¹ Ia qau sa aya, ni sa gone ai tauei imuri, sa tautauvata ei na tamata walega, ia qa sa ona a tauco'o ² Qa sa lewai edra a i vavuvuli ei edra qase, me yaco mada gauna ma loucia i mada o tamana ³ Sa tautauvata ina oda i mada, ni da gone no, sa lewa i eda a vei vunia ni avuravura me tautauvata eda bobula: ⁴ Ia ni sa yaco dina sara ena gauna, sa qai tala waqe a luvena Alou, oya sa sucu mai na yalewa, sa sucu me lewai oya a Vunau, ⁵ Me voli edra ina me lewai edra vunau, me da vabauti ina me da luvena dua bau. ⁶ Ia ni dou sa qai luvena, sa tala a Alou a Yalo ni luvena i na lomada, oya sa dau taro ina Apa, Tamai keimami ⁷ Oya ai o sa qai maqa ni tamata walega, a luvena ga, ia e va'a o sa luvena, o sa qai tauei na vu'u ni Alou ⁸ Ia i mada dou sa maqa a Alou, dou a qaravi edra qa maqa ni odra i tovo me Alou. ⁹ Ia ni uwa dou sa qai ila a Alou, se dina ga ni sa qai ilai emudou a Alou, qa sa qai lesu leqa va cva i na vunia, sa malumalumu qa awale, qa dou sa gutia mudou qaravia leqa? ¹⁰ Dou sa vatabuya a siga e so, ei na vula e so, ei na gauna e so, ei na yabai e so. ¹¹ Au sa yalolailai ina vu'u mu dou, de maqa ni yaga oqu ca'aca'a vei emudou. ¹² Oi emudou a veiweani, au sa masuti emudou, mudou tautauvata ei au; niu sa tautauvata ei emudou dou sa maqa ni vacacani au valailai. ¹³ Ia dou sa ila niu sa vunau tai nia vei emudou i mada ai tu'utu'ure, sa malumalumu a oqu gau. ¹⁴ Ia na vu'u ni oqu gau sa vatovolei emudou, dou sa maqa ni beci au se vasisila tai; ia dou a vacegui i au me tautauvata a Agilosi ni Alou, me tautauvata ei Jisu Karisito. ¹⁵ Sa qai tu i vei omudou marau i mada? niu sa vadinadina vei emudou, e va'a sa rawarawa, dou leutia tani a omudou mata, mudou solia mai vei au. ¹⁶ Au sa qai yaco me omudou meca, niu sa vosa dina vei emudou? ¹⁷ Edra sa gumatua na lomani emudou, e maqa nai valavala re, io edra sa mata tawasei emudou tani, mudou gumatua ni lomani edra. ¹⁸ Ia sa are a gumatua no ga ina ca'aca'a re, me uwa walega niu sa notu vata ei emudou. ¹⁹ A luvequ lailai, oi emudou au sa taratara leqa ina, me buli mada a Karisito ina lomamudou. ²⁰ Ia sa mata notu vata ei emudou niuwa qa me dua tani a oqu domo; niu sa nuinui ca na vu'u ina mudou. ²¹ Dou aya mai vei au dou sa mata vauci nai vunau, dou sa maqa be'a ni rogo ai vunau? ²² Ni sa volai, sa lewe rua be'a a luvei Eparama a tagane, qa tinana e dua vada, a tinana e dua marama: ²³ Ia oya sa luve ni vada, sa sucu va tamata; ia oya a luve ni marama, sa sucu na vosa ni Yalayala. ²⁴ Ia a a'ai sa vai balebale: ni dru sa veiyalayalati e_rua odru a lewa ai; e dua mai na ulu ni vanua o saineai; oya sa va sucu gone medra bobula i yari o Eka. ²⁵ Ia o Eka ai a ulu ni vanua o Saineai mai Arepea sa tautauvata ei Jerusalemi qa tu niuwa, qa sa bobula no vata ei edru a luvena. ²⁶ Ia o Jerusalemi mai cae sa tauei, oya a tinada tauco'o ga. ²⁷ Ni sa volai, mo marau o io a la sa maqa ni va luveni; mo taro, o iko sa sega ni taratara: ni sa qai lewe levu a luvena sa biu qa lewe lailai vei oya sa vawati ²⁸ Ia oi eda, a veiweani, eda sa tautauvata ei Aisake, ni da sa na vosa ni Yalayala. ²⁹ Ia sa vala mai mada qa sa vala leqa ga na gauna niuwa, sa vacacani oya vayalo sa sucu vatamata. ³⁰ Ia qa cava sa aya ai vola tabu! Utia tani a vada vata ei luvena; ni dru sa maqa ni tauei vata ei na luve ni vada ei na luve ni marama. ³¹ Sa veai, emudou a veiweani, eda sa maqa ni luve ni vada, eda sa luve ni marama.