¹ Sansón iica abechoa iacuechua inawa, ya imanica inaiyuwa bawerii opicha. ² Naimaca niaa iyeyeica chaii nayacataica "Sansón pia yaneriwatate". Nia nabaliaca iteseba camita nalia iwalii, ya nacuacanii, taipichanana. Ya neimaca nia aibanaica: "wawacani gueita erii imusuacawa, nese ya wanuacanii". ³ Sansón imacacawa cataa bamichuawi. Nenialita bamichuawi catá ya imichacawa ya ibaca capii inuma, nie pucheiba yetanaca ya iwatacania caliwise, icawa yetana macaita, ya imichaidacani iwacutelewa, nese ya itecani dulii inatale ipunita yai Hebrónca. ⁴ Idenami yai, Sansón yawanese caininatema irii abechua inanai iyechucate manucualii Soreneni. Uipidena Dalila. ⁵ Nia Filisteo yasu iwacananaica nacuawawa otaleé uyacataica uyaca, ya naima ulii: "Pemeniadera Sansón weicacatena sisanacali ichaini manuiri iyaca, caina icacanawa wadenapina weicaca ichaimi, wadecatena wadacuacanii ya ideca machainicanii ya nese walimawanamata wiee wapirii mil cien (1,100) yai palata. ⁶ Ya Dalila imaca Sansón irii: "Pimani nuli, cayaberi, ¿cainá yewana cachainica piaa, caina sica ideripina idacuacani piaa idecatena wiucatani? ⁷ Sansón ya imaca ulii: Nadacua calii nua siete (7) demapu inumacai camirii cata chuipina, nese ya machawacaca nua ya queicanua iyuwa aibana asianai matuiwaca. ⁸ Nese Filiesteo icuerminanaica nateca Dalila irii siete (7) iyanasi yai demapuca camiricata chuipina, ya udacuaca ya Sanonca opichawa. ⁹ Siuca ubaca opichawa yai asialiaca camiteica naliawa ya uyamacawa aleeta iriculewata, ya imaca irii yai; "Nia Filisteonaica chacatania piwalina, Sansón". Nese ya imadaca iyana yai demepuca iyuwa yai nayerica iyanasica ya ituadaca nemia macaita. Niacanii camita maliawa imusuacaleisewa. ¹⁰ Nese Dalila imaca Sasón irii: "Caiwaca iyuwata iyuwata pichiwaidana nua ya pimanica pichiwawa nulii. "Pimani nuli cayaberii, cainá yewana pimatuidaca nua". ¹¹ Ya imaca ulii nadacuacali nua walisei iyanasi iyu, camiricataca naibaida iyu, nua nuepuawa machawacairii iyuwa asianai matuiwacai". ¹² Ina ya Dalila uibaca walisei iyanasica ya udacuaca uópichawani, ya umaca irii: "¡Nia Filisteo nai chacata piwalina nia, Sansón!". Nia asianaica nacuaca nalia cawa nayaca alee naimacalu iricule idericulesiwata. Quewa Sansón imadaca iyanasi yanawalisewa iyuwa bapisinai. ¹³ Dalila imaca Sansón irii: "Caita siuca pia pichiwaidacanua ya pimanica pichawawa nulii. Caina yewana pimatuidaca nua. "Sansón imaca ulii: "Pia piyacalii siete (7) namanubaca nuibitabaina abechua waluma iwere yetanasi, nese natata yetanasi ibereni, ya nuaca iyuwa aibanai matuiwaca asianaica". ¹⁴ Imacataita cawa, Dalila uyaca siete (7) namanubaca iwitabaina aberii waluma yetanasi, iyu ibere yai dalerica ya utesiaca abereni, ya umaca irii: "Nia filisteonaica chacatania piwalina, Sansón". Yai ya icawacawa idapule yewisewá, ya iwataque yai nadacuerica iyuni sisade yana iwalise aicu dalerica yetanasi. ¹⁵ Ya umaca irii yai: "¿Caina pina pima nulii, nuwawaca, piaa caicalina pitani nuapicha? Piasu tacaisi camirica nalia iwalii piaa ya picanica nuquinina maisiba yawiria camita picalitada cainacali yewana cachaini capia". ¹⁶ Macai erita utanica irii cachainirii tacaisica ya mayamacata uma irii ewita yetaninamacawa imani yawawa. ¹⁷ Caica Sansón icalidaca macaita imaca ulii: "Nua canacateita nudenia aberii nudaluanaca nuiwitabeina caseruwir iyu nuiwita iwalisewa nuocaina yai nazareno, sairica nua Dios yasucaina nua nuatua idericucali nua. Nadaluacali nuiwitabaina, nese ya canaca nuchainii imacacanua, ina machawacaca nua iyuwa aiba asianai matuiwaquerii. ¹⁸ Caicalina Dalila icacalitewi umacate irii baisita imacauli iwalii, ya ubanuacateni ya umaidacate niai filisteonai icueriminanaica, naimaca: "Piriacuewa abetaniwa, yai ideca imanuli macaita". Nese filisteonai pecueriminanaica yate nadecawa uatalé, namaida nacapiricuwa palata. ¹⁹ Yate uimaidaca unawani yewiwani. Yate uchuliaca namaidaca aberi asialii idalueripina iwitabaina, iwita iwalisewa nia siete (7) imanubaca, ya idabaca oanaca yasu wawasi, yacaina icheinica imaichacateni. ²⁰ Ya umaca: "¡Nia filisteonai chacata piwalina nia Sansón!" Ya icawacawa idapule yewiseva ya imaca: Nua numusuacawa iyuwa aibalite nuwenuanicanamiwa ya idecata numusuacawa quewa yai camita yaliawa Dios imacanani. ²¹ Nia filisteonaica naibacani ya namusuadaca itui. Ya nalicuada canii alede Gaza, caitanacai nadacuacani iyuyai sawali aberi grillete bronce iyu. Ilabateideri iba imuluana alede nadeniacate nia. ²² Quewa nie iwitabainaca nadabaca namusuacawa, nadaunaca catanawa waliseitaniowa idenamite nadaluá iwitabeina. ²³ Nia filisteonaica nawacaidawa nia icueriminanaica nacatena irii aberi manuirii cayaberi wawasi Dagón irii nasu dionai ya casimaicatena nia. Naimaca niede: "Wasu dios icánaca yai Sansón, niai watalimanaica, waliacata wacapiricucania". ²⁴ Weinawicanai icacanii ya nasutaca nasu dio nacaiwa, caina naimaca: "Wasu Dios icanaca niai watalimanaica ya yepuadacania icalaliacatenani ya wayacaleca, yata inuerii, wamanubaca nai manubasiwata wena". ²⁵ Caiquewa nie namanica nayacalewa, ya naimaca: "Pimaidacue ya Sansón, imanicatena walii quinisii". Ya namaidaca yai Sansónca iteseba yai nadeniacate nia yalúca ya naicani iquininá. Ya nachuliaca ibaluacawa bamichuami nali niai manuinameyei icawa. ²⁶ Sansón imaca sumai irii, cainá yai iberica nucapii: "Pimaca nuibaca nawalii nia manuina meyei icawaca yewacatena nuliacawa nawere". ²⁷ Siucadé nadeca napuniecawa capinenii, asianai inanai nacai. Macaita niai filisteonai icueriminanaica nenitanacai niee. Nayaca capii ibenaima inataba mawienita tres mil (3,000) asianai inanainacai, naica nayaca iwalii yai Sansón matuibanaicatei imanicayawawa napichale. ²⁸ Sansón imaidaca iwacaliwa ya imaca: "¡Waiwacali Dios irii, piwawalita nua! Pianulii nuchaini piná, aberiiwawasi pinata, yewacatena nepuada nali ipunasi nunoacatena nia, abericuiseta, nia filisteonaica iwalise namusuadacaaca nutui pucheiba". ²⁹ Sansón ibaca puchaibanama icawaisica manuinameyeica bamichoami iwali yai manuirii capica iyamaidacawa, ya iriacawa iberee, apaulicuise, iibaca icawasi manuirii iberee, eiba abemaeisenacai. ³⁰ Sansón imaca: "¡Nalii pimacacue nuetacawa napica nie filisteonaica!". Ya imanica ichainiwa ya capii manuirica icalacawa nainataba nie icueyeica wenaiwica macaita, , iyeyeica napicha iricule. Caita nacai nie inuyeicaté yeteidawa yate yetacaliwa manubate yetawa yapica caucalitenii. ³¹ Neninese nia, yenanai nacai nia macaitanacai capi neniyaica iyaca yanirii nacai nalicuacawa. Nedacanii ya nateca ichabalewata ya nabaliacanii newita nieii Zora Estaol, alede namacacatale yeteyeimiwa yai Manoa Sansón yanirii icuericate Israelnai veinte (20) camuii.