¹ Achi kengeni bakachithzemo cha chifwa muka chana twana Tate,ngechi,batuthana kupwa bana ba Njambi,omu mukemwo tulimo yetu. Amulonga wechi,yetu kaye kukatuthzubuka,nwafwa ku kamuthzubukile. ² Bakachithzemo,hononi tubaana ba Njambi,cho kanda laja ba chijombolole omu tu kafwa. Twathzubuka ngwe ikeye omu mwa kasholoka Kilisitu,tukapwa ngwe ikeye,mwafwa tukamumona ngwe omu mwafwa. ³ Woshe u ali nechi chinyangabili muli ikeye alijelethe babenya ngechi omu ikeye wapwa wa kujela. ⁴ Woshe ou alinga bubi ali na kulinga bilinga bya kujeneka ku kabangeya mashiko,mwafwa bubi chikecho kweneka ku kakabangeya mashiko. ⁵ Mwathzubuka nge Kilisitu bamusholwele mangana ambate bubi,cho muli ikeye kumwethi bubi. ⁶ Kukweti naumo a kalelela muli ikeye a twalelelaho kulinga bubi. Kukwethi naumo na twalelelaho kubulumuna na mumono nambe kumuthizibuka. ⁷ Baana bange,kethi mutaabethe munu woshe ku mithzimbaletha. Ou alinga mwa kuthungama apwa wa buthunga,ngwe omu Kilisitu wapwa buthunga. ⁸ Ou woshe akalingi bubi na tundu kuli lyabolo,mwafwa lyabolo wa lingil bubi tunde ku kushangumuka. Amulonga wechi mukemwo muna Njambi ba musholwele,mangana a nyongethe bipangi bya lyabolo. ⁹ Woshe ou wathemukile kutunda kuli Njambi kethi kutwaleleleho kubulumuna,mwafwa mbuto ya Njambi ikalelela muli ikeye. Katha kutwalelelaho kubulumuna mwafwa na themukila kuli Njambi. ¹⁰ Muchifwa echi baana ba Njambi na baana na lyabolo bana sholola: Woshe ou kethi kulinga bya buthunga katundile kuli Njambi,nameme uje kashakele ndolome yendi. ¹¹ Mwafwa ou ukewo muthzimbu uje mwa thzibile kutunda ku ku kushangumuka: Twatela ku lithzema umo na mukwabo. ¹² Yetu kethi tupwe ngwe Kena,ou wa tundile kuli uje wa mubi na kuthsiya ndolome yendi. Bikajo wamu thsililile? Mwafwa bipangi byendi bya pwile bya bibi cho bya ndolome yendi bya pwile bya buthunga. ¹³ Kethi mulikomokele,bandolome bange,oshe yeni kaye kamuthzinda. ¹⁴ Twathzubuka ngwetu tuneti kutunda mu kuthsa na kweta ku mwonyo. Mwafwa twathzeme bandolome. Woshe ou kethi kuthzema na thalela mu kuthsa. ¹⁵ Woshe ou achithzinda ndolome yendi napu muka kuthsiya. Mwathzubuka ngweni kukwethi muka kuthsiya wakala na mwonyo wa myaka yoshe muli ikeye. ¹⁶ Kwitila muli echi tuthzibuka chithzemo,mwafwa Kilisitu na anene mwonyo wendi a mulonga wetu.Netu lalo twatela kwana myonyo yetu amulonga wa bandolome betu. ¹⁷ Oloni woshe ou ali na bufuko bwahano ha kaye,amona ndolome yendi a thetela bukwathi cho ashoka mbunge yendi ya bukuthzi,chithzemo cha Njambi chikala bati muli ikeye? ¹⁸ Baana bange,kethi tupwe ba kushaka mujwi nambe a lilimi,kubanga mubilinga na buthunga, ¹⁹ Kwitila muli echi tuthzibuka ngwetu twatundu ku buthunga,na ku kukulahela bimbunge byetu kuli ikeye. ²⁰ Mwafwa oshe bimbunge byetu bituhitha, Njambi wakama ku tubakana bimbunge byetu,cho a thzibuka byuma byoshe. ²¹ Bakachithzemo,oshe bimbunge byetu ku byethi na kuhitha,cho tuli na likulahelo lya Njambi. ²² Byoshe obyo tulomba kuli ikeye tuka bitambula,mwafwa tuli na ku kukabangeya mashiko endi na kulinga byuma bije bya bibwa ku mesho endi. ²³ Eli likelyo lishiko lyendi: nge twatela kukulahela mu lithzina lya Munendi Yesu Kilisitu na kuthzema umo na mukwabo,nge omu mwa twanene eli lishiko. ²⁴ Ou a kanyunga mashiko a Njambi akalele muli ikeye,na Njambi akalelella muli ikye. Muli echi tuthzibuka ngwetu a kalelela muli yetu,kwitila mu muthzithzime ou wa twanene.