¹ Kangelo ka Yehova ua fumine ku Ngilingale na kuya ku ku Mbokime, kaha ua handekele ngueni, ''Njakufumisile mu Ingito, nakiukuneh mucifuti cinjilisingile na va isuenu. Njahandekele n guange kanji ka pokola civuasano nenu. ² Ka uapandele kukala na civuasano na vakua cifuti cino. Ua pandele kutavuziolatumenga tuavo.' Vunoni kaua lakanene kulizi liange. Vuima muka vi unalingi?'' ³ Kaha vunoni njikuhandeka nguenge, 'Kanji kuvafumisa vakua Kanana kuliove vunoni vakakala mingonga mu ndzila ziove, kaha tulinga tuavo vakakala miheto kuliove.''' ⁴ Omu kangelo ka Yehova ua handekele aua mezi kuli vantu va Isaleli, vantu vatambakanene na kulila. ⁵ Vasanene cize cihela nguavo ku Mbokime kuze kukeko kuva kumulambuila Yehova. ⁶ Omuo Yoshuua uatumine vantu vaye ndzila yavo, vakua Isaleli vaile umo na umo kucihela civa muvulukilile, kumbata vu suana vuavo. ⁷ Vantu vamupangelele Yehoba mujtsimbu ya Yoshuua na matangua avakuluntu ayoyele navose vamuene vize vialingile Yehova viakukomuesa via lingile kuli vakua Isaleli. ⁸ Yoshuua muana Nune ngamba ya Yehova, uatsile ha miaka likulukazi na miaka likumi. ⁹ Vamu tsindile mukati kandzindza ya cifuti civahele Tinameti Helezi, mu cihela ca Efuleme, mu mucifuti ca Mucinda ua kanorte ya mpili ya Ngashi. ¹⁰ Naciseminuino cose cakungulukile kuli va isiavo. Cisemunuino cikuavo ca kolela hanima ya vaze vahonouele kuziva Yehova amba vize vialingile kuli vakua Isaleli. ¹¹ Vakua Isaleli valingile via vipi kumeso a Yehova na kupangela va kua Mbale. ¹² Vahandukile kuli Yehova, Njambi yava isiavo, ou uavafumisile mucifuti ca vakua Ingito. Vakavangeyele tulunga veka, tulunga vavantu vaze vava zingilikile, kaha vava tsikamenene. Vamu nienguesele Yehova muomu ¹³ Va handukile kufuma kuli Yehova na kutsikamena Mbale na Ashitoletise. ¹⁴ Vutenu vua Yehova vuahindukilile vakua Isaleli, ¹⁵ Kuli kuose kuva kuya vakua Isaleli na kulua livoko lia Yehova kaliakele na vakevo kaha va kuva fungulula, ngecize muze mualisingile kuli vakevo kaha vakele muvukalu vuakama. ¹⁶ Ngecize Yehova ua hinduile vanganzik, vakevo vava pululuile kumavoko avaze va kuvevila vikumba viavo. ¹⁷ Olonzoni kavevuilile va nganzi. Yehova kavamuntililiele kaha nakulihana vavene nguaha vaka kulinga vupangala na tulunga veka na kuvatsikamena. ¹⁸ Omuo Yehova uahinduile va nganzi, Yehova ua va pululuile vanganzi kumavoko avakankole ziavo mu matangua ose avayoyele vanganzi. Yehova ua va vuililile ngozi omuo muvakuteta hamulonga ua vaze vava sinndakanene na kuvayandesa. ¹⁹ Vunoni nganzi uatsile, vakua lulukila kueka na kulinga viuma via hianene mazika kanua kuhiana vivapangele va kukuavo. Vakupangela na kutsikamena tulunga veka. Va vianene kueca vilinga viavipi na zindzila ziavo ziavuhenge. ²⁰ Vutenu vua Yehova vuahindukilila vakua Isaleli; ua handekele ngueni, ''Muomu cino cifuti ca pokola zindondelo ziacivuasiano cinjasetekelele vakukuavo-muomu kavalakanene kulizi liange- ²¹ Kufuma lelo, kanji kuasa, kukasekula umo ua mumafuti asile Yoshuua omu muatsile. ²² Njikucilinga mukuveseka va Isleli, ngue va kuasa kunyunga ndzila ya Yehova na kuandamo ngue muze muva inyungile vakukuavo ni cahi.'' ²³ Evi viasililile Yehova aze mafuti na kuhonoua kuvasekula vuasi kuhonoua kuvahia muli voko lia Yoshuua.