¹ Vuno Salai, vunoni ua kele ngambo ua mpuevo, mukua Ingito, ua lizina lia Hangale. ² Kaha Salai ua handekele kuli Avilama ngueni, ''Tala, Yehova na nji vinika kuhona kukala na vana. Hamoye ukose na ngamba yange. Pama nji kamona kukala na vana muli ikeye.'' Avilama ue vulile kulizi lia Salai. ³ Omo Avilama na tumama likumi lia miaka mu cifuti ca kanana muze Salai, mpuevo ya Avilama, ua hele Hangale, ngamba yeni ka Ingito, kuli yalieni kukala mpueyeni. ⁴ Kaha ikeye ua kovelele kuli Hangale, kaha ikeye uemitile. Omo ua muene ngecize nemita, ua mutalele kukueni ua mpuevo na kusembulula. ⁵ Kaha Salai ua handekele kuli Avilama ngueni, ''Eci kuhengesa haliange muomuo yove. Njahele ngamba yange ua mpuevo ku ntulo yove, kaha omo ua muene ngecize nemita, ange nja saukile ku meso eni. Kaha Yehova asompe hakati kange nove.'' ⁶ Kaha Avilama ua handekele kuli Salai ngueni, ''Tala kuno, ngamba yove ua mpuevo ali muzitsili ndzove, limga kuli ikeye muose ove ua singanieka muaviuka.'' Kaha Salai ua mu pakesele na ikeye, kaha ua tinine kufuma kuli ikeye. ⁷ Kaha kangelo ka Yehova ua mu uanene ku ndundzi ya mema mu ndinda, ndundzi ya mu njila ya kuya ku sule. ⁸ Ua handekele ngueni, ''Hangale, ngamba ya Salai, ua fumu kuli kaha ukuya kuli?'' Kaha ua kumbuluile ngueni, ''Njili naku tina ku meso akuku yange Salai.'' ⁹ Kaha kangelo ka Yehova uahandekele kuli ikeye ngueni, ''Hiluka kuli kukuove, kaha liononuese ku mavokueni.'' ¹⁰ Kaha kangelo ka Yehova ua handekele kuli ikeye ngueni, ''Nji kalanesa cikuma cikota cove, lingakavaka i hasa muku ndanda.'' ¹¹ Kangelo ka Yehova kaha ua handekele kuli ikeye ngueni, ''Tala, ove uli navufumba kaha uka sulumuna muana uayala, kaha ove uka musana lizina lieni Ismaele, muomuo Yehevo nevu kuniengelala cove. ¹² Aka kala cimulu ua ku musenge ua muntu. Kaha akahandukako ku vamala vose, kalia naua va mala vose vakahandukako kuli ikeye; kaha akyoyela kualikaalieni kufuma kuli va vua naye.'' ¹³ Kaha ua hele eli lizina kuli Yehova ou ua handekele kuli ikeye, ''Ove u Njambi ue ku nji tala ange,'' kaha ua handekele, ''kaha nji tualeleleho kutala, amba hanima yak unji tala?'' ¹⁴ Ngoco vene ndundzi, viatumbuile nguavo Mbelelahailoi;'' Tala, iliha katika kandese na Mbelende. ¹⁵ Hangale ua sulumuine kuli Avilama nuana ua yala, Avilama ua lukile lizina lia muaneni ua yala. Yasulumuine Hangale, Ishimaeli. ¹⁶ Avilama ua kele namiaka makumi atanu na atatu na itanu na umo ha kukola ceni omo Hngale ua sulumuine Ishimaeli kuli Avilama.