¹ Paulu, vamuthanene mukupua kapostolo ua yesu kilistu kuchithango cha Kalunga, na munanana sostene, ² Kumbunga Kalunga ije iliku Kolintu. Vajevene vana jele muli kilistu Yesu. Vana vathana mukupua vaka kujela hamo navoshe vatambaka lithina lia muene uetu Yesu Kilistu kuvifuti vioshe. Ikeye muene uavo; netu; ³ kavumbi na chiyulo. viakutunda kuli Kalunga ishe yetu na kuli muene Yesu Kilistu. ⁴ Yange njili na kushngala kuli Kalunga kange nthimbu yoshe muomu kavumbi ka Kalunga kova mihanene mili Yesu Kilistu ⁵ muomu viuma vioshe yeni muavifuka muli ikeye. na lijui lioshe na mana oshe. ⁶ ngocho vukaleleho vua Kilistu ua likolethele hakati keni. ⁷ Ngocho vene yewni kumuathele munima muku yeneka vuana navumo vuahi. Yeni muvaka kutatelela kujomboloka kua muene uetu Yesu Kilistu. ⁸ Ikeye aka mithindiya lalo naha kumanethela muka jeneke hakupayele hahi tangua lia muene uetu Yesu Kilistu. ⁹ Kalunga ikeye muka kulikonkeka hali ikeye vamithanene kuli kuata kumo na munendi Yesu Kilistu muene uetu. ¹⁰ Vuno yange njimikandelela. vakuetu ha lithina lia muene uetu Yesu Kilistu, ngocho eni voshe muhandeke mumo lika hakati keni keti hakale katepetho linga mutantuluke mumo na mbunge imo na chithango chimo. ¹¹ Muomu via kuli yeni vakuetu vana njilekethavio laja kolea nguavo hali thimpata hakati keni. ¹² Vuno njichitumbula echivene yeni mue kuhandeka hakati keni. Umo nguendi yange njimuka Paulu. Mukuavo nguendi nange njimuka Apolo, mukuavo nguendi nange njimukua Sefasi, mukuavo nguendi nange njimuka Kilistu. ¹³ Kilistu nalitepe tepa ndi? Paulu ikeye vami pampalele nendi? vami mbuitikile mulithina lia Paulu ndi? ¹⁴ Njishangala kuli Kalunga muomu naumo uahi uakulieni nja mumbuitikile kuvanga Kilispu na Ngaji. ¹⁵ Kuteua umo ahandeka nguendi mulithina liange vamumbuitikile. ¹⁶ Njambuitikile lalo vaka njivo ya Sitefanu, yanini nga njambuitikile mukuavo lalo. ¹⁷ Muomu Kilistu kanjitumine mukumbuitika vunoni mukuambulula thinkanda thachili keti ngue ngohoni namana alijui, kuteua chilindakano cha Kilistu chi.thimangana ¹⁸ muomu liji lia chili kuno linapu vutha kuli vakua ku nonga, vunoni kulietu vaka kuovoka linapu nthili ya Kalunga ¹⁹ muomu vanathono nguavo yange njikenyeka mana avaka mana keho njika thimangana mana avakua mana. ²⁰ muka mana kuiko ali, muka kulongetha ua vithonene uiye mukq kukandula thimpata nthimbu ino uiye hano hanthi? Kalunga ka apuithile vutha ndi? ²¹ muomu ngechi kumana a Kalunga vaka hanthi kuva muthivukile Kalunga namana avo vavena. kuma cha vavuathele Kalunga kuvovola vaka kuthetele navutha vua kulongetha lijui liendi. ²² muomu va Yundeya vali na kulomba vithivukitho na Vangelengu vathetela mana. ²³ vunoni etu tuambulula Kilistu vaku pampalele ha chilindakano, kuli va Yundeya kupunduka, nakuli vaka vifuti vutha. ²⁴ vunoni kuli ava vavanathana nambe kaYundeya nambe kaNgelengu, Kilistu ikeye vene nthili ya Kalunga ikeye mana aKalunga, ²⁵ muomu vutha vua Kalunga vua tuvakana mana avuntu na kutheya kua Kalunga kua tuvakana nthili ya vantu. ²⁶ Taleni kukumithana kueni vakuetu, ngechije muku mithana kuva lithalele vakamana aviuma via vuthitu. kava lithalele vaka vukama, kuva lithelele vaka vumuene kuahi. ²⁷ Vunoni Kalunga ua hanguile via vutha vua hanthi muku vishuama vaka mana nevi via kutheya via hanthi muku viuvuitha ntjuama via kukola. ²⁸ viangocho via hanthi, nevi vivayengumuna. Kalunga ua vihanguile vene, nevi viahiko mukunehetha evi viliko. ²⁹ Linga mbunda na imo yahi ikalishangala kumesho aKalunga. ³⁰ vunoni mukati ikeye ngocho muli muli Kilistu Yesu, ikeye yovana tupuithala mana aKalunga na kuvuaha, nakajela, nakukula. muomu, ³¹ ngocho vanathono nguavo, uoshe alishangala alishangalele muli muene.