¹ Le t'aane Yummtsilo táal tí Jeremías dzookol Nabuzaradán leu póolilobe kalan pachká le ajawó dzook káach u jaalk'atik Rama. Letié dzook káach u nuptaantik Jeremías k'axaan yetén máascab suumoo ichil tu lakal leu k'alaniloo Jerusaleno yeetel Judá maxoo tanú bíísaloo tíe u lak' kají Babilonia. ² Leu noj póolil le kálanoo tu bíisaj Jeremías katú yáalaj tí: "le Yummtsil lea Dioso tu A'lmajt'aanta le labpak tíale kuchílaa. ³ Bey tuun, le Yummtsilo tu Bujolt'aanta. Letie' tu béta jeex bix dzookú A'almajt'aano, béy tuun teexé k'eebanajeex tu yóok'ol letí yéetel má ta' uuyeex u t'aani. Tu yóolal lelá dzook u yuuchul teex le baaxá . ⁴ ¡Baalé bejela'e' pakte'! teene dzook ín jaalk'atkech belaé tie máaskab Suumoo yan káach ta k'aboo. Wá uts' ta wichoo a táal Babilonia tí weetele', kóotén, yéetel teene jéel'in kálankeché. Baale' wa' má malóob ta wichoo a táal tí weetél Babiloniae. Tuuné má bétik. Pakte tu lakal le lúum AKtáan téechó xe'en tuux maloobé yéetel tuj AKt'aan ta wichoo a bín". ⁵ Kaan Jeremías má tu núukí, Nabuzaradán tu yáalaj: "Xéen tuux Gedalías u xíibí paalil Ahicam u xííbí paali Safán, le maax u ajawi Babilonia dzook u ts'aik u kuché leu muuch' kaji Judá. P'aatén yetén ichil lé makoo wá xeen tuux maloob ta wichoo a bín." Leu noj póoliloo leu kálan pu'uch le ajawó tu ts'a janal tí yéetel up'ee sííbal, yeetel dzookolé katú tuuxtá. ⁶ Bey tuun, Jeremíase bin tu yiknal Gedalías u xíibi páalil Ahicam te Mizpao. P'aat yetén letí' ichil le makoo p'aatoo pachil te lu'umo. ⁷ Bejela 'e' jaytuul leu noj póoliloo le k'atun judíosó maxoo yanoo te k'aaxo -letí'o yeetel leu maakoobo- tu yu'uboo leu ajawi Babiloniao dzook u betik Gedalías u Xíibí páali Ahicam, jalaach yook'ol le lu'umo. Letí'o Xanee tu yúuboo letié tu ts'a u kalant' le Xíibooboo, kooleloboo, yéetel le mején paalaloboo maxoo u makíloo jach oots'iloo te' lu'umo. Maxoo má bíísaabó Babiloniao. ⁸ Bey tuuno, letí'obé binoo tí Gedalías té Mizpao. Lé maakooba Ismael u xíibi páali Netanías; Johanán yéetel Jonatán, u xiibí paali Carea; Seraías u xíibi paali Tanhumet; leu páalílo Efai netofatita; yéetel Jezanías u Xíibí páali maacateos -leti'o yéetel u maakoobé. ⁹ Gedalías u xíibí páalí Ahicam u xíibí páalí Safán tu bétaa up'ee jach t'aan tí letí'o yéetel u maakíloo tu yáala tí'o má ch'aikeex sajkílí a meyaj keex u noj poolilobe caldeoso. kajleneex te lu'umo yéetel meyaj teex u ajawí Babilonia, yéetel yanu bíín teex uts'il. ¹⁰ Pakteex, teené táan ín kajtal Mizpa tial in Nubtaanke' caldeoso maxoo táaloo e'eteló. Bey tuuno, jóocheex u k'aab k'í', u yich chéeo yaax k'iiní, yéetel ch'ach'apki yéetel taakeex tu kuchil. Kajleneex tié muuch' kaj tuux teex dzooka kojoloo. ¹¹ Tuuné tu lakal le judíos te Moabo, ichil le maakob Amón, yeetel Edom, yéetel tí jujunp'eel lu'um tu yuúboo leu ajawi Babiloniao dzook u ch'aik up'ee yaalab Judá u p'aatal, letí tu ts'a tí Gedalías u Xíibi paali Ahicam u Xíibi páali Safán yook'ol letí'o. ¹² Bey tuun, takal le Judíoso suunajoo takti jujun p'ee kuchil tuux letí'obé dzook u k'iitloo. Letí'obé Suunajoo tu lu'umi Judá, tí Gedalías te Mizpao. Letí'obé tu jóochóo u k'aab ki' yéetel u yíich cheeo yaax k'íin tí jach yaabí. ¹³ Johanán u Xiibí páali Carea yéetel lakal leu noj póoliloo le Molay k'atuno'obo te k'aaxoo t'aaloo yiknal Gedalías te Mizpao. ¹⁴ Letí'obe tu yáalajoo tí: "¿dzook wá a wiilik Baalis u ajawi le u kaji Amóno tu tuuxta Ismael u Xíibi páali Netanías kau kíinsech?" Baalé Gedalíase u Xíibí páali Ahicam ma tu óoxa óoltobí. ¹⁵ Bey tuuno, Johanán u xíibi páali Carea tu t'aana ich táakabéeni Gedalías te Mizpao katu yáala: "ch'a in bíin in kíins Ismael u Xíibi páali Netanías. Mixmaak kenú Yáal wa téen. ¿baaxteen letíe' k'abet u kíinskeech? ¿baaxteen ch'a tu laka Judá le dzookú muuch' kíntaa ta weeteló ká k'iitik yéetel leu yáalab Judao k'askuntáan?" ¹⁶ Baalé Gedalíasé u Xííbí páalí Ahicam tu yáala tí Johanán u Xíibí paali Carea: "má betik le baaxoba, bey tuun táan a waalik tuusil yóolal Ismaeloo".