¹ Yan a beetik e tabernáculo yetel lajum p'eelel k'asab nok'oob maank'antaan yetel lino mamaykí, yetel u tsotsel taman Ch'ooj, purpura yetel Chak, Yetel Xan U yoochel querubines. Lela letí U meyaj Juntul maak ku meentik ba'alo'os yetel u k'ab jach kanbanajaan. ² U Choukile k'asab nok'o k'abet k'ap'eel lajun yetel u laj jo'p'eel kukoob, u kochile kanp'eel kukoob. Tu lakale k'asab nook'oob k'abet junp'eeli u p'iisi. ³ Jo'p'eel k'asab nok'oob k'abet u nup'uloob junp'eeli, bey xan u tanxel jaats'oob. ⁴ Yan a maak'antik jook'bil Choj nook' tu ba' pachil u xuuloob. Bey xan k'abet u maak'antaal tu xuule k'asabnook' ti u ka'p'eel muuch'i. ⁵ Yan a maak'antik cincuenta jook'bil ti le yax k'ansab nook´o, bey xan tu k'ap'eel muuch'il maak'anteex bey ka p'atak aktaniloob. ⁶ K'abet a maak'antikeex cincuenta k'alaloob ti k'an takín tial a nup'ik le k'asab nok'oob yosal u p'atale tabernáculo junp'elí u núupul. ⁷ Yan a maak'antik k'aasab yetel u tsotsel yuuk bey junp'eel pasel nook'e yok'ol le tabernáculo. K'abet a beetik buluk p'eel k'aasab. ⁸ U Chowakí le k'asabob k'abet oxpe'el lajun kukoob, u cochile k'abet kanp'eel kukoob. Le buluk p'eel k'asaboob k'abet junp'eeli u p'iisil. ⁹ K'abet nup'ik jo'peel k'asaboob laj kalaak'i bey xan ken a bet tu lak' wakp'eelelo. U wak p'eel k'asabo yan a pakik aktanil tí e pasel nook'o. ¹⁰ Yan a maak'antik. Cincuenta jok'bil tu xuule k'aasabnook' ti'e yax muuch'ulo, bey xan ken a bet ti u kap'eel muuch'ul. ¹¹ Yan a beetik cincuenta k'alaloob yetel bronce yan anup'koob yetel jook'bil. Yan a nup'ik tu lakal le pasel nook' bey ka p'atak junp'eelíe. ¹² U Yalab le k'asabnook'o, in kat in aale, u jaatsil ku tanxe jook'ol ti'e pasel nook'o k'abet u ch'uuytal tu pachil le tabernáculo. ¹³ k'abet u yantal junp'eel kuuk ichil k'aasab nook' ti u laak tselik - le kun p'ata ti u chowakil u k'aasab nook'il le pasel nook' k'abet u leecta yok'ol u la'k tselile tabern'aculo tu ka'p'eel tselik tial u pixik. ¹⁴ Yan a maak'antik tiale tabernáculo junp'eel maak yetel u tsotsel taman bonan yetel Chak beyxan u laak' maak yetel oot'el mamayki tial a ts'aa yok'ol. ¹⁵ Yan a wa'akunskeex junp'el okom. U Che'i acacia tiale tabernáculo. ¹⁶ U chowakí u winkil Cheile k'abet lajump'eel kukoob U kochile junp'eel kuk yetel u la' tanchumuk. ¹⁷ Yan a ts'iik kap'eel ts'op che ti amal u winkí Chei tial unup'koob. Bey ken a laj maak'ant U winkil Cheiloob. ¹⁸ Chen a maak'anteex tial e tabernáculo, k'abet a maak'ankeex jun k'aal p'eel winki cheoob tial tu tseel nojol. ¹⁹ Yan a beetik ka'a k'aal p'eel Chuunche tí zac takín ku bin tu yanal jun k'aal p'eel winki Cheoob. K'abet u yantal ka'p'eel Chuunche tu yanal le yax winkil Che kun k'abetal tial u Chuuniloob bey xan ka'p'eel Chun Che tu yanal u jel u winki Cheiloob tial u chunoob. ²⁰ Tial u ka'p'eel tseeli le tabernáculo, tu tsel Shaman, k'abet a beetkeex jun k'aal p'eel winkil Cheoob. ²¹ Yetel ka'k'aal p'eel Chunoob ti zac takin. k'abet u ka'p'eel Chun che yanal ti yax winkil Che y bey kun uuchul ti u laak'oob. ²² Tial u tan jaatsil le kilich kuchilo tu tan Chik'iin k'abet u maak'antal waak p'eel winkil Cheob. ²³ K'abet u maank'antal ka'peel tu tu'uk'iloob pachil ti' le kilich cuchilo. ²⁴ Le winkil Cheeoob k'abet u jaatskunsaa ichil, tu kanbaliloob bale yan u nupsaa tu kaanali tu baatsil yetel ts'ipit. Bey ken a beeteex tial tu ka' lak' tu'uk'iloob tu pachil. ²⁵ K'abet u yantal waxak p'eel winkil Che'oob, nup'aan ti chuniloob maak'antan ti zac tak'in, tu lakale. K'abeet u yantal waak lajun p'eelel Chun cheoos ka'p'eel tu yanale yax winkil cheo, k'ap'eel tu yanal u lá jeel winkil che, bey tun ku bin ti tu lakal. ²⁶ Yan a maak'ankeex u kat cheiloob acacia jo'o p'eel tiale winkilcheob tu tseli le kilich cuchilo. ²⁷ Jo'o p'eel k'at cheob tial u winkil cheiloob tial tu tanxel tseli le kilich cuchilo, yetel jo'op'eel k'at cheoob tial u winkil cheiloob tu tseel lak'iin le kilich kuchilo. ²⁸ U k'at Chei tu chumukil le winkil cheob u k'at aale, u chumukil le k'at cheo k'abet u Chukik u laak' xuloob. ²⁹ Yan a pixik le winkil cheob yetel k'an tak'in yan a beetik ts'ipitoob ti k'an takín u bilale tial u k'alaliloob le k'at Cheoob, yan a bixkeex le k'at Cheob yetel k'an tak'in. ³⁰ K'abet a maak'anxeex le kilich kuchil, yan a áalkabtikeex je'ebix le ts'iib ochel e'esaab yok'ol le Witso. ³¹ Yan a beetkeex jun p'eel k'abab nook' tí u tso'otsel taman mamaykí ch'ooj, púrpura yetel Chak, yetel u ts'iib oochel querubines, u meyaj juntul maak yetel u k'aab jach kanbanajan. ³² K'abet a ch'uykintkeex ti kaanp'eel okom u Cheiloob acacia laj pixaan yetel k'an tak'in. Le okomooba k'abet u yantal u lutsubiloob ti k'an takín yok'ol kaan p'eel chuniloob ti zac takin. ³³ K'abet a leechkusikeex le k'asab n'ook yanal u k'aliloob, k'abet xan a taaskeex U baas Cheí le tojol t'aan. Le k'asab n'ooko tial a jaatskeex le kilich kuchil yetel jach kilich kuuchil. ³⁴ Yan a ts'aakeex U maak le baas Che tía le lek'saj k'eban yok'ol U baas Che tojol t'aan, lela' tían ti le jac kilich kuuchilo. ³⁵ Yan a ts'aakeex le mayak Che pachi tí e k'asab nok'. U kuchil le kibo yan a tsik tu tsel nojolí ti e kilich kuuchiloo. Le mayak cheo k'abet u Yaantal tu tsel Xaman. ³⁶ Yan a maak'antik junp'eel jiit'bi nook' tial u jonajil le pasel nook'o. Yan a beetkeex yetel u nok'il ch'oj, púrpura yetel Chak beyxan lino mamayki ch'o taan, u meyaj jutul mak U ojel Chuuy. ³⁷ Tial a Ch'uuykinskeex, k'abet a beet keex jo'op'eel okom tí acacia pixan yetel k'an tak'in. U lutsubiloob k'abet a betik tí k'an tak'in, k'abet a yiibkeex u chuniloob tí bronce.