¹ Cho NJambi wendekele kuli Mosesa, ngwendi, ² "A litangwa lya kulibanga lya mu ngonde ya kulibanga ya mu mwaka wa uhya unapande ku shimbika mbalaka, ije tende ya kuliwanenamo. ³ Unapande kwakamp chikasha cha bukaleho, cholalo unapande kufwika libamba ali chije chikasha. ⁴ Unapande kunenamo metha na kwakaho bwino bibala byayo byoshe. Na anima unapande ku nenamo lalp na chitumbikilo cha ndeya na kwimikaho bindeya. ⁵ Unapande kwaka mutula wa ngolinde uje wa kwenyekelaho insense ku lutwe lwa chikasha cha bukaleho, cholalo unapande kushukika libamba ku chikolo cha mbalaka. ⁶ Unapande kwaka mutula wa kwenyekela milambu ya kulumba ku lutwe lwa chikolo cha ku mbalaka, ije tende ya kuliwanenamo. ⁷ Unapande kwaka mbashiya ya kama ya ku jwelela mukati ka tende ya kuliwanena na mutula cholalo unapande kwakamo na mema. ⁸ Unapande ku tunga chipango cha kui thzengulwitha, cholalo unapande ku shukika libamba ku chikolo cha kuje ku chipango. ⁹ Unapande kwambata mathzi a kubwaba mangana u bwabethe mbalaka na bije byoshe bilimo. Unapande ku ikundika ikeyo na bibala byayo byoshe kuli yange; cho kathinoni ikala ya kuthzila. ¹⁰ Unapande ku bwabetha uje mutula wa milambu ya kulumba na bibala byabyo byoshe. Cho unapande ku kundika uje mutula kuli yange cho chilibene ukala wa kuthzila kuli yange. ¹¹ Unapande ku bwabetha ije mbashiya ya bunengu na lithanda lyayo na kuikundika kuli yange. ¹² Unapande kunena Aloni na bana bendi ba banalume ku chikolo cha tende ya kuliwanena cholalo unapande ku ba jweletha na mema. ¹³ Unapande ku thzikila Alpni mu buthzalao buje ba kundika kuli yange, cholalo mu bwabetha na ku mu kundika mangana anji pangele ngwe kapilisitu kange. ¹⁴ Unapande kunena na bana bendi ba banalume na kuba thzikila mu mikanjo. ¹⁵ Unapande kuba bwabetha na bakebo ngwe muje bene wa bwabethele ishabo mangana ba nji pangele ngwe tupilisitu. Oku kuba bwabetha kwabo kubapwitha ku kaloni tupilisitu ba thimbu yoshe ku bithemwa byabo byoshe bya kulutwe," ¹⁶ Chojo echi chikechoni Mosesa walingile; wa kabangeyeye byuma byoshe bije Njambi wa mu shikile kulinga. Wa lingile byuma byoshebi. ^{17 18 19 20} Cho ngechibene mbalaka baishimbikile a litangwa lya kulibanga lya mungonde ya kulibanga ya mu mwaka wa mu chibali. Mosesa wa shimbikile mbalaka, na kwaka mathanda ayo mu mwela wao, na kwimika bibuliko byayo, na kukwatetha