¹ Sauluua hakele litavathano lia kuthsa kuendi, va shangumukile ha litangua olyo vene na ku muyandetha mua kama na kudhinda vikungulukilo via kele mu Yelusalema; ² va ka ku thselela voshe valishanganene ku mitambela ya Yundeya na Samaliya, kutundithako vapostolu. Vaka ku thselela va shitikile Setefana muntu ua kalunga, na ku linienga muakama omo liendi. ³ Vunoni Saulu ua shangumukile ku shandola vikungulukilo. endi ua kovelele ku ndjivo, vahaka mutumenga. ⁴ Vaje vaka ku thselela kuje kova shandokelele, vaile na kuambulula lijui. ⁵ Filipu ua shelelele kuimbo lia Samaliya ua lekele vantu mudimbu ua Kilistu. ⁶ Mbunga ya vantu vali hanecili-cili mu ku tolilila vije via handekele Filipu; na mana amo lika vamu tolilile, ikeye avo navo vamuene vimuetho via lingile. ⁷ Vimpundhi via ku viha via tuhukile muli vakevo vije vio va kele navio. vatambakanene na lijui lia kama, na vavengi vakele na kayekele na vilema va kangukile. ⁸ Ngoco muje muimbo muakele ku jolela muakama. ⁹ Vuno kua kele umo mumala kuimbo lije lidhina liendi Simoni, ikeye ku nthsimbu ya laja ua kele cimbanda, muimbo lije, ua komouethele vantu vaka Samaliya, ua limuene ikeye vavenia muntu ua seho ya kama. ¹⁰ Voshe vaka Samaliya, kutunda kuli ou ua mundende naku heta kuli ua kama, vamu tolililile yendi; avo nguavo, ou mumala ali na ndhili ya Kalunga yo va tumbuile ua kama. ¹¹ Voshe va mutolililile, mukonda va muene vikomouetho kuli kuli vakevo ua kele nthsimbu ya laha na vumba viendi. ¹² Vuno omo va thselelele Filipu ua mbuluile mudhimbu ua cili ua vumuene vua Kalunga, na lidhina lia Yesu Kilistu, voshe va limbuitile voshe vamala na vakentu. ¹³ Na Simoni vavenia ua thselelele, endi kunima umba vamu mbuitikile va kele hamo na Filipu nthsimbu yoshe. Omo ua muene vimuetho na vikomouetho via kama viva lingile kumuhela uje, ikeye ua komokele. ¹⁴ Vuno omo vapostolu vamu Yelusalema omo vouile vaka Samaliya vana tambula mudhimbu ua Kalunga, mukemo vatumineko va Petulu na Yoano. ¹⁵ Omo mova xeleleleko, valombele, linga vatambule mpunthi ya cili. ¹⁶ Muomu nolo aci ue hali umo uavo; vana va mbuitika lika mulithina lia muene Yesu. ¹⁷ Ngoco Petulu na Joano vava kambekele mavoko, vatambuile mpunthi ya cili. ¹⁸ Ngeci omo Simoni mua muene nguavo vana tambula mpunthiya cili mu vana vakambeka mavoko, ua yonguele kufueta va postolo vimbongo. ¹⁹ Ua kuaniene nguendi, "nange njihaneni ndhili eyi, linga uoxe uje inji kakambeka mavoko ange akatambule mpunthi ya cili." ²⁰ Vunoni Petulu ua mukuaniene nguendi, "yove na vimbongo viove ukathsa navio, mukonda una thinganieka nguove kutambula vuana vua Kalunga na vimbongo. ²¹ Ove ku uethi na mutambela nambe muhela mu vipanga vietu, mukonda mbunge yove ku yasungamene kumexo aKalunga. ²² Ngoco tenguluka ku vithinganieka viove via kuviha, na kulomba kuli muene. Halumo aka kuecela kuvithinganieka viambunge yove. ²³ Muomu njinamono ngunge ove unaxulu na vuxungu na mumikole ya vupi. ²⁴ Simoni ua mukuanieneko, "njilombeleko kuli muene, ngoco viuma vije vio munakuania keti vije kuliange. ²⁵ Ngoco vakevo vambuluile vukaleho na kukuania lijui lia muene, Petulu na Joano vahilukile ku Jelusalema, vambuluile muthimbu ua cili mumembo amengi ava kaSamaliya. ²⁶ Vunoni kangelo ua Kalunga ua kuaniene na Filipu nguendi, "Katuka ya kunciongo ya cifuti kungila ije itunda ku Jelusalema iya ka Ngaza." (Ikeyo mumuthenge ua ngoco.) ²⁷ Ikeye ua katukile uayile. Taleni, liala uaku Etopia, ikeye ua thsimana navua ua Kandeke, muene ua mukentu uava Etopia. Ikeye ua niungile vufuko vuendi vuoxe. Uethile ku Jelusalema na kushangala. ²⁸ Ikeye ua hiluka ua tumamene mu likalu liendi, uatandele kuli kapolofeto Isaya. ²⁹ Keho mpunthi ya lekele Filipu, "Xuenako uli vandakane na likalu eli. ³⁰ "Ngoco Filipu uaxatukilile kuli ikeye, ua muvuile atanda kuli kapolofeto Isaya, na kukuania nguendi, unovuko ovio vioutanda? ³¹ Ngoco uakuanieneko nguendi, "vati njivithivuka, kuvanga umo anjilekevio? Ua kandelelele Filipu kulonda na kutumama hamo nendi. ³² Vuno mutamba uje uakele nakutunda ukeo ou vamutualele ngue injui kukuthsa, ngue muna injui naholoka kulu kumexo avaka ku muteula, kaxamene kanua kendi. ³³ Muku konkama kuendi kuva mupanguile. cikota cendi iya acithivuka? mukonda muono uendi vautunditha hanthi." ³⁴ Ngoco uje mukuluntu uehuile Filipu, nguendi, njikulomba, njileke kapolofeto muka akuania ngue, viendi vavenia, ndi viamukuavo uauo? ³⁵ Filipu uaxamene kanua kendi, keho uaxangumukile ku vithona evi vene via muthimbu ua Yesu. ³⁶ Ngoco muvaile mungila, vahetele ku mema amo uje mukuluntu ua kuanieneko nguendi, "tala, kuno kuli mema.Vika vinjivindika ku njimbuitika? ³⁷ Filipu ua kuanieneko ngendi, nga uthelela na mbunge yove yoxe, uatha, keho ikeye ua kuanieneko ua handekele nguendi, njithelela ngecije Yesu kilist ikeye muna Kalunga. ³⁸ Ngoco ua lekele likalu limane. Vaxelele mu mema, voxe Filipu na uje mukuluntu, ngeci va mumbuitikile. ³⁹ Omo movatuntukile mumema, mpunthi ya Kalunga yambatele Filipu, uje mukuluntu kamumuene lalo, muomu uayile kuendi na kujolela. ⁴⁰ Vunoni Filipu vamu uanene ku Azotu mukutuvakana uambuluile muthimbu ua cili kumembo oxe noho kukaheta ku Saseliya.