¹ Yino ndjo nkango ya Karunga kwa Hosea mona wamukafumu wa Beeri mumayuva gha Uzziah, Jotham, Ahaz and Hezekiah, hompa wa va Judah, na mumayuva gha Jeroboam mona wamukafumu wa Joashi, hompa wamu Israel. ² Karunga opo aghambire kupitira mwa Hosea pamuhovo, nakughamba kwendi ashi, ''Yenda, ukaghupe mukamali wakukughulita naghumwendi. Ghuye ngakara navana ovo ngavakaro ashi vavitundwamo vyakukughulita naghumwendi. Mukondashi Shirongo shinakuhamitiri mwamumene mulikughulito lyavakamali vavene mukushuva Karunga.'' ³ Makura Hosea akakwara mona wamukamali wa Diblaim, mpo akalire marutu maviri nakushampuruka mona wamukafumu. ⁴ Karunga atantere Hosea, ''muruke lidina Jezreel. Mposhi mukashirugho tupu kakadidi nganitapa kashitiko kulipata lya Jehu kulitjimpa lya Jezreel, ntani nganitura ughura kumbara ya lipata lya Israel. ⁵ Muliyuva linya ngani djonaurapo unankondo wavakavita va Israel mumuramba wa Jezreel. ⁶ Gomer akara marutu maviri nka ashampuruka mona wamukadona. Makura Karunga atantere Hosea ashi, ''muruke lidina Lo-Ruhamah, mbyevishi ame kapi nganikara na nkenda kulipata lya Israel, ashi nganiva ghupirepo. ⁷ Ngoli ngani kara naghufe nkenda kulipata lya Judah, ntani nka nganivayowora, ame Hompa Karunga wavo. Ngoli kapi nganivayowora naunankondo, na rufuro, na marwanambo, na tukambe, ndi nava rondi vatukambe.'' ⁸ Kuruku Gomer arelire Lo-Ruhamah, ayakara namarutu maviri nka nakushampuruka mona wamukafumu. ⁹ Makura Karunga aghamba, ''Muruke lidina Lo-Ammi, mbyevishi nwe kapishi vantu vande, ntani nka me kapishi ni Karunga wenu. ¹⁰ Shimpe shivaru shavantu vaIsraeli ngashikara yira livhu lyakuntere lifuta, shakudira kuvura kavara. Ngavikarashi yira moomu navivatwenyidilire, 'Kapishi muvantu vande,' ngani vatwenyidira, 'Anwe vantu vaKarunga wa munankondo nadintje.' ¹¹ Vantu va Juda na vantu va Israeli ngava kaponga kumwe. Ngava katoghorora mpititi umwe naumwavo, ntani ngava tundamo mushirongo, mposhi liyuva lyalinene ngalikaro lya Jazreel.