¹ Ha ntcimbu yiye vene, vantu vamo va mulekele vya VaNgalileyavaye Pilatu ua vandakanene maninga kumo navi kombelo vyavo. ² Yesu ua kuanyene, naku va leka nguendi, ''muna thinganyeka ava Vangalileya vapangele vupi vuakama kutuvakana Vangilileya vakuavo mukonda va yandele munjila eyi? ³ Kuahi, ange njimileka. Vuno nga eni komutenguluka, eni mu vavoshe muka dhimbala mungila yiye vene. ⁴ Ndi vaye vantu likumi navatanu navatatu vamu Silome munjivo yiye yakulaha yava uililile naku vatciha, muna thinganyeka vupi vuavo vua tuvakanene vua vamala vaye vamu Jelusalema ndi? ⁵ Kuahi, Njikuanya nguange. Vuno nga kamua luluka, eni muvavoshe muka dhimbala lalo.'' ⁶ Yesu ua valeke chithimo echi nguendi, ''Muntu umo ua tombekele chiti chendi cha mukuyu mulihya lyendi lya viti vya vinyu na yikeye uedhile naku thetelako vumo vusuka vyahi vya ua nene ko. ⁷ Lyala ua lekele vaka kulima nguendi, taleni, ha myaka yitatu njedhile ko mukuthekela vushuka ku chiti echi cha mukuyu na vimo vyahi vyonja ua nene ko. uvatulenimo uhuile hantci. Mukonda vika unayandethela livhundi?' ⁸ Muka kulima ua kumbuluileko naku kuanya nguendi, 'chetheleni lika lyacho uno muaka njichi fundiyiyeko naku hakako lilombo . ⁹ Ambe chima vushuka ku muaka owo, mua mungului; Vuno ambe kuchemine, njika chi tukulamo. ¹⁰ Omuo Yesu uava longethele mu shinangonga yimo ha ntcimbu ya sapalalo. ¹¹ Taleni, mukentu uye ua kele na myaka likumi na yitatu ua kele nampudhi ya vulenda, ua kula manene na yikeye ka hathele kushungama vyuno. ¹² Muye Yesu uamu muene, ua muthanene ua mulekele nguendi,' Mukentu, una vutuka kuku hongua kuove,'' ¹³ Ua mu kambekele mavoko endi, ha ntcimbu yiye vene, uolokele, naku shangala Kalunga. ¹⁴ Vuno mukuluntu ua shinangonga ua lekethele vukalu mukonda Yesu ua kanguithile hali tangua lya sapalalo. Omo vene mukuluntu ua kua nyenene ko naku leka mbunga nguendi, '' ha matangua atanu nalimo akeo akupanga vipanga vyeni vyoshe. yijeni vaku mi kanguithe vene, keti hali tangua lya sapalalo.'' ¹⁵ Muene uamu limbuluile yikeye naku naku kuanya nguendi, '' Eni vaka chivembulu! Hali umo aka vutula hove ndi chingongi chendi kuje kouna mu kutile umutuale akanue mema hali tangua lya sapalalo ndi? ¹⁶ Ou mukentu yikeye muna Avilahama, chitodhi ua mukutile taleni myaka likumi naitanu naitatu, kafuililile kumuvutula mikole muli tangua lya sapalalo ndi?'' ¹⁷ Omu yendi ua kuanyene vyuma evi; vitodhi vendi voshe vovuile chuama, na mbunga yoshe yavuahelelele omuo vyuma vyoshe vya vumpahu viye vya pangele. ¹⁸ Keho Yesu ua kuanyene nguendi, ''vu muene vua Kalunga vuna lifu navika, nambe na vika nji vye theketha cho? ¹⁹ Vunafu ngue honi ka mbuto kamuthalata, muntu uaka nonene nakuka kuna muchi pata chendi; na chiti cha kulile mukupua chiti chakama, na tudhila va muilu vatungilileko mashua avo kumintango yauo,'' ²⁰ Ua kuanyene lalo nguendi, na vika njika vuetheketha vumuene vua Kalunga? ²¹ Vunapu ngue hingo yatambuile mukentu naku kuyishinga muvitenga vitatu vya vunga noho vua fulithile vunga vuoshe.'' ²² Keho Yesu uendele muaya membo a kama na tumembo kulongetha naku vuahetha ngila yendi yaku Yelusalema. ²³ Umo ua kuanyene nendi nguendi, ''Muene, vantu vandende lika vakovoka ndi?'' keho endi ua valekele nguendi. ²⁴ ''Lithininikeniku kovela muye muchikolo chachindende, mukonda, ange nji kuanya neni nguange, vavengi vakayongola ku kovelamo, vuno kuvakatha ku kovelamo. ²⁵ Omo vavena njivo akatuka naku pata kuchi kolo, ngocho eni mukemana hanja naku kundundula ku chikolo naku kuanyangueni, Muene, Muene,tutave tukovelemo.' ''Yikeye aka limbulula naku kuanya neni nguendi, ange konjimidhivuka yeni veya na kuiko komu tundu.' ²⁶ Eni muka kuanya ngueni, 'tualile naku nua kulutue lyove, naku longetha muvingila vyetu.' ²⁷ Vuno yikeye aka va limbulula nguendi, 'Njivaleka nguange, konjithivuka komuna tundu. Tundeni kulyange, eni vaka kupanga vyaku vihya!' ²⁸ Kuye kukala kulila naku likuecha kumadho, muye momuka mona Avilahama, Isake, Yakomba na vapolofeto voshe mu vuMuene vua Kalunga, vuno eni vaka myumbila hanja. ²⁹ Vakatunda mu vulahe na mu vuihi vua chifuti ,vaka kutumama kuchitafula mu vuMuene vua Kalunga. ³⁰ vedhiva evi, kuli vaye vavengi vaka kukotokela vakapua vaka livanga, na kuli vavengi vaka kulivanga vakapua vaka kotokela.'' ³¹ Havuihi kunima yivi, vaFaliseo vamo vedhile naku kuanya nend nguavo,' Ya tunda kuno, mukonda Helonde ayongola kuku tciha. ³² Yesu ua valekele nguendi, ''Yemu yeni muka leke ouo mbanje, 'Teni, njichi tunditha vimpudhi vyaku vihya naku kanguitha lelo na himene naku tikya muku puitha mo vipanga vyange. ³³ Nambe ngocho, chuma chachili kulyange kushuenetha ko lelo,yimene nalitangua lyaku shuamako nga kucha pandele kapolofeto kutcila hanja lya Yelusalema. ³⁴ Yelusalema, Yelusalema, yove umu ka kutciha vapolofeto naku vasha mavue vaye vovava kulyove, vintcimbu vingahi njayonguele kukunguiya vana vove ngue chali muye avungutiya vana vendi muintci lya vimbava vyendi, vuno ove koua vi yonguele evi. ³⁵ Taleni, njivo yeni vana yithi, njimileka nguange, kumu kanjimono lalo noho muka kuanya ngueni , ' uaku vedhuka uye enja mulidhina lya Muene.'''