¹ Siucata nawuidenai nia Judá, Benjamin nemeca Isana yai yacalé namusuadericate, siucataquewa nabaluadaca aberi templo waiwacali iris, Israelnai yasu Dios. ² Neni nese nomawaidecawa Zorobabel nasu, yai ichulierilania (jefe) nena-weneica nawirineimi. Ya nia naimacanali: "Pibatacue wabaluadaca piapichani, quewa abedanamata piapichacue, wia wacutaca wasu Dios, ideca mamanica cayaberi iri, idabacateise ya eriquei, Esar Hadón, icuerica yacale Asiria, ya iteca wía alei." ³ Quewa Zorobabel, Jesúa, nia ichulieyeca nia capi néni, nasu nai nawirinai imaca nalí: "Camitacue piapina, wiapinata, yeweyei ibaluadaca icape yai wasu Dios, wiata quewa yewexei imanipina waiwacaliri, yai Dios nasu nia israelnai, iyuwáta cainawana yai icuerica yacale Ciro yasu Persia ichuliana." ⁴ Caide iyuula yacalé yasu cali namanimacha quieri iyuni, icapiricu niai Judá yewacatena calucanía nabaluadacatani. ⁵ Nía quewa caitanaquei namawanicania nalacania yewacatena namacaca yai namaniri pinacata. Nia namaca yai, macaita eriquei yasu quei Ciro, idecunita icuaca yai Darío, icuerica Persia néni. ⁶ Neni nese idabacatai icuacaca yai Asuero nia itaneyei aberi noyunaidana cania naipunita nia yeyeica Judá Jerusalen néni. ⁷ Ya idecunita nia erica, yai Artajerjes yade Bislam, Mitridates, Tabeel nía imanuba natanaca Artajerjes irí. Ya carta iteneriwa arameo iyu namusuadani. ⁸ Ya rehum ichuliericania (comandante) ya Simsai yai itaneri, ya natanerica cai icacanawa. Artajerjes iwali yai Jerusalén. ⁹ Neni nese Reum, Simsai nia imanubaca, quwa cacheiniyei itaquei (jueces) aibanai uwi iwitapunai yasu yai gobierno erec , Babilonia, Susa alede Elam nére, nia natana tacaisi (carta). ¹⁰ Ya nawacaida yacale quewa manuiri iyu naliericawa iwali Asnapar ichulía siwata yamaca yanacawa samarianere abacatei napica nía iyeyeica alede yacale pubenameyei quirita alede aberi uni nere. ¹¹ Yaca yasu aberi icanawa (copia) yade tacaisi natanerica yanía nabanuacani Artajerjes iri: "yaasu weneica, asienai abemalé iwali yai unica, natanaca yai. ¹² Quewa yaliepinawa yai yacalé icuerina piatanaise, ya namichacawa waipunita alede Jerusalen nére, ya nabaluadapina aberi yacale baweri. Nia quewa nadeca namnicani nia muro, idé nepua namani ca nía yasu yetanana. ¹³ Sicuata yaliecawa yai yacale icuerina yata yacale ideca ibaluacawa yasu muro ideca imanicawa, nia canaca neripina wali iweni caita nacai impuestos, namanipina queita baweri nali nia reyeneica. ¹⁴ Baisisiwata caina caisimalena wia ideyeica iwiduma iyerica Palacio iricu, camita wasu yai wia waicaca canacata ideri ichabacawa iri yai yacalé icuerina. Ya idecatawa yai wacaliderica inawana iri yai yacale icuerina. ¹⁵ Iripina wawacuta icutaca yaniri yasu registro iricu, caulenericainani baweri iwitaise yacaleca, ina imanipina baweri nali nia reyeneica yacale pubename yei. Ideca namanica madecana baweri nali nia reyeneica yacale pubename yei. Ideca imanica aberi bamuchuami nalipina bayeica, ideca madecanaca eri nese. Caica iwalise yai tacaisi, caica yacale imutuacawa. ¹⁶ Ina wacalidaca waya irini yai yacale icuerina, yacali yacale yasu muralla nia nabaluadeyei, neni nese canaca imaqueripina piri quirita alede yacale pubenameyei yasu uni". ¹⁷ Neni nese yacale Rehum Simsai imanucaba, nia namusuacawa raunameisiwata Jerusalén nere ya nachuliasiwacata nia judionaica nama caca, nabaluada yai namanirica ayaca. ¹⁸ Ya carta pibanuericueca nuli, ideca imusuadacawa ide ilecawa nuli. ¹⁹ Idecunitacawa, nuchuliaca aberi icataca tacaisi ya nudeca nuliaca ya erica quecherica nia ideca icalidacawa ichabanise naipunita nia reyeneica. ²⁰ Cacheini yei yacalé icuerinaca ideca nacuaca iwali yai Jerusalén nadeca nadenieca chainisi macai iwali quirita alede uni nere. Napayeidaca tributos impuestos nacai. ²¹ Siucata, namanica wawasi yewacatena nia asienai yawacawa camicatena namani yai yacale, yepuacateletawa numanica aberi wawasi. ²² Picacue pichawani, camicatena inucue pia icha. ¿Cana ibatawa idaunawa yai iboliedacaisi quewa bawacuenata quirita yucacawa nalinia ineideyeica wasita iwali? ²³ Caina imani wawasi yai yacale icuerina Artajerjes naderi naleca ipicha Rehum Simsai imanubaca, niaya namusuacawa raunamaita Jerusalén nere nachulia siwata nia judíonaica nayamaidacani yai naibeiderica. ²⁴ Cai yai ibadericawa Dios icapericu, alede Jerusalén ya ibaluacata nacaiwa alede pucheiba camui ichuliacataica yai icuerica yacale Persia.