¹ Bunyere yuana Kafarnahum ku nzum nongyo baring ba bu'ala, a wo'o ne i ho lah. ² A kam murya bwana ban chi gbu'u param, ku kun- ka'ana, Yi Yeso chew ya lo'o. ³ Wu bapina yinung a war bah a tualai i ko'ongo wol-yiru yo iyi. ⁴ A do ngi tah pwer i yii sa chew ba wu zam gana, a yiwa mur ka'ana faha be mur ka'ana ku mur Yeso, a su'ulu i be bah ko'ongo wol-yiru nongna ku mur vah. ⁵ Suna ngichewe ya, Yeso ka chewei bura ba ko'ongu wol yiru "Mun, zus girbiwa yo su'ana to'o." ⁶ Wu ba she'ele awo ho kpanaa a mur re'eshe ku nchimya. ⁷ "A mur chew ne, man yi ma'ana bura mani ka mur lo'ona, I mur tampwa. Yen ko ngi zus girbiwa so'o to'o yi, bene Baku i loi?" ⁸ Muni-muni Yeso she'ele gir ba a mur re'eshe ku nchimya. Yi fa kuni chew wa ne, ilan wu mur re'eshe girmani ku nchimwun? ⁹ I do bwangna ne mu chew yi ba ko'ongo wol-yiru ne zus girbiwa wo sua to'o, ke lahun to vah ne kwanshereu? ¹⁰ Kpah ma wu she'ele ne mun bapina yi jina ku be nzah mani ku zus girbiwa, ka chiwai yi ko'ongo wol-yiru, ¹¹ "Chiwau ne lahun yiwa, tol vah ngyo ne a shen leu.'' ¹² Ka lahun yiwa tol mu ka'a vah ngyi kwa nshere mashen li ku dum wu bapina, ka ningya gir fahkunnu a pi kahkah i Baku, a chew ne, su do suna gima bene mani sah. ¹³ Ka pur kpa mashen kang ngyi Mu'uru, wu zam bapina a yo bii, ka sahya sah. ¹⁴ I mur bo'olo, ka sun mun Lawi mun Halfa i ningna mur pa'a tumu ban ya'a ngya'abol nzah, Yeso ka chiwai ne, "War ta'am" lahun war ci'i. ¹⁵ Duhi Magina Yesu i mur li bila ku lah Lawi i wu ba ya'a ngyabol nzah i wo ba girbiwa bwana a li i wo muna ye'ele tumui, chew ba bwana ku ciri a mur war chi'i. ¹⁶ Wu bah she'ele Ataura ma Farisiyawa, a sun Yeso i mur li bila i wu bapina bah pa'a girbiwa i wu ba ya'a ngya'abol nzah, a mwe wu muna ye'elei ne man yi pa'ana ka mur li billa i wu bapina ba ya'a ngya'abol nzah i wu ba girbiwa? ¹⁷ Yeso wo'o be lo'o mani ka chew ya ne, Bapina ba i ngyarngya ku yiri do njila ba pah ta'a mele sah, wu bapina ba na kwa'anga yirya ya a njila. Do yuana chew ba ngichewe sa, yuana chew ba girbiwa. ¹⁸ I mani wu muna ye'ele ma Yahaya a mur ning wass mu'uru, wu gina bapina a yo mui, "Man yi wu muna ye'ele ma Yahaya a ningna wass mu'uru?" ¹⁹ Yeso ka chew ya ne, "Mwan bura piwi ko ning i wass mu'uru bah beh bura piwi i ya?" Yi beh bura piwi na ho iya a do ning wass mu'uru sa. ²⁰ Kpah ma beh duk wuna ba beh bura piwi a toli lahun ku baya, beh wu duhi ba ning wass mu'uru. ²¹ Ba bwara ko sor twan piwi ku mur ya'a twan yishi, na pa'ana na beh twan ko sa'anga, beh piwi ku yo ya'ai , yi ma ko sa'anga gana. ²² Ba bwara ko so'o piwi ngari ku ya'a pus ngari, ana pa'ana na be pussu ku yara be ngari ku so'o to'o bong, nama a so'o piwi ngari ku bum piwi mpusu. ²³ Duk mo'on i duk Asabar i mur bo'ol ku swah Alkama, wu muna ye'elei a ko wo'oro be ngya'ali. ²⁴ Wu Farisiyawa a lo'one, "sunu, man yi ma'ana a mur pa'a gir bah do bwangna a pa'a i duk Asabar sah. ²⁵ Ka chew ya ne, "wu do balama ne Dauda ba wo njila ka nsalah walai i wo bapina ngyi ²⁶ Ka bor ku bum ka'ana Baku ba Abiyata yi wo mwara prist, ka li fo'ofo ba bwara i do sah, wu prist ya ai li, yima li pawa mwan shenshenei. ²⁷ Yeso Lo'o, "Be Sabbath a pa'anai chew wu bapina, do bapina chew Sabbath sah. ²⁸ Ina, yi beh mun Bapina yi Tarsu, Yi ma Sabbath."