¹ Bah "Asabar " yo bho'olo, "Maryamu" "Magadaliya" i "Maryamu" ngi "Yakubu," i "Salomi" akur wu ka'ala ma bwangya ngishi ne a shen wo'oh ku yir Yeso. ² I jujuhu ku nowo'o mo'on, ma ju tansah baring, a shen beh mur shi'ila bah Missa kwama. ³ A wo mu lo'o iyirya, "Yen ko chursu beh ta'ah" ku beh kun Mbhuhu"? ⁴ Bah a sunn yiwa, a sunn neh a chura beh ta'ah ku beh kun mbuhu, beh ta'ah wo kpa'a mori. ⁵ A ɓor ɓeh mbuhu a sun musono yiisa puhu twan, ninya ku ɓuhu ma lih, zhiiri bhol yah. ⁶ Cheu wa ne, wu do'o ɓang zhi'irisa. Wu mu pis Yeso, ma "Nasreth," ɓah a wo kpangyai. I luana! I do'o ha'asa. Wu sunn ban ɓah a wo ma'anai. ⁷ Wu shen cheu wa ɓah warchii i "Bitrus" ne i sana ku jumya mashen "Galili." Wo suni ho bhani, ɓene ɓah wo chiwa wunu. ⁸ A pur mashen nzah, a bhana zhinyi beh mur shi'ilah; yirya imu bini i zhi'iri. A do'o chiwi bwarra neh gimasa cheu ba amu bhan zhi'iri. ⁹ I jujuhu ku be ju ma mo'on nongyo tanzha ɓarring ɓah wo luana, wo pur dwa, i "Mary Magdalin" ɓah wo puri i wu bakilah tangzha ɓaring. ¹⁰ Wo shen cheu wa bah awoi Yi, awo ku mur zholo suhu nchimu. ¹¹ Awo yo wo'o ne i chimi a ne i "Mary Magdalin" sunai, amma a do'o yeri ɓeh lo'oisa. ¹² Ku njum ɓeh wu girmani, wo yo puru i misi lanya wa'a ɓaring ɓah awo mu shen mashen beh ram. ¹³ A wo shen cheuwa ɓeh ghamur wu ɓah warchi'i, yama a ɓe'ene yer wa'a . ¹⁴ Yeso yo pur wa beh wu lum kuni mo'on ku chiri wu ɓah warchi'i ɓah a wo ninya ku tebur she,echewe murya chew ɓah a do'o pana nghichewe sa i yirai i lo'o wu ɓa suni ku zhum la'ahun yi ku yo'o mbhuhu ku chiri wu ɓah wuh. ¹⁵ Yi cheuwa ne, wu shen chiri wu ra muan mbwan wu lo'o wa'a beh lo'o Ɓaku. ¹⁶ Ɓah na yira a dangnai ku mu'uru, ku kum nchimi, ɓah na do'o yirasa, ko tah nza'ah. ¹⁷ . Ɓeh wu ghir mani a war ta'a wu ɓah pana ngichewe, ku lu'ulam, a pur i wu kila, a lo'o ku chiri wu piwi lassu. ¹⁸ . A kau wu yo'oh,ana nuna gima biwai, ko do'o pa'a wa gimasai. a chi ɓukya yir wu ɓah konggo a kum so'o polo yiriu. ¹⁹ Ku njum bah Yeso lo'o wa beh wu lo'o mani, a yo toli mashen kalang ka'a ning ku bhuhu ma lih ma Bahku. ²⁰ A shen mashen dwa, a mu lo,o wa bapina lo'o Bahku beh Bwajeh wo mu pa,a chumiu iyah yo rusu be chewe i beh mo'on ghir bah wo war ta'ayah. i na'a.