¹ I duduhu galam be mo bwajeh ma ban lem Baku a bu'ura i wujeh maram, wu bah sahsah iwau wu bah reng chewe, awo kur mun Baku a mi'i ku duwa mashen ba Bilatus. ² Bilatus munai ne, we be gom ma wu Yahudawa? yira yi ne ibene ba a chiwa'' ³ Be wu mwa'ara jeh ma ban lem Baku a wara lo'o ma biwai ku mur Yeso. ⁴ Bilatus bassa mwinai ke whei gir lo'o? A shi'ila be gir ba a sa'anga whe ku muri. ⁵ Yeso do'o basa fana kuni sa, mani panayi gir ning gbing. ⁶ I na yuana ban ma ai ben murya ma bah beh, Bilatus i ma'a buh mun lah nengye ba wu bapina yira ne a ma'a buhi. ⁷ Ho lah nengye, banbah a kasa kunwu muna wo'o chewe sa. i wu ba gbol wu bapina ho ku lah nengye, bapina mo'on ham ba ai chu'uli ne "Barnabas." ⁸ Wu bapina ka yo ba "Bilatus" ne pa'awa bene ba i pa'a wa. ⁹ "Bilatus" ka yirawa ne, wh njila ne ma ma'a wun buk Gom mawu Yahudawa? ¹⁰ Pa'a nah ne ika she'ele ne wu bah jeh ba pa'a chumu ku lah Baku a pana buhu chew ma a do njilai sa. ¹¹ Wu bah pa'a chumu ku lah lem Baku, aha to'oh wu bapina, aha ngya'aha kunya amu chew ne, a ma'a buk "Barabas ikun Yeso. ¹² "Bilatus" basa mwina ya ne "maam ma moh pa'a i Gom moh Yahudawa?" ¹³ A ha yeryi amu zah amu chewne "a kpangyi ku nguni. ¹⁴ Bilatus muna ya ne chew biwa man ma i pa'an aha basa la'ahun i zaah, "a mu chewne a kpangyi." ¹⁵ Bilatus chewbah i njila ne wu bapina bong nchimya ka ma'a buh Barabas ka lim Yeso i sa nguni, ha pah buhu wa ne asa kpangyi wu ngo'oro. ¹⁶ Wu ba tamuarang aha boli bor iyi masen kasla renchewe a ha tu'ulu yi'i ya a ben murya bwang. ¹⁷ Aha yisyi ba'a twuan ah ba'a kar zuwe aha yish yi ku muri. ¹⁸ Amu lemi amu woli amu chewne, a za'aa Gom mo Yahudawa!" ¹⁹ A nangyi ku muri i mu garah a tahai titar ku mishi, a ku'uru ku dui amu so'onzah pih amu wohli. ²⁰ A mala wholi bwang a wuh yi be ba'a tuana ma, a bunyere yisyi mabi, ka a pur iyi mashen ndah kpangyi ku go'oro. ²¹ A ku mur nginjere ma shene ka a sua'ana dum i bura mo'on, bah ai chu'uli ne, Saminu Bakairawan" (Tar Alizanda i Rufus); a mi'ih ne i tol be ngo'olo ma Kpang Yeso. ²² Wubah tah mwarang a war Yeso mashen bana ba ai chu'ulu ne "Golgota" (Ban mo'oho muru) ²³ A panayi ngari a twana i "mur," bi'ina manu. ²⁴ A kpangnai ku ngo'oo a ga'awa twani a dang buhu ne bwan wu ba tah mu'arang a kumu. ²⁵ Ku bolo ma tarung ka a kpang nai. ²⁶ a ngyo'olo lo'o ma sa'anga ne, "mani yini Gom "Yahudawa" ²⁷ A kpangnai i wu bah nshiwi baring. ²⁸ mo'on ku buh mali mo'on ku buhu mamusum. mane a rusu girba be mpuksheme Baku chewna. ²⁹ A mu bo'olo amu sa'angi amu ji'iri ka'amurya amu chewyi ne, "a wo ba a chiwane wo she'ele lah Baku wu ba'a i ku duk tarung, ³⁰ Ra'asa yiro rah, ne a su'ulu kube ngo'oro!" ³¹ Wu bah ti'ih buhu iwa wu ba sahsah, a ningna nda woli amu chewne, a ya'ana buh wu gina "ado'o ngina ra'asa ka'amuo sa." ³² Beh Gom mau Yahudawa su'ulu kube ngo'oro. mane su yer iyi, wuba a kpangnai iya, a walai kpana. ³³ Ku bolo ma tanzah mashen bolo ma tanshing, duhu kusa ban mbwang, ³⁴ i bolo ma tangshing, Yeso zolo i zhimi magana chew ne, "Eloi, Eloi, lama Sabachthani?" ba a pirwai ne, "Baku yam Baku yam man yi pa'ana a ji'inga mi?" ³⁵ Wu gina ku chiriya bah a chila ku banai, Bah a wa'anai, ane imu chewne, "Wu sunu imu tu'ulu iliya. ³⁶ Mo'onya ka'ara yiri tuala gir zus gir libila yisa ku mu'uru ngari ma yangnai, ka swa ku gara ku waryine i nu. Beh bura bili ka chewne sushi sunu ke Iliya koyo su'ulu iyi. ³⁷ Yeso ka zolo i mwara jingni ka njimu puru. ³⁸ Be twan bah iwo ku bum la Baku gau baring iyo kalang mashen nzah. ³⁹ Be mo'on ngyarngya bapina iku chiri wu ba tah mwarang ba chila ku banai suna be wu mun Baku, ka chewane, "magichewe,bapina mani mun Baku iwai." ⁴⁰ Wu maam magina wo chila i kuyo pim, i ku chiriya ya wu Maryamu Magadaliya, Maryamu (ngih Yakubu i Yusufu) i Salome. ⁴¹ Wu ba maam mani ya wara ti'ih ba i wu ku Galili a mur pa'ayi chumu. I wa wu maam bwana a yuana Urushalima iyi. ⁴² Bah kurwa yo pa'a shce wo duk girshi girshi, bong i fa Asabar, ⁴³ Yusufu burah Arimatea yo ho banii. Yi wo ku chiri beh wujeh bah ai piijeh, wo mu ta'ara yo Baku. ngrngya misi shen bah Bilatus ne a pi'i beh loh Yeso. ⁴⁴ Bitrus fakuni iwo ne Yeso wa'ama,' chu'ulu be mvorong ka muii ne Yeso wuna? ⁴⁵ Bah Bilatus she'ele ku bah beh wu mvorong ne Yeso wuama, pa beh lui i Yusufu. ⁴⁶ Yusufu wo kura Puhu twan. su'ulu iyi kuyo beh gana ngo'oro ma Kpang Yeso, (Ghana ngo'oro) bwamai ku be twan, ka'a mii ku mur shi'ila ba a bwana ku ta'ah. chur mor taah kusu beh kun mbuhu iyi. ⁴⁷ Maryamu magadaliya i maryamu ngi Yusufu a sun ban ba a lisa Yeso.