¹ Nese, idenami manuba erii tacaisi WAIWACALI yanaa Elías irii, maisiba imaca: "Piawa, piesaidawa Acab irii, Nua nubanua pina unia cali irii". ² Elías yasaidawa Acab irii; iyacate ma piquia manuirii Samaria neni. ³ Acab imaida Abdías, yai iwerica capi. Abdías imanica cayaberi WAIWACALI iri, ⁴ caide Jezabel inuacanamite niai profeta WAIWACALI yasuca, Abdías yeda cien (100) profeta yaa ibacania pan, uni. ⁵ Acab imaca Abdías irii: "Piawa picaque calica macaita utawi, uni iyacatai ya aibe arroyoca, yewacatena wina pasto, yewatalena nasalbacawa nie cawallo nia aiba nie mula camitena yewa netacawa waicha niai lawesica". ⁶ Yaa nawanuacawa naichabacawa calii iwali nawitaque unica. Acab yaa aiba ayapuiricule Abdías yaa aiba ayapu iricuba. ⁷ Idecunita Abdías yaa ayapuiricuba, Elías yanacani. Abdías yalia icacani ya iyamaca inecawa inuma cali iwali imaca: "¿Pieta nuiwacali Elías? ⁸ Elías imaca irii: "Nuacaní. Piawa pima iriya piwacali: Elías iyaca chai". ⁹ Abdías imaca: ¿Caina numani baweri pepodacaten piasu weneica icapiiricu Acab, inuacatena nua? ¹⁰ Cauque WAIWACALI, piasu Dios, canaca cali canaca reino nuiwacali ichuliacatale asianai icutacapina, naimacanami nia cali nie aiba nie reinoca, canacata cha Elías. Acab ichulia namaca aberita tacaisi, baisiri cananata idena nanapia. ¹¹ Cainanita pima nuli: 'Piawa pimapiwacali iriwa Elías iyacha". ¹² Idecanamita nuacawa, yae Espíritu WAIWACALI itecapia camicatalenualiawa yaa nuacawa numaa Acab camicanami yanapia yaa inuacanua. Nua piasu weneicaca nuaca cayaberi WAIWACALICA idebecataise uculiricanua. ¹³ ¿Camita naima naiwacalica, numanirica Jezabel inuacanaminia profeta WAIWACALI yasuca nubanaca niai cien (100) profetas WAIWACALI yasu cincuenta (50) cincuenta (50) utawi iricu yaa nuaca naya pan uni? ¹⁴ Siucata piawa pima iri piwaralicawa Elías iyaca chaa, inuacatenanua. ¹⁵ Ya imaca iri ya Elías: "Cau yai WAIWACALI uwinai iwacaleca nubaluerica ipichale baisipinata nuasaida nuawa Acab iri siuca". ¹⁶ Yaa yacawa Abías yanacatena Acab, ichaidaca iri Elías inamaca iri. Ya yacawe rey yanacatena Elías ipunita. ¹⁷ Acab icananami Elías imaca: "¿Pietanii? ¡Pia, ichuliarica nawenucawa!". ¹⁸ Elías imaca iri: "Nua camita nuchulia nawenuacanua niai Israel, pia penanai yapichawa, piwenuacawa iche WAIWACALICA pianaca nami nie idolonai Baal. ¹⁹ Siucata pichulia tacaisi pibanua macai Israel iricuya Monte Carmelo, macaita nali niai cuatrocientos cincuenta (450) profetas Baal yasu nie aiba cuatrocientos profestas Asera iyeyica osu mesa neni Jezabel". ²⁰ Ya Acab ichulia tacaisa macaita yacale Israel iricu iwacaida nia profetas Monte Carmelo neni. ²¹ Elías yaa natale nie yacaleca imaca na: "¿Caina idecunipina piwenua icha? Yai WAIWACALI Dios, pimacu iri Dios. Canami yai Baal dios, pimacua iri". Yaa canacata naima iri aberi tacaisi. ²² Elías imaca iri yae yacaleca nuacata imaqueri profeta WAIWACALI yasu niequewa profeta Baal yasu cuatrocientos cincuenta (450) asianai. ²³ Ina yewa pichulia naa wali puchaiba toros. Pichulia neda aberi toro naliwa nairiadacani, yaa nariada aicu iwali, quewa canapucuada quichei yapise, yaa nuaca yai aiba toros, nurieda pina quichai neni, camita nuriedapina yapise. ²⁴ Nese piacue pimaidapinacue piasu dios, nua numaida NUIWACALI iwali, yaa yeberica quichai iyu, yae pinaca Dios. "Neba macaita niai yacaleca yaa naimaca: "Cayaberiquera". ²⁵ Yaa Elías imaca profetas Baal iri: "Pedacue aberi toro yaa pichunia ideba manubaquinacuepia. Nese yaa pimeida ipidena iwali piasu Dios caacue pipowada quichai yapise toro". ²⁶ Niai naibaque toro neserica nali nachuniaca yaa namaida ipidena iwali Baal mapisainese, machacaninere, naimaca: "Baal pemia wali". Canacata yemiana nasana canacata yepuadana nasana. Niai nicapua itese yai altar namanirica. ²⁷ Machanari eri, Elías icanica naquinina: "¡pimaida cue cachainiri! ¡Yaa dios! Inidacawa ibaidaca iyaca, yacawa, imacanacai iwaetacue picawaidacani. ²⁸ Pimaida cachaini, yaa nainacawa, niawawa, caide iyuwana namanicaca espadas iyu lanzas iyunairenaca ipienawali. ²⁹ Ichabacawe machacainiri eri niai cawa caucatania taicale iwerecata nepuadacatai pina yai ya sacrificio, canacata yemiana nasana, canacata yeibeideri nali namaidanaca. ³⁰ Nese, Elías imaca nali niai yacalé: "Piecue sisara macaita piacue weneica yaa nacawa yatale niai weneicaca. Nese ichuniaque altar iwachali yasu idenicawa bawacani. ³¹ Elías iba doce (12) ibaca, aberinama nia nasaidanaca niawa niai weneica iwitanaca yenibeque Jacob, iriquinata WAIWACALI itani "Pipidenapina Israel". ³² Iba iyu imanii aberi altar ipidena iwaliyai WAIWACALI yai icaca aberita atawi itese manuirita puchaida yaluna wabanataba. ³³ Ichanaidaca aicu quichai iripina iriada yewi toro, iriada aicu iwali. Imaca: "Pipuniada bainuaca cuatro (4) uni iyu yaa picasaca iwali ofrenda yemericawa aicu iyu". ³⁴ Imaca: "Pimanicue abeta niwa ya niai namanica puchaiba winiri. Nese imaca nali: "Pimanicue baisibawiniri", niai namanica baisibawiniri. ³⁵ Yaa uni ipiecawa altar iwaliba yaa ipuniadaca yapuna. ³⁶ Ichabawa erica taicale nepuada catale ofrenda sacrificio, Elías yai profeta yaanaca mawiuni imaca: "WAIWACALI", Dios Abraham sayu sayu Isaac yasu, Israel yasu, nua piasu weneica, imanirica wawasi pitacai iwali. ³⁷ Pemiani, WAIWACALI, pemiani, ya yacaleca neliacawa pia WAIWACALI, Dios pepuadaque nawawa pietale". ³⁸ Nese, quichai WAIWACALI yasu ituacawa yemaca ofrenda cananama, aicu, iba yai imului, yai unica iyerica yapuna iricu. ³⁹ Naicacanami macaita niai yacaleca, nayamaca nanecawa nanuma cali iware, ya naimaca: "¡Yai WAIWACALI, Dios! ¡Yai WAIWACALI Dios!" ⁴⁰ Nese Elías imaca nali: "Pibaa profeta Baal yasu. Camita pitaba ipiecawa aberi". Nia naibacania, Elías iricuadacania profeta Baal arroyo iricule yaa inuacacania. ⁴¹ Elías imaca Acab iri: "Pimichawa, piya, pira casanaca unia". ⁴² Yaa Acab iriacawa iyaca iraca. Nese, Elías iriacawa inumani yai Carmelo yawiecawa yawata cali iwali iriedacawa yului iwali. ⁴³ Imaca yasu weneica iricuwa: "Pinawa siucata picaya lama". Iriacawe yasu weneica icacani imaca: "Canaca nuiqueri". Nese Elías imaca: "Pica abetaniwa yawiri". ⁴⁴ Yaa siete (7) yawiri, yasu weneica imaca "Pica acale iriacawa lama nese, achumerina caide iyuwana icapi yai asia lica". Elías yebaca isana. "Piriawa pima Acab iri". Pichunia ya carruaje piriwawa ichana ibaluadaca pia ya uniaca". ⁴⁵ Ichabacawa achumeri eri cataca chenunire acale iyu cauli iyu, yayuwacawa uniaca. Acab iriacawa yacawa Jezreel nere, ⁴⁶ yaa icapica WAIWACALI iyaca Elías iwali. Iyaque ibalecawa iwaliabawa yaa ipiecawa Acab yami aleta inuma neni Jezreel.