¹ Dza'ez nib óolal Ti' Yuumtzil, tumen leti'e utz; tumen u yaacunaje' mina'an u xu'ul. ² U yaalo'ob le israetaóbó: U yaanacunaje mina'an u xu'ul. ³ U yáalo'ob le aj ki'inoobo': U yaacunajé mina'an u xu'ul. ⁴ U ya'alo'ob le máaxo'ob tziquiquic Yuumtzilo': U Yaacunaje minaan u xuul. ⁵ Ichil u yajóolale tin t'anaj Yuumtzil leti'e tu chen xiquinten, ca dzaj teen jaal ka bil. ⁶ Yuumtzile' Ti' we'etel yaan; mináante'en sajaquilil. ¿Ba'ax je'el u páajtal u beetic teen wi'inique'? ⁷ Yuumtzile' tin we'etel yaan; leti'e cu yaanti quen. ¡Biin in wil u dza'ancha'ata'al máaxo'ob u p'ecmajenoobó'! ⁸ Asab ma'alo'ob caalab óolnac máac Ti' Yuumtzil ma' ca u alab óolt yéetel wi'iniqui! ⁹ Asab máalo'ob ca alab óolnac ma'ac Ti' Yuumtzil ma' ca alab óolnac Ti' nucuch dzu'uloobi'. ¹⁰ Tuláacal mu'uch caajo'obe' tu bacpachteno'ob, ba'ale tu kaaba Yuumtzile' tin dza'ancha'atajo'ob. ¹¹ Tu bacpachteno'ob Ti' Tuláacal tze'elilo'ob, ba'ale' tu ka'aba' Yuumtzil tin dzáancha'atajo'ob. ¹² Tu bakpachtenoob bey xu'uxo'obe', ba'ale' u púuja'anilo'obe' j túup bey u kaaki sojole', ¡Tu Yuumtzile' tin dzáancha'atajo'ob! ¹³ Tu Tu'ulchintajeno'ob yéetel muuku ti'al ca lu'ubuquen, ba'ale' Yuumtzile' j taal u ti'al u yáanten. ¹⁴ Tene' quin kaay ti' Yuumtzil, ma'ax cudzaic teen muuk. Leti'e in toc sajil. ¹⁵ Tu yotocho'ob le ma'axo'ob toj u cuxtaloobo' yaan u qui'imac óol kaayilo'ob dza'ancha'atajil: !U pa'ajtalil Yuumtzil tu ta'asaj dzáancha'atajil! ¹⁶ ¡U paajtalil Yuumtzile' mina'an u laac beyo'! U paajlalil Yuumtzile' tu ta'asajdza'ancha'atajil ¹⁷ ¡Ma' biin qui'imiqueni'; ba'ale' yaan in cuxtal uti'al in tzicbalt le ba'ax tu be'etaj Yuumtziló! ¹⁸ Yuumtzile' dzo'oc u chichich jadziquen, ba'ale' ma' tu cha'aj in qui'imili'. ¹⁹ ¡Je'ebec teen u jo'ol najilo'ob kuinaj, tumen in ka'at ocolindzaa nib oolal Ti' Yuumtzil! ²⁰ Lela' leti' u jóol najil Yuumtzil Ti' lela biin ococ le máaxo'ob ocsajóolo'obo! ²¹ Yuumtzil, quindzaic teech nib óolal, tumen dzo'oc a núuquiquen, yeetel tumen teech in tocsajil. ²² Le tu'unich p'ecta'ab tumen lej pakbalo'obo' kuch u beet u noj túunichil le chuunpako! ²³ Lela' béetáab tumen Yuumtzil. To'one' cilic bey jun p'eel jakbe'en ba'ale! ²⁴ Lela' leti' u kiinil me yajnajic Yuumtzil; ¡Kaay naco'on yéetel qui'imacchajac c ool bejela'e'! ²⁵ Yuumtzil, béetoon utz. ¡To'oquicóoni! Yuumtzil, ¡beet ca xiic to'on utzil! ²⁶ ¡Qui'iqui' t'anbil le maax cu taal tu kaaba' Yuumtzil ¡Tu kulnaj Yuumtzil' c quiiqui ta'ntique'ex! ²⁷ Yuumtzil' leti' c Yuumku; ¡leti' dzaic toón sa'asil! Ca'ajac le ki'ibesajo', bise'ex u kab cheób tac tu tiitzilo'ob le u multu'unil kultajo. ²⁸ Quin dzic teech nib óolal tumen teech in ku yeetel quin qui'iquit'antic a nojochil. ²⁹ Dzáex nib óolal Ti' Yuumtzil, tumen leti'e utz; tumenuyaacunaje' mina'an u xuul.