¹ Tantera vauni voye va vakafumu, 'Vantu vande!' ntani kuvauni voye va vakamali, 'Vanamufere nkenda.''' ² Yita lipanguro nava Nyoko, yita lipanguro, mbyovyoshi uye kapishi mukamali wande, ntani ame kapishi nturaumbo yendi. Murenke ashuve runtjo rwendi kumeho yendi, nakushuva viruwana vyendi vya rushonda mukatji kamashwe ghendi. ³ Nange kapishi ngoli, ame ngani mushututura akare muhere-here nakunegheda muhere-here wendi yimu muliyuva olyo vamushampurukire. Ame ngani murenka akare yira mburundu, yira livhu lya kurukirapo, nakumurenka afe kulinota. ⁴ Kapi ngani kara nankenda pa vana vendi, mbyevishi vavo vana vamukamali wakukughulita mwene. ⁵ Mbyevishi nyokwavo kwakalire mukamali wakukughulita mwene, ntani ghuye nyokwa kwavawanine vana mukurughana vyakuyita ntjoni. A ghamba, ''Ngani kwama ava nahora, mbyevishi vavo kumpa mboroto yande na mema, nguho, likeshe, maghadi ntani navinwa.'' ⁶ Mpo ngoli ashi ame nganidika murudi namiya mukukandana ndjira yendi. Ngani dika likuma mukukandanapo ndjira yendi. ⁷ Ghuye nga kwama vendi vashihoro, ngoli kapi ngavapitakana. Ngavashana ngoli kapi ngavawana. Makura ghuye nga ghamba ashi, ''Nakuvyuka kwa vyande wakuhova, mbyevishi vyakalire hasha kupitakana omu vina kara weno.'' ⁸ Mbyevishi ghuye kapi ayivire ashi me namupiro mbuto, vinyu yayipe na maghadi, ntani ogho amupiro siliveli na ngorodo, ovyo ngavarughanita kuungagho. ⁹ Makura kuni ghupa mbuto yendi pashirugho shamuyangu, ntani na vinyu yande yayipe mushirugho shayo. Ngani ghupa nguho yande na likeshe ovyo arughanitire mukufika muherehere wendi. ¹⁰ Makura nganifikura ovyo vya fiko muherehere wendi kumantjo gha vahorwa vendi, ntani kwato ogho ngamupopero. ¹¹ Ngani shayikitapo ruhafo naruntje-mafesite gha ghameno kundya, lidjobwano lyakuterama kakwedi, liyuva lya Sabbata, ntani namafesite agha vapongora. ¹² Ngani djonaurapo dimutavi dendi na vitondo vya ghukuyu, yira momu aghambire, 'Ovino ndjo mfuto vampire vavihora vande.' Kuni renka vikare mutitu, makura vikorama vyamuwiya ngaviparuke mwavyo. ¹³ Nganimufutita kulifesite lya ghu ngaho, opo ashwakilire vya shidumba kwavo, opo akutungikire mwene nalinga ntani navimbilingwa, ntani nka ayendi kuvahora vendi kumwe nakuntjuva me- oghano ngo mankondopeko gha Karunga.'' ¹⁴ Mposhi ame ngani kamukoka. Nganikamuyita mumburundu na kuyamughambita pambili. ¹⁵ Nganiya muvyutira vikunino vyavinyu, namuramba wa Achor mposhi vikare livero lya lihuguvaro. Ngakandimburura nkokunya yira momo arughanine mumayuva ghendi ghaudinkantu, yira momunya mumayuva atundire mushirongo sha Egypt. ¹⁶ ''Ngavikara momo muliyuva- olyo ngaundjita, 'Vyande,' ntani kapi ngo ndjita nka, 'Ungagho wande.' ¹⁷ Mposhi me nganighupamo mukanwa kendi lidina lyaungagho, madina ghavo kapi ngavaghavuruka nka. ¹⁸ Muliyuva olyo ame nganitura likukwatakano lyavo na makashama gha muwiya, navidira vyamuwiru, ntani navininke vyakukukoka palivhu. Nganighupamo mauta ghankandja, marufuro, ntani navita vyamushirongo, ntani nganimurenka murare mumbili. ¹⁹ Nganimutwenyidira mukukara nturaumbo wenu wakukarererapo. ²⁰ Nganimutwenyidira mukukara nturaumbo wenu wauhungami, mpora, mulipuliro lyamakukwatakano, ntani naufe nkenda, makura ngauyiva Karunga. ²¹ Muliyuva linya, ngani limburura-mo ngoli ana kughamba Karunga-ngani limburura mawiru, makura pandunda ya livhu ngapawana lilimbururo. ²² Livhu ngali limburura na mbuto, vinyu yayipe na maghadi, ntani ngava limburura Jezreel. ²³ nganimutapeka naumwande mushirongo, ntani ngani mufera nkenda pa Lo-Ruhamah. Ngani ghamba kwa Lo-Ammi ashi, 'Anwe vantu vande,' makura vavo ngava ghamba kwande ashi, 'Ove Hompa wande.''