¹ ''Opo aghambire Ephraim, kwakalirepo lya ghoma. Akuyerulire mwene mu Israel, ene ngoli akalire mulipuko mukonda ya lifumadeko lya Baal, ntani adohoroka. ² Weno avatura ndjo dadingi. Ava rughana ruha rwanyara yashikugho kutundilira ku Siliveli, mafano gha kuraperera mu unkurungu wavirughana vya kutompoka, navintje virughana vya ukotoki wa muntu. Vantu ava ghamba kwavo ashi, ''Ovo vakafumu vakudjamba ngombeghona.' ³ Mposhi ngava kara yira maremo gha ngurangura, yira lime lya kuyenda kukuhova, yira mukwindi vana kushinga ka mpepo ukayende utunde parupare rwakupumina, ntani yira muti una kurupuko kupipe yayire. ⁴ Ene ngoli ame Hompa Karunga wenu wamushirongo sha Egypite. Muna kona kupandura kwato Karunga ene ngoli me; munakona kuvimpandwira kuntere dande, kwato nka muyogholi naye peke. ⁵ Nakuyiva mumburundu, mushirongo sharukukutu rwarunene. ⁶ Opo mwakalire namalitiro, makura amu kara munayura; ntani opo vakuywidire, mutjima ghoye aghu kara vana uyerura. Koyinya kunda wa mvhuramine. ⁷ Nganiya nikare yira nyime kwavo; yira ngwe nganikengera kundjira. ⁸ Ngani va homokera yira likashama olyo vavaka vana valyo. Nganitaura nigharure nturo davo, ntani kunya ngani kavadjonaura yira nyime, ntani limukashama lyamumburundu ngalivatavaura papadidi. ⁹ Ngani kudjonaura me, Iarael; Are gho ngavuro kumvhatera me? ¹⁰ Kuni nko weno Hompa wenu, mposhi ngavure kumuvatera munkurumbara denu nadintje? Kuni nko vampititi venu, kuhamena ogho mwaghambire kwande, 'Mpenu Hompa ntani vana va Hompa? ¹¹ Namupire Hompa mu ugara wande, ntani namuupireko ayende mu ugara wande. ¹² Ephraim ukaro wendi una vyuka kuwiru; ndjo dendi vanadituliki kuwiru. ¹³ Kukora kwalishampuruko ngavi kaya kwendi, ene ngoli uye kapishi mona wamumati wa kukotoka, mposhi opo ngarutika ruvede rwali shampuruko, kapi ngarupakmo mushivaro. ¹⁴ Kuvura nivapopere mumaghoko gha Sheoli? Kuvura niva popere mu ufe? Kuninko, mfa, mapuro ghenu gha ugara? Kuninko, Sheoli, matungo ghenu? Ufe nkenda muna uhoreko kumantjo ghande.'' ¹⁵ Nampili ngoli Ephraim ngagho mukatji kava kuruvendi navamunya vendi, kakundungu kaku upumeyuva ngakaya; kakundungu kaHompa ngakapepa munda kutundilira mumburundu. Ephraim mavango oko ghatundanga mema mulivu ngagha kukuta, ntani matope ghendi kapi ngagha kara na mema. Vanyengi vendi ngava vaka ndjugho yendi ya kutulikira kwa kehe shino shininke shendi shamulyo ahora. ¹⁶ Samaria nga kara mulipuko, mposhi uye a shwenine Karunga wendi. Ngavawa kumaghonga; vana vavo vavanuke ngavavavukuma mumaruha ghama didi, ntani vakamali vavo vamara ngavagha tavaura gha gharuke.