¹ Hanima ya Avimeleke, Tola muana Puua muana Ndoto, muntukufuma kuli Isakale ou uakele, ku Xamile, kucifuti cazimpili zia Efualime, kuakatukile ua kuluila vakua Isaleli. ² Ua yulile vakua Isaleli miaka makumi avali na miaka itatu. Kaha uatsile na kumutsinda mu Xamile. ³ Munuma yeni muakavangeyele Yaile ua ku Ngilayate. Ua yulile vaIsaleli miaka makumi avali na miaka avali. ⁴ Ikeye uakele navana vavamala makumi atatu ava avkuenda ha vimbulu makumi atatu, kaha vakele namembo avo makumi atatu, aze avavuluka nguavo Avote Yaile na kulelo, akeko akala ku cifuti ca Ngilayate. ⁵ Kaha Yaile uatsile kaha vamu ntsindile ku Kamone. ⁶ Vakua Isaleli vahakeleko kuvupi vuvapangele kumeso a Yehova na kutsikamena va Mbale, na va Axatolete, natulunga vaka Alame, natulinga vaka Xitone, natulunga vaka Mouuave, natulunga ta vantu vaku Amone, kaha natulunga vava Fuilisite. Vamufutukile Yehova na kuviana kumutsikamena. ⁷ Yehova ua handekele vutenu hali vaIsaleli, kaha naka valandesela mumavoko ava Fuilisite na mumavoko avana vava Amone. ⁸ Van vava Isaleli vava muesele makava ha muaka uze, vana va Isaleli vaze vakele musinia lia Yotau mucifuti cava Amole vavayandesele hamiaka likumi itanu na itatu, cize cakala mu Ngileyate. ⁹ Ngecize va Amone vazavukile Yotau na kuzunga na Yuta, na Mbenjamine, na vaze vakundzivo ya Efualime, ngecize vaIsaleli vayandele cikuma. ¹⁰ Kaha vana vava Isaleli vatetele kuli Yoh0va, nguavo, ''Tuna vulumuna kuliove, muomu tunaseza Njambi yetu na kutsukamena va Mbale.'' ¹¹ Yehova ua handekele kuli vaIsaleli ngueni, ''Kanja miluililile kuli vakua Ingito, na va Amole, na va Amone, na va Fuilisite, ¹² kaha na kuli va Sindone? Va Amaleke kaha nava Mayoni vamimuesele vihuli; Kaha muanjisanene, kaha njamipululuile kufuma kunzindzili ziavo. ¹³ Kaha muanjisezele ceka na kutsikamena tulunga veka, Ngecize kanjikutualelelaho kumiluila naua. ¹⁴ Hamenu musane kutulunga vamuna tsikamena. Linga va mipululule kuvukalu vuenu.'' ¹⁵ Vakua Isaleli va kumbuluile Yehova nguavo, ''Tuavulumuna. Tulingenu muacili muane omuo muamipande. Vunoni muane, mutuluile mulitangua lino.'' ¹⁶ Vafumisile vaze tulunga veka muli vakevo na kutsimena Yehova. Kaha Yehova kahasele kuivua kayando kavakua Isaleli. ¹⁷ Kaha va Amone valikunguluile hamo nakutunga cilombo mu Ngilayate. Vana va Isaleli valingikungu luile hamo nakutunga cilombo cavo kumijipa. ¹⁸ Vatuama zia vana vava Ngileyate va handekele kuli umo na mukuavo, ''Mutu muka akuasa kuputuka kulua nava Amone? ikeye akakala ntuama hakati ka vaka mu Ngileyate.''