¹ Mwafwa yeni babenya munathzibuka,bandolome,ngweni kwija kwetu kuli yeni kukwakele kwa ngocho. ² Ngechibene,ngwe omwo mwathzubuka,nambe twayandele mu mu matangwa akunima na kutushaula mu Filipu,twatakamene muli Njambi yetu na kwendeka muthzimbu waubwa wa kuli yeni na bukalu bwakama. ³ Mwafwa kwalethsa kwetu kukwakele kwa kuthebuka nameme,kutunda ku mathzilo,nameme kutunda kukukwitha. ⁴ Oloni,ngwe omwo bene Njambi natuwana kupwa baje bakulahela na muthzimbu waubwa,mangana twendeke,kethi kushangala banu,oloni Njambi. Ikeye muka kwilula bimnunge byetu. ⁵ Mwafwa kutwathzile na majwi a kushangathzala kwa makuli,ngwe omwo muthzubuka,nameme kusholola bilinga bije kubyethi bya buthunga mangana tufwike chipilulu - Njambi ikeye mukaleho wetu. ⁶ Nameme kushakethzeka bumpahu kutunda ku banu.nambe kutunda kuli yeni nambe kuli beka embwe. Tunatha kulinga ngwetu twambate myela ya Miluwa ba Kilisitu. ⁷ Oloni,twakele babathi mukati keni ngwe muje Ina akathzembelelka bana bendi. ⁸ Mungila eyi twkele na chithzemo kuli yeni. Twashangalele ha kulipangela muthzimbu waubwa wa Njambi kethi neni lika embwe oloni na myonyo yetu.Mwafwa yeni mwakele baje twathzema manene. ⁹ Mwafwa eni anukeni,bandolome,bipangi byetu na kayanda ketu. Buthsiki na mutamnya twakele na kupanga mangana hakati keni omwo twatambula muthzimbu wa ubwa wa Njambi. ¹⁰ Munapu mubakaleho,na Njambi lalo,omwo kuthzila,buthunga, na kujeneka milonga byakele bilinga byetu bitwashlwele kuli yeni baje bakakukulahelele. ¹¹ Mungila imo lika muthzubuka omu mu twakele na umo woshe hakati keni,ngwe Ishe na bana bendi, ¹² twamitakamethele na kumithzembeleka kukumilomba kwenda mungila ya chili ya Njambi mukufwilamo, uje na mithananena mu bumwene na bumpahu bwendi. ¹³ Hamulonga wechitukandelele Njambi thimbu yoshe.mangana omwo mwatambwile muthzithzime wa Njambi uje mwathzibile kuli yetu,oloni mwalitambwilile kethi ngwe lijwi lya munu,oloni ngwe omwo linapu buthunga,lijwi lya Njambi, lije lilina kupanga muli yeni banakulahela. ¹⁴ Mwafwa yeni,bandolome,mwakele baka kutemunwina ba baka bikungulukilo bya Njambi bije bili mu Yundeya muli Yesu Kilisitu. Mwafwa mwayandele muchifwa chimo lika ku banu baka lifuti lyeni,ngechi omwo bayandele kuli ba Yunda ¹⁵ baje bathsiyile boshe Shukulu Yesu na bapolofita,baje batuhsekele.Kubethi kushangathzeka Njambi. Olojo bapwa baka kujeneka nthzanthzu ku banu boshe. ¹⁶ Batubindikile kwambulula lijwi kuli ba kamafuti manganoni bakebo bakashulithe bubi bwabo ku theteko. Oloni bukalu bwa Njambi bukaija kuli bakebo ku shongo. ¹⁷ Oloni yetu,bandolome,btwandunwine kuli yeni ha kathimbu kakandondo,mu bunu kethi mu mbunge. Twakelemanene na ndthzanthzu,na kushaktha kwakama kwa kumona bihanga byeni. ¹⁸ Mwafwa twathsililile kwija kuli yeni - mu mubwa yange bene, Pulu,njilukilaho lalo - oloni satana watubyanethele. ¹⁹ Mwafwa chinyangabili chetu chinapu bikajo,indi nzolela,nambe kulkyaletha kwetu na lutwe lwa Shukulu Yesu ha kwija kwendi? ²⁰ Cho yeni honi muna mbumpahu na kubwalela kwetu.