¹ Yae itacai waiwacali yanaca jehu irii yae Hanani ipunta yae Bassa imaca. ² Idecanamite nua numichaida pia imului yewise naiwacali nie Israel ya piacawa yapuna iricuba yae Jeroam pichuliaca nawenowa yacale Israel, ya pimani nulua ipunta bawerica pimanica. ³ Nua numalaida macaita Baasa yenanai yapichawa, nie nie aiba yenanaica Jeroboam, irii Nabat. ⁴ Auli iyapinaca macaita iyeyica icapericu yae Baasa netapinacawa, nie aiba masibe chenuniseyica nayapina macaita yeteyiwa mancoli". ⁵ Caide iyuwa nie aibanai, yasuwawasi imarica Baasa, ya aiba ichaini ¿camita natana cuyaluta iwawi, iyericate namaniri nie Reyes de Israel? ⁶ Baasa yetacawa yate nabaliaca iyeyicate walite Tirsa iricu, Ela yae iricaa namaca Rey iyu yalumi iricu. ⁷ Yae itacaique waiwaca yanaca profeta Jehu yae irica Hanani ipunta yae Baasa yenanai, macaita baweri imanirica yae WAIWACALI caluacateni iwalise ibaiderica icapi iyuwa, caide iyuwa. nie yenanaica Jeroboam, inuaquinania macaita nie yenanaica Jeroboam. ⁸ Yae camui veintiseis (26) Yacale iwacali yasu Asa yaa Juda, Ela iri Baasa, idebecate icuaca yae Israel Tirsa, icuaca puchaiba camui. ⁹ Yasu weneica Simri naiwacali yema yasu (carruaje) nawacaidacaba iipunita yai. siuca Ela iyaca Tirsa-neni, nairaca caita nacamaanica icapenere ya Arsa. ¹⁰ Zimri iwaluacawa, ipeliadacani caita inuacani, yae camuica veintisiete (27) Asa yacale iwacali Juda, yaa yacale iwacali yae camui. ¹¹ Idenamite Zimri idebe iwaca, yana irucaicuaca, inua macaita nieyenanaica Baasa. Camita imaca caa asianaiiyeyi iricu yae capi Baasa, yenanaica imanubaca. ¹² Ya Zimri, ina macaita yenanaica Baasa, imana itacai Waiwacali imanaca iwali Baasa yae Jehú el profeta, ¹³ macaita bawerica imanique baasa yae aiba bawerica imanique irii Ela namanicate, yate natecate Israel bawerica namanica, nie namanica nawawa idolos caloque Waiwacali Dios Israel. ¹⁴ Yae aiba iwali Ela, macaita imanica, ¿camita natana iricu yae ichabericawa Reyes Israel yasu? ¹⁵ Yai camui veintisiete (27) yai Asa rey Judá yasu, iwaca siete (7) camui Tirsa neni. Siucata nie uwinai nayamacawa Gibetón neni, nasucanu filisteos. ¹⁶ Nie uwinai nacaacataica nemia imaca: "Zimrinawacaida yicawa ya nanaca rey". Caide yaa ericairicu yae nacuacataica macaita nie Israel namaca Omri, naiwacali nie uwinei, rey Israel iricu. ¹⁷ Omri iriecawa ale Gibetón macaita nie Israel napicha, ya nieca naya Tirsa neni. ¹⁸ Yaa Zimri icaca yacale nedanani, ya naca ichaininere icapeque rey ya ipocadaca quichei; yaa yetacawe puiche iricu. ¹⁹ Caicate ibayawana imanirica bawerica icaca WAIWACALI, pipinaca ya puna iricuba yae Jeroboam iwali yae bawerica imanirica idenaca nie Israel namani baweri. ²⁰ Caina imanirica yae Zimri, ya iwenacacawa imaninca, ¿Camita natani cuyalata ichawericawa nie reyes Israel? ²¹ Idenami yaa yacale Israel nabacaca pucheiba dos (2) yewi. Yema yae yacale yeyica yami Tibni iuri oa Ginat, namaca rey, nie aibanica yaca yami yae Omri. ²² Yaque yeyicawa yacale Omri iwali cachainicanie naicha nie yeyicaca uiri iwali o Ginat, ya yetacawa Tibni, Omri imacacawa rey. ²³ Omri idebeca iwaca Israel neni yai camui treinta abechua (31) Asa rey yasu Judá, iwaca doce (12) camui. Iwaca Tirsa nese seis (6) camui. ²⁴ Ya iwenieca Semer duli sesenta y seis (66) kilos yae plata. Imanica yacale duli neni yaa imaca ipidenata yacaleca Samaria, iyawi yae Semer, iwacali quecherimica yae duli. ²⁵ Omri imanica bawerica ipichaleya WAIWACALICA imanica bawanaweri naicha nie iyeyicate ipichale. ²⁶ Ipinaca macaita yapuna ya Jeroboam, iri yae Nabat yaa imanirica bawerica itecana nie Israel baweri iricule, calaa WAIWACALICA, Dios Israel yasuca, napichanie nebeideyica iwali caneyica iweni. ²⁷ Caide aiba imaniri Omri, imanirica, ichaini yasaiderica, ¿camita natana iwali yaicayaluta reyes yasua Israel? ²⁸ Yaqueba yetacawa, Omri nabaliacani yawirinaimi yapicha Samaria iricu yae Acab irica imacaca rey iyu yalumi. ²⁹ Yae camui treinta y tres (33) rey Asa yasu Judá, Acab iri yae Omri idebeca iwaca Israel iricu. Acab iri Omri iwaca Israel Samaria veintidós (22) camui. ³⁰ Acab, iri yae Omri, imani baweri ipichale ya WAIWACALICA, manui naicha nianawirinaimicawa. ³¹ Yacawe Acab canata iweni iri ipina yapuna iricuba yae baweri imanirica Jeroboam irique Nabat, ya yedaca inu oa Jezabel iduque Etbaal, rey nasua nie sidonios; yaca yebeida Baal iri, yawiada yuliawa iri. ³² Yaa imanica aberi yalusi Baal iruruya capi imanirica Baal, iri Samaria neni. ³³ Acab aibaimani yenewanaya Asera. Acab calua imani bawanama WAIWACALI, Dios Israel yasu, macaita niai reyes Israel iyeyicate balite neni. ³⁴ Didewni iwacataica Acab, Hiel Betel neseri imanica Jericó. Ichanaidaca yabali yae yacaleca iweniyae icaucaca Abiram iri idebericawa yai aiba iri Segub, sumaiwaneri yetacawa idecunitaca imanique yapunaca yae yacaleca, imanica yasu tacaisi WAIWACALICA, itanica Josué iwali, iri yae Nun.