¹ Yetel e azul, púrpura yete u tsotse taman purpura tu maank'anto'ob buko'ob jit'aan mamayki uti'al le kilich kuchil. Leti'obe tu maak'anto'ob u buko'ob Aarón u ti'al le kilich kuchil, Jebix YUNTSIL tu nu'uk besaj ti Moises. ² Bezalel tu maak'anta le efod ti k'an tak'iin, azul, púrpura yetel u tsotsel taman escarlata yetel ch'otbil lino mamaykí. ³ Leti'obe tu mamaxto'o lámina ti k'an tak'iin ka tu xotlanto'o bey k'uuche ka tu jit'oo pa'ate yetel azul, púrpura, u tsotsel taman escarlate yeltel lino mamaykí, un meyaj juntul j-mejil ma'ak pekaan u k'ab. ⁴ Leti'obe tu maak'anto'o hombreras uti'al efod, u much' ti tu ka'ap'eel tu'uk'il u xuul. ⁵ U k'axnak'i mamayki jit'ani bey le efod; maank'antab jun p'eelí yetel efod, betab ti lino mamaykí Ch'ota'an, k'an tak'iin, azul, púrpura, yetel escarlata, jebix YUNTSIL tu nu'ukta ti Moises. ⁶ Leti'obe tu poolo'o u tunchí ónice ts'aan ti marcos ti k'aan tak'iin, aantal yetel grabados bey tí junp'eel ts'ale, yetel grabado uk'aba tu laj ka'a tul u palalo'ob Israel. ⁷ Bezalel tu ts'aa tu hombreras efod bey tuncho'ob u ti'al u k'a'asaj YUNTSIL u laj ka'a tul u palalo'ob Israel; je bix YUNTSIL tu nu'ukbesaj ti Moises. ⁸ Leti'e tu betaj le pectoral, u meyaj maak peka'an u k'ab, maak'anta'an je bix le efod. Tu betaj ti k'an tak'iin, tu tsotsel taman azul, púrpura yetel escarlata yetel lino mamaykí. ⁹ Kan tu'uk yan tí, leti'obe tu paako'ob le pectoral ka' wu'uts, jun p'eel nab u Chowakí bey xan u kochil. ¹⁰ Tu tsaa'o kan p'eel u tso'olal u jats'uts tunchilo'ob. U yaax tsolol yan junp'ee rubí, junp'eel topacio yetel junp'eel granate. ¹¹ U ka'ap'el tsolol yan junp'eel esmeralda, jun p'eel safiro yetel junp'eel diamante. ¹² U oxp'eel tsolol yan junp'eel jacinto, junp'eel agata yetel jun p'eel amatista. ¹³ U kan p'eel tsolol yan jun p'eel berilo, junp'eel ónice yetel junp'eel jaspe. Le tunchobo ts'aap jebix u k'aaba u laj ka'a u tulul u Ch'ibalí Israel. ^{14 15} Te pectoral tu mak'anto jok'enjok' bey sumo'ob, jiit'a'an ti k'an tak'iin. ¹⁶ Tu beetoj kap'eel engaste ti k'an tak'iin yetel ka'ap'eel ts'iipit ti k'an tak'iin ka tu tak'oo le ka'ap'eel ts'iipit tu tu'uk' le pectoral. ¹⁷ Tu ts'ao ka'ap'eel jok'en jok' jit'a'an ti k'an tak'iin ti tu ka'ap'eel ts'iipiti tu tu'uk le pectoral. ¹⁸ Leti'obe tu nup'oo u laá ka'ap'eel tu'uk'i le jo'ok'en jok' jiit'aán ti tu ka'ap'elí le marco. Leti'obe tu nup'oo ti'e hombrerasí efod jebix tu kajbale. ¹⁹ Leti'obe tu betoo káap'eel ts'iipit ti k'an tak'iin ka tu ts'ao ti tu laá ka'ap'eel tu'uk'i le pectoral, tu xul tu tsel uxul ichil. ²⁰ Leti'obe tu betoo u laá ka'ap'eel ts'iipit ti k'an tak'iin yetel ka tu nup'oo tu kanbalí le hombreras tu aktanil le efod, naats' tu chuyul tu káanli lu nak'i' mamaykí jiit'aní le efod. ²¹ Leti'obe tu nup'oo le pectoral tu ts'iipitilo'ob le efod yetel junp'eel k'ax ta'ab azul, yosal uti'al u pajtal u nup'saaj tu kaanlilu nak'ii mamayki jiit'aaní le efod. Lela uti'al ma u wach'a le pectoral tile efod. Lela betab jeebix le YUNTSIL tu nu'ukbesaj ti Moisés. ²² Bezalel tu maak'anta u boch'i le efod tu lakal tu nok'i púrpura, u meyaj juntul jiit'nal. ²³ Yan u jol u kalí tu tan chumukii. U kalilo yan junp'eel u xuul wolis jiit'an u ti'al ma u jáata. ²⁴ Tu kambali u paakalil, leti'obe tu betoo granadas ti azul, purpura, k'uuch escarlata yetel lino mamaykí. ²⁵ Leti'obe tu beetoo balamte ti sujuy k'an tak'iin leti'obe tu ts'a'ob le balamteo ichil le granadas tu ba'a sutul tu kanbalí le booch'o. ²⁶ Junp'eel balamté yetel junp'eel granada, junp'eel balamte yetel junp'eel granada, tu xuul u boch' Aarón. Lela bey jebix le YUNTSIL tunuuk besaj ti Moises. ²⁷ Leti'obe tu beeto'ob u bukilo'ob ti lino mamaykí uti'al Aarón yetel uti'al u palalo'ob. ²⁸ Leti'obe tu beetoo junp'eel k'aax po'ol ti lino mamaykí, u jats'utskinilo'ob u k'aax poolí, yetel u eexilo'ob ti lino mamaykí. ²⁹ U k'ax nak'i ti lino mamaykí azul, purpura yetel u tsotse taman escarlata, u meyaj juntul Chuy nal. lela beta'ab jebix YUNTSIL tu nu'uk besaj ti Moises. ³⁰ Leti'obe tu maak'anto'ob u kilich pet jo'olí ti sujuy k'an tak'iin; leti'obe tu ts'iibto'o jebix u grabado junp'eel ts'al "Kilichi ti YUNTSIL". ³¹ Leti'obe tu k'axo'o le turbante yete jun p'eel k'ax tab azul tu kaanlíle turbante. Lela bey úchak YUNTSIL tu núuk besaj ti Moises. ³² Bey tun uchac u ts'oksa'aj u mejul le kilich kuchilo, yetel u 'paselí much' tanbal u maakilo'ob Israel maak'ant tu lakal. ³³ Leti'obe tu áalkabto'o tu lakal u nu'ukbensaj YUNTSIL tu ts'a'a ti Moises. Leti'obe tu taaso'ob le pasel no'ok' ti Moises: u paselí yetel tu lakal unu'ukulil, u kalilo'ob, marcos, k'atcheilo'ob, okomo'ob yetel u chuncheilo,ob; ³⁴ u pixil beta'an tiu tsotsel taman bana'an chak, u pixil beta'an tu k'eweli u wakaxi ja', yetel u k'asab nok'il ku pixik ³⁵ u bascheí tojol t'aan yetel u bek'ech cheilo'ob yetel u maak le propiciatorio. ³⁶ leti'obe tu taaso'o le mayak cheo, tu lakal u nu'ukulilo'ob yetel u wajile E'esajbail, ³⁷ le t'uchubsaas beetaan ti sujuy k'an tak'iin yetel u ch'uyub saasilo'ob ti junp'el u tsolo, yetel u nu'ukulilo'ob yetel u ch'ach'apkí u ti'al le ch'uyvb saaso'ob; ³⁸ Le mayak beta'an ti k'an tak'iin, u ch'ach'apkí jiik'ab yetel kiibok poom; u ch'uyubí u jonajil le pasel nook'o; ³⁹ le mayak beeta'an ti bronce yetel u rejilla beta'an ti bronce yetel u okomilo'ob yetel u nu'ukulilo'ob yetel u fuentei pa'ate yetel u chu'unil. ⁴⁰ Leti'obe tu taaso'o u ch'uybilo'ob uti'al le tankab yetel u okomilo'ob yetel u chunilo'ob, yetel u k'asab nook'ilo'ob ti'al u jonajil e tankabaoo; u suumilo'ob yetel u ch'ik cheilo'ob u ti'ale pasel nok', yetel tu lakal u nu'ukulilo'ob u ti'al u meyajil le kiilich kuchil, u pasel nook'i le much' tanbalilo. ⁴¹ Leti'obe tu taasoo buko'ob mamaykí jiit'aní u ti'al u meyajil le kilich kuchilo, u kilich buko'ob Aarón ajk'iin yetel u palalo'ob, uti'al u meyajtiko'o tí ajk'iini. ⁴² Beytuno u maakilo'ob Israel tu beetoo tu lakal meyaj jebix YUNTSIL tu nu'ukbesaj ti Moises. ⁴³ Moises ka tu tuuntaj tu lakal le meyajoo ts'okole tu maak'anto'o jebix YUNTSIL tu nu'ukbesaj ti Moises, ká tu ki'ki't'antoo.