¹ Yai séptimo queri idenami yacatenai Israelnaica nepuacawa nasu yacalenei nerewa, nese nawacaidacawa abecatai cainawaca iyuwa aberita isieli Jerusalén nere. ² Jesúa, iri yai Josadac nia yenaneica sacerdotenai Zorobabel, iri yai Salatiel niai yenaneica namichacawa, ya namicheidaca, Dios yasu altar nasu nia Israel nei yewacatena naca iri ofrendanai yemacana, cainowaca iyua ichuliana yasu leyca yai Moisés, Dios yasu asielica. ³ Neni nese yadabeida yai altar yasu yabalina, canainama calucaisi yuwacawa nawali, nawalisena nia weneica nai neni calica. Nia naca iri cayaberi ofrenda yemacana Waiwacali iri amaleri iwalise, cateri iwali. ⁴ Nia queitanaquei neicaca iwali fiesta yasu yai nayacaluca, caide iyuawata idena itanacawa ya naca iri ofrenda yemacana eri inatabawaca, iyuwa idena namanica aberi wawasi, imaniripinacawa macai eeri yasu eeri. ⁵ Baisiri iyu iyaca yai ofrenda yemacana eeri imanubaca caita queri imanubaca yai ofrenda iripina, yai fiestaca, beisita Waiwacali yasu, abecateica chapicha yai ofrenda nasu wawasiricata namanica. ⁶ Nia nadabaca naca ofrenda yemacana Waiwacali iri, yai idabenerica erica yasu séptimo queri, ewita iyanuca yai templo, canacateita ideri imanicawa. ⁷ Ina caica nanali palata, nali nia canteros nali nia artesanos; yacasi, iracalesi ya aceite nali nia weneica Sidón Tiro neseyeica yewacatena nabanuaca aicunei nia sawiri (cedro) sisade Líbano, Jope lama iwaliba, iyuwata ichuliana nia yai Ciro, icuerica Persia iyacalé. ⁸ Neni nese segundo queri, caita naquei segundo camui idenami nacawa Waiwacali icape nere alede Jerusalén nere, Zorobabel, Jesúa, irica yai Josadac, nenaca nia sacerdote neica, levitas, niai yaneyeica yuwichacaisi icha nepuacawa Jerusalén nere, nadabaca yai ibeidacalesi. Ya niai namacaca levitas nai irini, veinte camuiyei idenieca, beyeinameyei naicacatena, iwali yai ibeidericawa waiwacali iricu. ⁹ Jesúa imacaca iriwa, yenasaiwa, Cadmiel yenibenai itaqueneimi Judá nese neicacatena weneica iwali ibeideyeica Dios icape. Abecatei nali, iyeyeica itaquenei yai Henadad, itaquenei, queitanaquei niai imanuba nai levitas. ¹⁰ Niai ibaluade yeica namanicasini yetana pina yai templo Waiwacali yasu. Yaquewa ibataca sacerdote ibaluacawa, nabate iricuisewa, trompetas, nali nia levitas, yenibe yai Asaf, wacatena cayaberi Waiwacali iri, iyu yai címbalos, caide iyuwa David icapi, icuerica yacale Israel ideca imacaca nali wawasinei. ¹¹ Nia nacantaca iyu yai nanaca Dios iri cayaberi yu waiwacalica ¡Ya cayabericani! ya abedanamacali neiwitaise napichawaca, wamanicali caide iyua nachuliena wamanica nalinia Israel naica, yaca queiripinata. Macaita yacale neica namaidaca cacheini siwata iyua júbilo iyu yacata wana Waiwacali iri cayaberi cana nabaluada nia templo nabaluade yeica iri. ¹² Quewa manubeiyei nia sacerdotenei, levitas, naiwacali patriarca nai, nia beyeinei caina iderica icaca yai idaberica capica, caina cali ibaluacawa yai capica, naca namanica itui ipichale, nia naichani asainasana chenuniba. Quewa madecana namaida casimairi iyu, casimasiweri iyu, aberi sanasi cayabawaqueri. ¹³ Cainawaca isana weneica iri, camita ideta nalie nemia isana cabawaca, camita ideta nalie nemia isana cabawaca, casimawaca isana, nasana nia weneica, cana yewana namanica cacheini iriyu manui casimaina nemieca isana decuise.