¹ Oi emudou a ai Kalatia dou sa sesewa o cei be'a lari emudou, ni sa varaitai nomu dou mata o Jisu Karisito me tautauvata ga ni sa vaoti i na kauvelatai ² A ga ai au sa mata ila vei emudou, dou sa rawatia yalo tabu mei Vunau, se dou sa rogo qa vaabauta? ³ Dou sa sesewa veai ga? ni dou sa va teivu i na yalo tabu, dou sa qai tinia be'a na a vayago? ⁴ Dou a vosotia veai e levu a me maqa ni yaga, se maqa e va'a sa dina ga ni sa maqa ni yaga. ⁵ Io oya sa dau solia vei emudou a Yalo Tabu sa ca'a mana nomu dou maliwa, sa rawatia oya na ca'aca'a ni vunau, se rogo na vabautia? ⁶ Me tautauvata ga ni sa vabautia Alou o Eparama, sa oati mei valavala dodonu. ⁷ Oya mudou ila, odra sa muria vaabauta, odra ai sa luvei Eparama. ⁸ Ia vola tabu leqa ga, ni sa ila ma'awa sa vabauta sa dau vadonui edra i na a vei matanitu Alou, sa vunau tai nia i mada vei Eparama ai tu'u tu'u re ena vei valougati na vei vanua tauco'o ga na vu'u mu. ⁹ Oya edra na valougatai vata ei Eparama na vabauta vei edra sa muria vabauta. ¹⁰ Ni sa lewai me dra civoti o dra tauco'o ga dra muria ca'aca'a ni vunau; ni sa volai, ena civoti odra tauco'o ga odra yadua sa maqa ni tudei ena a tauco'o ga sa volai nai vola ni vunau medra vele'e ¹¹ Ia sa macala sara sa maqa ni vadonui i na vunau e dua na mata ni Alou; sa volai, edra na bula ga tamata yalo dodonu i na vu'u ni vabauta. ¹² Ia sa maqa ni ani vabauta a vunau; ia oya ga sa vele'e a vei a ai ena bula ina. ¹³ Sa voli eda Karisito mai na vei civoti ni vunau, ni sa civoti ga oya i na vu'u da, ni sa volai, sa civoti oya yadua sa rube i na acu. ¹⁴ Me yaco i na ani vei va'alougatatai oi Eparama vei edra vei matanitu tani i na vu'u i Jisu Karisito: meda rawatia ina a yalatai, ni da sa vabauta. ¹⁵ Io emudou a veiweani, au sa vosa va tamata ga: eva' a sa tamata ga sa ia i na veiyalayalati, qa va dinadina tai, sa qai maqa ni dua e vatawayagatainia se vauritainia. ¹⁶ Ia sa vosa tai vei Eparama a vei yalayalati, vei edra leqa ga a ona awa. Sa maqa ni aya oya vei edra veiweani, me tautauvata ga ni sa levu a awa; me tautauvata ga ni sa dua bau ga, vei edra leqa ga o nomu awa, oya a Karisito ¹⁷ Ia au sa aya, a vei yalayalati qa va dinadinatai mada a Alou, sa maqa ni vatawayagatai a vunau sa yaco ni sa oti mada e vadrau qa tolusagavulu a yabai, me maqa ina mana ni vosa ni Yalayala. ¹⁸ Io e va'a sa yaco ai votavota na vu'u ni vunau, sa maqa na vu'u ni Yalayala: ia a vosa ni Yalayala ga sa solia ina vei Eparama a Alou. ¹⁹ Sa qai me cavai be'a Vunau? Sa vaiuritai na vu'u ni talai dredre, me yaco mada awa sa vosa ina na Yalayala; edra sa aya ina a yagilosi na gusu ni dua dautataro. ²⁰ Ia a dau tataro sa maqa ni yaga ni sa dua bau ga; ia a Alou sa dau bau ga. ²¹ E dru sa dua tani be'a ai vunau ei na vosa ni Yalayala ni Alou? E maqa sara: ia e va'a sa solia e dua a vunau sa rawa ina vei vabulai, sa qai dina ena yaco a vei vadoonui i na vu'u ni vunau. ²² Ia ai vola tabu sa sogolati tauco'o ga, qa bei tai ena cala, me soli ina a sa yalatai, e na vu'u ni vabauti Jisu Karisito vei edra sa vabauta. ²³ Ia sa maqa nni yaco a vabauta, eda sa va tawai meda lao a vunau, ni da sa sogolati no me yaco mada a gauna ni vabauta ena varaitai i muri. ²⁴ Sa qai yaco i a vunau mei vavuvuli me tuberi eda vei Karisito, meda va donui ina na vu'u ni vabauta. ²⁵ Ia sa yaco a vabauta, sa maqa ni veitaliatai eda no ai vavuvuli. ²⁶ Ni dou sa luve ni Alou oi emudou tauco'o ga ni dou sa vabauti Karisito Jisu. ²⁷ Ni sa i Karisito dou sa vasulumi emudou yadua sa papitaisotai vei Karisito. ²⁸ Sa qai maqa na Jiu se ai matanitu tani, sa maqa a bobula se tauei, sa maqa a tagane se lewa: dou sa dua bau ga oi emudou tauco'o ga ena i Karisito Jisu ²⁹ Ia eva a dou sa oi Karisito, dou sa qai awa i Eparama, ei na tauei me va'a na vosa ni Yalayala.