¹ Aberii asiali iyérica Efraín yasu analimérica, ipidená yai Micaía. ² Ya imaca yatua iriwa: "Ya mil cien (1,100) palataca yaté nayeduericateni, iwali yai picalidaca aberii tacaisi baweri iwalii, ya noacami ya nuemicami-- ¡Chaii! Nudenie palata. Noa nuyeduerii". "Pieto imaca: "¡Waiwacalii ibendisiaca piná nuirica!" ³ Ya yepuadacani yai mil cien (1,100) ituina palataca yatua iriwa, ya umaca oyatuaca ya numaquerica yai palataca iripina yai Waiwacalica, nuiri imanicatena yeneiwanasii ya naquirianaca iyu, ina quewa siuca, ya wepuadacani pirii pinaa. ⁴ Yapuadacalite yatoa iriwa yai palataca, yatoaca oeda doscientas (200) ituina palataca ya oaca irii yai ibeiderica, yai namanirica iyú yeneiwanasica, ya nacai nalimaidaná pínaca naquiriena iyú, ya nacawa nacuadaca tena icape nere yai Micaía. ⁵ Yai asialiqué Micaíaca ideniaca icapericuwá aberii yeneiwanasi, ya imanica aberii balesii ya su dionai capiminanai nacai, ya imaidaca aibanai yenibe naiwacali catena imanicawa. ⁶ Nenialité erii canacate yacalé icueriná alede Israelnai nenii, macaita cayaca imanicawá naiquerica natui iyuwa nenii. ⁷ Siuca iya aberi asialii uculirii iyerii Belén nenii alenacai Judá nese, Judá iminanai nacai neseyeica, cainasicanacai yena yai Levitaca ya imacacawa nenii, imanirica wawasi cayaba. ⁸ Ya asialiqué yacawa Belén nere alenacai Judánere ya catena icutaca aberii iyacatei pinaca. Ipichaweise yacawá, ya yanacá icape nere yai Micaía ya Efraín yasu dulii inumani iricuba. ⁹ Micaía imaca irii: "¿Sisana piawá piacanii?" ya asialii imaca irii: "Nua nacai Levita nacai Belén neserii Judá neseri, nacai nopinacawa nucutacatena aberii salusi yewacatei pina nuyaca". ¹⁰ Micaía imaca irii: "Piyamawa nuapicha, nulii nuacami, waniriiquei yai icuericawia. No piná pirii diez abechianamata yai palataca, camui iwaliquewa, aberii balesii abedanamerita icacanawa, yacasinacai eiba". Catanacai Levita iwaluacawa icapericulé. ¹¹ Ya Levitaca casimaica iyaca yapicha neree yai asialica, ya uculirii asialica ya yepuacawa alede Micaía nere cawacá iyuwa irii aberita. ¹² Micaía ibaluacawa Levita irii caimietacanawa, yai asiali uculirii imanicawa, icuerinania ya iyaca Micaía icape nere. ¹³ Nese, Micaía imaca: "Siuca nualiacawa Waiwacali iyaca nulii cayaba, yacaina Levitaca iwenuacawa weniwica icueriná piná".