¹ Paulu,Silase, na Timoteo ku chikungulukilo chaku Makesolonika muli Njambi Tate na Shukulu Yesu Kilisitu.Echeleni chikeketima na kwoloka bikale neni. ² Thimbu yoshe twana kukandelela kuli Njambi hali yeni boshe omwo tukamitumbula mukutwalelelaho mu malombelo etu. ³ Tulinakumyanuka ku mesho a Njambi na Tate yetu ha bipangi bya likulahelo lyeni,bipangi bya chithzemo,mukukakateya kwa chinyangabili muli Mwene yetu Yesu Kilisitu. ⁴ Bandolome ba bathzema kuli Njambi,twathzubuka ngwetu na myangula, ⁵ muthzimbu wetu wethzile kuli yeni kethi kwitila mulijwi ilka embwe,oloni na mundthzili,mundthzindthzime wa kuthzila, namukukulahetha manene.muchifwa chimo,mwathzubuka ngweni twakele tu banu bachifwa muka haliyeni hamulonga weni. ⁶ Cho mwethzile kupwa baka kutemumwina yetu na Shukulu,thimbu mwatambwile lijwi mu tuyando na kubwahelela kutunda ku mundthzindthzime wakuthzila. ⁷ Hamulonga wechi,yeni honi munapu chimwetho kuli bsohe bali mu Masondoniya na mu Akaye baje bakulahela. ⁸ Mwafwa kutunda kuli yeni lijwi kukekwo kubanalithzibila,cho kethi ku Masendoniya na Akaya,oloni likulahelo lyeni muli Njambi linashondowkela kwoshe. Cho kutwapandela kwendeka lalo chimo hali echi. ⁹ Mwafwa bakebo babenya bakambulule bya pandama ku kutambula muka kutwakele nakwo hali yeni,cho nonwo mwatengulukile na kwija kuli Njambi kutunda kutumponya na kupangela Njambi wakuyoya wa buthunga, ¹⁰ Cho ngwe umwo mulinakubandamena munendi kutunda kwilu,uje ya thangwile kuthsi - Yesu,uje watutundithile ku bukalu buje bukaija.