¹ Ephraim kulya kumpepo ntani kukwama kunyima ya mpepo ya kuupumeyuva. Uye kutwikira kuhanita vipempa ntani ukorokotji. Ava rughana vyo likwatakano na Assyria ntani na kushimba maghadi gha Oliva ku Egypite. ² Hompa shimpe akara na veta kwa Judah ntani ngatengeka Jakopo kovyo arughana; ngamufuta kuvirughana vyendi. ³ Mushivaro Jakopo akwata muunyedi kunyima yamauru, ntani mu untu wendi a kondjire na Karunga. ⁴ Akondjire nava vaEngeli ntani na kuketa. Alili ntani nakukanderera kushihoro. Aka kugwanekera na Karunga ku Bethel; okunya aka ghamba naye. ⁵ Oghuno Hompa, Karunga wa vantu vavangi; ''Hompa'' ndyo lidina lyendi lya kukughita. Mposhi piruka kwa Karunga woye. ⁶ Kara nalikwatakano kutanta ushiri ntani kutekura muushiri, ntani taterera kutwikira kwa Karunga woye. ⁷ Vantu vatumbukiro kulikutjindjo kwakara naviviha lyakudira kutanta ushiri mumaghoko ghavo; kwahora kughupa vininke vya vantu mukukonga. ⁸ Ephraim aghamba ashi, ''Ame pashirugho ntjoshino tupu nakara ngagho; nawana untungi pana umwande. Muvirughana vyande navintje kapi ngava wanamo ukarodona mwande, kehe vino ngavatura ndjo.'' ⁹ ''Ame Hompa Karunga wenu wamushirongo sha Egypte. Shimpe nka ngani murughana ngamutunge mutende, yira mumayuva ghali horoworo gha shilika. ¹⁰ Ani ghamba kuva porofete, ntani ani vapa ndjodi dadingi denu. Mumaghoko ghava porofete ani vapa vitimwitira vashonge.'' ¹¹ Ntjene mpoghuli ukarodona mwa Gilead, nalihuguvaro lyalinene vantu kapi ngava kara namulyo. Mu Gilgal kwadjambanga hove; ndjugho davidjambero vyavo ngadi kara yira litungo lya mawe mufora mulifuva. ¹² Jakopo adukilire mushirongo sha Aram; Israel arughana mundjira ya kuwana mukamali; ntani atulikire vivunda vya ndjwi mukuwana mukamali. ¹³ Hompa ayitire Israel atunde mu Egypte mwa mu porofete, ntani mwa mu porofete amupakilire shinka. ¹⁴ Ephraim kwatjutjupitire kugarapita Hompa. Mposhi mupangeli wendi ngashuva honde yendi pendi ntani ngatungwira mughongo kwendi kulifo ntjoni lyendi.