¹ Omuo vantu vose va zavukile Yondau, Yehova ua handekele na kuli Yosiua ngueni, ² Lihanguile va mala likumi na vavali kufumisa ha kati ka vantu, yala umoo ku fuma ku muyati. ³ Vahie lusiko olu: Va mbate mavue kufuma hakati ka Yondau haze havamene va sasendote ha ntunda ya kuma, va anehe hamo nove na ku a langeka kumu hela kuze kumuka kosa vuntsiki vuno.'' ⁴ Ngecize Yosiua ua sanene va mala likumi na vavali vaze vana hanguile va kufuma kumiyati yava Isaleli, umo kufuma kumiyati. ⁵ Yosiua ua handekele kuli vakeko ngueni, ''Hamenu kulutue lua cikasa ca Yehova Njambi yenu mukati Yondau. Uose muli enu ambate livue hacisizi ceni, ngue kueseka mukonda ya miyati ya vantu va Isleli. ⁶ Ei cikeco cikupua citantekeyeso mukati kenu omuo vana venu vakamihula kumatangua a kezako nguavo, 'Amba a amavue anolumbu nuna vika kuli enu?' ⁷ Kaha mukahandeka kuli va kevo nguenu, 'Vimema via Yondau va a vatuile kulutue lua cikasa ca litavasiano lia Yehova. Omuo mu ca zavukile Yondau, vimema via Yondau vavi vatuile. Ngecize mavue a akakala civuluiso ku vantu va Isaleli ku miaka yose.''' ⁸ Vantu va Isaleli va lingile ngue muze muose muava sikile Yosiua, ngecize vanonene mavue likumi na avali kufuma mukati kati ka Yondau, nge muze mua handekele Yehova kuli Yosiua. Vmesele mavue ngue ku puia na konda ya miyati ya vantu va Isaleli. Vambatele mavue aze hamo navo, na kuya kumuhela uze kua kele cilombo cavo na ku mesa kuze. ⁹ Kaha Yosiua ua mesele mavue aze likumi na avali mukati ka ndonga Yondau, mumu hele uze viliato via va sasendote vaze va mbatele cikasa ca litavasiano vamene civuluiso cize na kulelo ku cili. ¹⁰ Vasasendote vaze vambatele cikasa vamene mukatikati ka Yondau noho vize viose via sikile Yehova kuli Yosiua kuleka vantu via huile, ngue ku viose vize Mosesa via sikile Yosiua. Vantu va zanguile kaha vazavukile. ¹¹ Kaha omuo vantu va vazavukile, cikasa ca Yehova na va sasendote va zavukile ku lutue lua vantu. ¹² Muyati ua Luveni, muyati ua Ngandi, na civalavala ca muyati ua Manase va hitile kulutue lua vantu va Isaleli mukupua nguha cendo ca masualale, ngue muze muava lekele Mosesa. ¹³ Vakele ngue va mala mukumi a vana a makombakazi va masualela vahitile ku meso a Yehova, mukuasa ndzita ku vana via Yeliko. ¹⁴ Kuli tangua lize Yehova ua kamesele Yosiua mumeso ava Isaleli vose. Vamu hele kavumbi ngue muze muva ku vumbika Mosesa-matangua eni ose. ¹⁵ Kaha Yehova ua handekele na Yosiua ngueni, ¹⁶ ''Sika kuli va sasendote ava va kakumbata cikasa ca vukaleho va kanduke kufuma mu Yondau.'' ¹⁷ Ngecize, Yosiua ua sikile vasasendote ngueni, ''kandukenu Yondau.'' ¹⁸ Omuo vasasendote vakumbata cikasa ca lusiko lua Yehova vakandukile kufuma mukatu ka Yondau, omuo zintsintsino zia viliato viavo va zizunduile kuliata ha ntunda yakuma, vimema via Yondau viali uanesele na kusulisa sanga yao, ngue muze mua kele ku matangua ayana kunima. ¹⁹ Vantu va zavukile Yondau ha litangua lia ku puisa matangua likumi kungonde ya Katete. Va tumamenene mu Ngilingalu, kuvucelo vua Yeliko. ²⁰ .Mavue likumi na avali avambatele mu Yondau, Yosiua ua amesele mu Ngilingalu. ²¹ Ua handekele kuli va Isleli ngueni, ''Omuo vikota vienu va kahula va iseavo mu kuzintsimbu zikezako nguavo, 'Mavue aa avika?' ²² Kavalekenu vana venu nguenu, 'Aha hakeko hava zavukilile va Isaleli Yondau hantunda ya kuma.' ²³ Yehova Njambi yenu uomisile vimema via Yondau omuo enu, noho enu muazavukile, ngue muze Yehova Njambi yenu a lingile ku kalunga ndonga ua mahonga, uze yomisile omuo etu tua zavukile, ²⁴ linga vantu vose va hamavu vatantekeye ngecize lovoko lia Yehova li zindzili, nguecize enu lemese Yehova Njambi yenu kumiaka yose.''