwetu kuli yobe wachikulahelele. ¹¹ Cho tukakulombelela na kutwalelelaho hamulonga wechi,mangana Njambi yetu aka kumone kupwa wakutelamo mukukuthana kwobe cho mundthzili yendi akashulithe bubwa bwa chipangi chobe choshe cha likulahelo. ¹² Tunalombo mangana lithzina lya Shukulu yetu Yesu Kilisitu bakalilemethele muli yobe,cho nobe muli ikeye,kwetheka na chikeketima cha Njambi yetu na hukulu Yesu Kilisitu.