¹ 1 Yeso sa bor ka'ana nere Bahku, sah kum bwapina ba'a zuaza buhi. ² Gamuring wu mbapina tam Yeso dong, ne a sunu ko'o ku tah bu ba'a ko'ongo juk mesa nere Bahku, ne a pii ichewe. ³ Yeso chewei ba'a ko'ongo zo'oso gha wu ne laahu chele ha'a chichiri ya. ⁴ Yeso chewua wu mbapina ne, i bwangya ne ah pa'a gir ma shima juk misa nere Bahku ke'eh, ah pa'a gir biwa; a ra'asah chimu kee a too chimu? Bwanya a ning kpacheche. ⁵ Yeso sun ya i chimi suna, chimi sunu iya cheu ne ai doo hoo lo'oh sa, ka chewei baa ko'ongo nzo'oso buhu ne i toh buhi yiwa, ka toh buhi yiwa Yeso war buhi jihi, bee buhi bunuyere ning shima bene makirei. ⁶ Wu "Farisawa" sun na'ahma a la'ahu puru mashen nsah bwan mbapina "Hiridus" abor pee shere baa a woli. ⁷ Yeso i wu muna ye'ele- ye'elei a la'ahu shen mashen kun bwa'ah wu mwapina bwana a la'ahu war ta'aya mashen ho, ayo "Gallilee," i "Yahudiya." ⁸ A yoo wurishalima, iyo Edom, Urdon iyo taya (Tyre), i Sidon wu mwapina buana a wo'o Yeso i mur pa'a wu bwapina bwana a yo bii. ⁹ Ka mue wu muna ye'ele ye'elei ne a pa'a yi ngono sawn mu'uru ma chighe, ne wu bwapina mi dagari sa. ¹⁰ I wo zur ngo'ongo wu mbapina bwana so'o toh iyi wu ba'a ngo'ongo a mur ngyhar-ngyha yir ya ne a ji'hi. ¹¹ Wu mbilar mah biwai a suni a ku'uru suala wo dui amur nyah kunya i ngyhar-ngyha ne we mun Bahku. ¹² Ka chew wa'a ne wu ma pa'a ne ashi'ilam warah. ¹³ Ka'a yew mur-ta'ah, kah chu'ulu wu ba'a njila sun ya ne ayo. ¹⁴ Gwara wu mbiapina soh (lum kuni baring) (chu'ulu ya ne wu Manzani) wu ba'a a wo ning iyi, bunuyere chum ya ne a shen dah lo'oh Bahku. ¹⁵ Pawa ngyhar- ngyha ba'a a wo pur wu kila yo yir wu mbapina. ¹⁶ Gwara wu mbapina soh (Lum i kuni baring) wu saminu ba'a pii lu'uli Bitrus. ¹⁷ . Yakubu mun Zabadi, i Yahaya so'ongi Yakubu ba'a panai lu'uli ne Buwanaryis, wato wu muna mwarang Mbulu. ¹⁸ I Andarawus, i Filibus, Bartalama, i Matta, i Toma, i Yakubu mun Haifa, i Taddawus i Saminu Ba- kananiye. ¹⁹ I Yahuza Iskari yoti ba'a ko yo to Yeso kur iyi. ²⁰ Da ba'a bor mashen lah, wu mbapina a bunuyere kam murya, ka pir ya i li billah; ²¹ Wu muni wo na'a, a puru yo bwol a ne muri doo shima sa. ²² Wu ba'a ngo'olo-ngo'olo a yo iyo Urushalima a cheu ne mbilar ma biwai yini yiwa muri, i gan muru gom wu yung i mur pur i wu yung" ²³ Yeso ka'a chu'ulu ya mashen bii ka chue wa ne, "i lan bah yung ko pur i yung? ²⁴ Lah-gom na gawa yirya baring a woo doo ngi chele mban mo'ona. ²⁵ Lah baa ana gawa yirya baring a hoo doo ngi chele mbwan mo'on sa. ²⁶ Shetan baakila na bina ka'amuri i ghawa yiri, ko do'o ngi chele sa, i ningnya ne i yua missah marsai" ²⁷ Bwara doo jina ma i bor lah Forong ra'asa kalai sa, ko shi bwol forong kuhru ka'a i kau kau kalai ku lih. ²⁸ Mumur cheu wunu, girbiwa ba'a wu mbapina pa'ana a hoo nzunzu so'o to'oh iyi bwan-bwan, i lo'oh gir biwa ba'a pura yo kunya, ²⁹ Wu she'ele ne ba'a na chiwa lo'oh ma gir biwa yi mbilar ma Jeh, hoo doo nzunzu soo to'oh yi sa, ningnya yi ba'a pa'a girbiwa mah wueng. ³⁰ Yeso kasa chewe mani rie a mur lo'oh ne ii mbilar ma biwai? ³¹ Wu ngi i sa'angi a yo chele ku nsah, a chum mashen bii ne i puru yo ba'ayah. ³² Wu mbapina ningyi kar nyai, a lo'oh iyi ne wu ngo'o i wu mu'uro ku nsah a mur pisso. ³³ Ka yer wane wu yan wu no'oh i sahsah? ³⁴ Pirwa sun wu ba'a a ningya iyi, ka cheu ne "Wu no'oh i sahsah ha ni!" ³⁵ Ba'a na mur pa'a girba Bahku njila wasa yi suanah, sah nah i no'oh."