¹ Opo atikire mayuva gha Hompa David kumfa, a tantere monendi, Solomoni ashi, '' ² Ame kuna kuyenda nikafe. Kara nankondo, nakuneyeda ashi ove umurume. ³ Kwata dimuragho da Hompa Karunga ghoye uyende mundjira yendi, kwama veta, namarawiro ghendi, vangara na kukwama ovyo vatjanga mumbapira ya Moses, vino ngavirerupita ovyo ngauruwana, nako ngauyenda, ⁴ Karunga ngatikitamo nkango dendi aghambire kwande, ashi, ' Ntjeneshi monoye nganomenange viruwana, nakuviruwana naruhafo kutunda kumutjima, namonyo nandunge nadintje, kapi ngaumona mpiri umwe mukutareke naye mu Israel.' ⁵ Wayiva ovyo aruwana Joab monarume wa Zeruiah kukwande, navyo aruwana kuva kurona Wavakavita vaviri vamu Israel, kwa Abner monarume wa Ner, ntani kwa Amasa monarume wa Jether, ovo a dipayire. Ghuye kwavadipayire shirugho shavita vyavyo kuna kuyenda kumpora ntani ghuye kwakutuliremo muvita vino nakukumanga ruvya na nkaku kumpadi dendi. ⁶ Yiva kuruwanita ukonentu kwa Joab ogho wakara nagho, ngoli washa murenka afe kumfa da kantjika. ⁷ Ngoli negheda ufenkenda kuvana va Barzillai wa Gileadite, varenke vaya kare kumwe novo unakulya navo kuntishe, vavo vaneghedire ufenkenda apa vatjwayukire kwa mukuroye Absalom. ⁸ Kenga, ove una kara na shimeyimona Gera, va Benjamite wamu Bahurim, ogho akahepekiro namarakadona muliyuva twagwanikire naye ku Jordan. Ame kwa kaghanine kushipara sha Hompa ashi, ' Ame kapi nganikwata rufuro nimudipaghe.' ⁹ Mposhi washa mupulidira ayende ahana kuwanako kashitiko. Yiva ashi vinke uruwana, ntani uyive rupe oro uruwanita mposhi ghuye ghumudipaye.'' ¹⁰ Daviti makura afu nakumuvumbika mulivhu lyava nyakulyendi. ¹¹ Hompa Daviti kwa pangera mbunga ya Israeli mwaka dimurongo ne. Ghuye kwapangera mwa ntambiri mushirongo sha Hebroni ntani mwaka dimurongo ntatu mu Jerusalema. ¹² Salomoni apingi ghu Hompa wavashe Daviti, ano umpititi wendi aghutikilirimo. ¹³ Makura Adonijah mona Haggith aya kwa Bathsheba vawina va Salomoni. A mupura,'' Ashi kunaya mumpora ndi?' Ghuye alimburura,'' '' Nhi mumpora, ' ¹⁴ Atwikiri kughamba. '' Nakara na mbudi nashan kukutantera, '' Amutantere ashi, '' Ghamba.'' ¹⁵ Adonijah atanta ashi , '' Ove vyayiva ashi untungi vauntwenyitilire, ntani va Israeli navantje ashi ame Hompa. Ngoli vininke vina kutjindji, untungi weno kavaupa muunyande, vya kutunda kwa Hompa Karunga. ¹⁶ Weno nakara nalishungido koye, washa mpirukira muhongo.'' Bathsheba amutantere atwikire '' ¹⁷ Kughamba.'' Kaghambe na Hompa Salomoni, mposhi ndi a kakuyuvire ovyo ghuka ghamba, ghuye ndi ngampe Abishag wa shunamwite akare mukadande.'' ¹⁸ Bathsheba avitambura; ashi viwawa, kwa mughambita Hompa,'' ¹⁹ Bathsheba ashapuka ayende kwa Hompa Salomoni akaghamberepo Adonijah. Hompa atapa mfumwa kwa nyokwa nakunyongeka mutwe wendi. Salomoni ashungiri pashipuna nakutuma vakayite shipuna shanyokwa. Ghuye kwa shungilire kurulyo rwa monarume we. ²⁰ Makura aghamba ahi, '' Nakara nalishungido lyalifupi kukoye, ntjene kughuvindjuvira. hompa alimburura nyokwa vapure; pure'yina, Ame kuna kumutegherera.'' '' ²¹ Renka Abishag wa shunamwite nga kare mukamali wamukurona Adonijah.'' ²² Hompa Salomoni alimburura na kughamba kuvawina ashi, '' Mukonda munke muna kupulira Abishag washunamwite akare waAdonijah? Mukonda munke muna kudira kumupulira ruha rwa unntungi naye, uye ndje mukurona kwande-Abiatnar mupristeli, kumwe na Joab mona Zeruiah?'' ²³ Hompa Solomoni atapa matwenyidiro kwa Karunga, pakughamba ashi, '' Hompa Karunga ndi vishoroke kehe muno mukurenka Adonijah avure kufa kwevi ana pura. ²⁴ Mpo ngoli Karunga, ogho antumbo, nipinge ghu Hompa wavavava Daviti, ntani nakuntwenyidira untungi uno, pa weno natokora ashi Adonijah ana hepa kufa namuntji.'' ²⁵ Hompa Salomoni atumu Benaiah mona Jehoiada, akadipaghe Adonijah. ²⁶ Hompa arawiri muPristeli Abiatnar ashi, '' Yenda, oko watunda, kapi nahoro nikudipaghe weno, mukondashi mwakukwatire undambo na Hompa Karunga muruvede rwa Hompa Daviti vavava, mwakuyuvire nakupita mumaghudito.'' ²⁷ Solomoni ashutura Abiatha mukukara ashi muPristeli wa Karunga yitikiliremo yira momo aghamba Eli ku shiloh livango lya ndjambo. ²⁸ Mbudi ayiya muwana Joab, Joab akwatitire Adonijah, mpiri ngoli adilire kukwatitako Absalom. Makura Joab atjwayukiri muntembeli ya Karunga ntani ashimbi nakukwaterera mbinga dapa pa shidjambero. ²⁹ Hompa ayuvhu mbudi ashi Joab atjwayukilire kuNtembeli ya Hompa pepi na shidjambero. Salomoni atumu Benaiah mona Jehoiada, ashi, '' Yenda kamutunditemo.'' ³⁰ Makura Benaiah ayendi muntembeli nakaghamba kwendi ashi, '' Hompa ana ntumo, ' Ghurupuke; ''' Joab alimburura ashi, ' hawe'' Ame kuni fera momu.'' Benaiah akavyuka kwa Hompa, na kughamba ashi, '' Joab kuna ghamba ashi uye kwafera ku shidjambero.'' ³¹ Hompa amutantere,'' Benaiah aruwane mbyovyo ana limburura. Kumudipaghe nakamuvumbika atunde kwande ntani mundjugho yavavava ngamutunde honde ya Joab yatekeromo. ³² Hompa Karunga ngatengeka Joab, mukondashi adipagha vantu vaghana kudjona narufuro rwendi, Abner mona wa Ner, mpititi wava kavita va Israeli kumwe na Amasa mona Jether, mukurona wavakavita wava Judah, ovyo adira kuyuva vavava Daviti. ³³ Makura shihonde shino ngashitamba kwa Joab kumwe na ruvaro rwendi naruntje. Ngoli kwa Hompa Daviti, na ruvaro rwendi, kumwe na liapata lyendi ngava kara mumpora ya kutunda kwa Karunga.'' ³⁴ Makura Benaiah mona Jehoiada ayendi akahomokere Joab na kumudipagha. Ghuye ava muvhumbiki mushirongo shamburundu. ³⁵ Hompa atumbu Benaiah monarume mulivango lya Joab, ntani atura Zadok mulivango lya mupristeli abiatnar. ³⁶ Hompa atumu na kuyita shimeyi, nakumutantera ashi, '' Dika ndjugho muYerusalema mo ngaukatunga, ntani kwato kuyenda kushirongo shapeke. ³⁷ Liyuva ngautundamo, ngaukapite murunone rwa Kindron, ngauviyive ashi ngaufa mpopo. ³⁸ Shimeyi aghamba kwa Hompa ashi, '' Viwa ovyo una tanta, ove Hompa wande una mana kughamba, mupikoye ngaviruwana ngoli. '' Makura shimeyi atungu muYerusalema nyuku dadingi. ³⁹ Apa dapitire po mwaka ntatu, vakareli vaShimeyi ava tjwayukiri kwa Akishi mona Maaka, Hompa wa Gati. Vavo ava tantere Shimeyi ashi, '' Kenga, vakareli voye mpovali mu Gati.'' ⁴⁰ Makura Shimeyi ashapuka, arondo pakadongi ashupure vakareli vendi ku Akishi yamu Gata. Ghuye akava wana nakavyuka navo. ⁴¹ Salomoni ayuvhu mbudi ashi Shimeyi atundire muYerusalema ayende kuGata na kavyuka, ⁴² Hompa atumu nakukayita Shimeyi nakuya mupura ashi, '' Nane kapishi ve natantilire kuuto washipara sha Karunga nakuya ngambipara koye, kwato naliyuva limwe ndyoli ngaurupuka ghuyende kumavango peke, ndi ngaufa? Ove aghu vipanda.' ⁴³ Mukonda munke ngoli una vatuliri mughano ghaoye kwa Hompa Karunga ntani naveta nakurawilire?'' ⁴⁴ Hompa atwikiri kughamba kwa Shimeyi,'' Ove una kuyiva, ovyo vina karo kushinko shamutjima novyo waruwana kuvavava Daviti. Mpo ngoli Karunga ngakuvyutira udona ghoye kwanaumoye. ⁴⁵ Ame nga nkandayika na ghu Hompa wavavava Daviti ngavikara po kunaruntje.'' ⁴⁶ Hompa arawiri Banaiah, ayende na kukakwata Shimweyi na kamudipagha. Makura veta ava ditapa mulivoko lya Solomoni.