¹ Omuo Yavine, muangana ua Hozole, uavuile muze, ua tumine muzimbu kuli Yavave, muangana ua Mandone, na kuli muangana Simelone, na kuli muanganaAkesefe. ² Neni naua ua mine muzimbu kuli muangana uze uakeleku notote kumuncinda ua cifuti, mu ndonga ya Yondau na Alava ku btsulo ya Kinelote, naku cifuti ca kuliala, naki Ndole ku vutokelo. ³ Neni naua ua tumine mizimbu ku vana va Kanana kumu tuluko na vutokelo, naka Amoleu, na kahiteu, na kapalizeu, naka Yembuseu mumu ncinda ua cifuti, na kaheveu na muncinda ua Helemoni mu cifuti ca Mizepa. ⁴ Vose masualale vavo vafumineko hamo navo, na civunga cakama ca masualale, mukulana ngue museke ua ku cisali ca mavalu na matemba. ⁵ Vose ava va miangana vali uanene ha ntsimbu ivalivuasuanene, kaha vakele mucilombo ku mema Melome mukulua na vaIsaleli. ⁶ Yehova ua handekele na Yehosua ngueni, ''Kati uivue vuoma ku mesuavo, muomu mene na ntsimbu ino Ange nji ka vahana vakevo vose kuli vaIsaleli ngue vantu va kutsa. Uka teta mapilika atu valu tuavo, kaha ove ukatsimika matemba avo.'' ⁷ Yehosua na vantu vose vezile na kulua. Vahetele vuasi vuasi ku mema a Melome, na ku kuata vitozi. ⁸ Yehova ua hiele vitozi mucifuti ca vaIsaleli, naku vaveta naku vasekula naku Sindone, naku Miselefote Maime, naku cimbongo ca Mizepa kumutuntuko. Vava vetele kavahetele ku cinguezi kakuakele umo uo vokele muli vakevo ua salele. ⁹ Yehosua ua lingile kuli vakevo ngue omuo muamu lekel ikeye Yehova. Ua tatangele mapiliko atuvalu tuavo na kutsimika matamba avo. ¹⁰ Yehosua ua lululkile kutsimbu ya kuatele Hazole, Ua vetele muangana uavo na mukuale. *(Hozele uakele mutue ua vuose vua ngana.)* ¹¹ Vavetele na mikuale vose vakuyoya mu mukuvumba vaze vakele kuze, kaha ikeye muku venieka, vunoni kakua lisupile umosi ua kuyoya mukuvumba ua salele na muono. Kaha ua ntsimikile Hozele. ¹² Yehova ua kuatele ziose zimbaka ziava va miangana. Ikey =e ua kuatele va miangana vavo uava vetele na zinsongo zia mikuale. Ikeye ua vamanesele naku venieka vakevo na zinsongo zia mikuale, ngue omuo Mosesa ngamba ya Yehova ua sikile. ¹³ Isaleli kava mutsimikile imo kuzimbaka ziva tungile ha milunda, kuvanga Hozle. Lika lieni Yehosua ua tsimikile. ¹⁴ Kaha masualale vaIsaleli va mbatele via ku pupa ku liezi zimbaka hamo na vimuna kuli vakevo vavene. Vatsihile vantu vose na zintsongo zia mikuale kuheta vose vatsile. Kava sezelho umosi ua kuvumba uze ua kuhiuma. ¹⁵ Ngue omuo Yehova ua sikile ngamba yeni Mosesa, munjila imolika, Mosesa ua sikile Yehosua, na Yehosua, na vuze Yehsua ualingilemo. Kuesekeleho cimo calingile ku viose vize Yehova ua sikile Mosesa kuli linga. ¹⁶ Yehosua ua mbatele ciz ecifuti: cifuti ca muncinda, na sulo yose, na cifuti cose ca Ngosene, na viliato, na viana via ndonga ya Yondau, na cifuti ca Isalelii ca muncinda na kuliala caco. ¹⁷ Kufuma ku muncinda ua Halake muhiehi na Seile, na kuya ku note halako na Mbale Ngande mucimbongo muhiehi na Helake ku tuala ku muncinda Helemone, ua kuatele va miangana vavo vose naku vatsiha. ¹⁸ Yehsua ua luile mutsimbu ya kama na va miangana vose. ¹⁹ Kakuakele mbaka imo ya pangele ciyulo na masualale vaIsaleli kuvanaga vana va Heveu vakele mu Ngiveone, Isaleli ya kuatele vose mu zimbaka mu ndzita. ²⁰ Muomu cakeye kuli Yehova kukaluisa mitima yavo vunoni value ndzita nava Isaleli, linga vunoni manese na ku venieka vakevo ca kuhona ngozi, ngue omuo muavalekele Mosesa. ²¹ Kaha Yehosua uezile hali eze tsimbu ua veniekele va Anakime. Ua cilingile mu cifuti ca mincinda, ku Hevelone, ku Nfevile, ku Anave, na muose mumafuti a mincinda ku Yunda, kaha muose mucifuti ca mincinda ca Isaleli. Yehosua manesele na kuvenieka vakevo na zimbaka ziao. ²² Naumo uahi uaku Anakime ua salele mucifuti ca vaIsaleli kuvanga mu Ngaza, mu Ngate, na Asendonde. ²³ Vunoni Yehosua ua kuatele lifuti liose, ngue omuo Yehova ua sikile kuli Mosesa. Yehosua ua hanene vikevio ngue vusuana kuli Isaleli, kumaha ngunuino ku miyati yavo. Kaha cifuti ca hiumine ku ndzita.