¹ Makura ame anu mono shikashama kuna kutunda mu lifuta. Shasho kuna kara na dimutwe ntano-na-mbiri ntani na mbinga murongo. Kuma ruvinga naghantje kuna karako nkata murongo, ntani ku dimutwe da shikashama kwa tjanga ko madina ghaku shwaghura naku tuka Karunga. ² Shino shikashama na monine kwa fana yira lishumbu. Ntani maghuru gha shikashama kwa fana yira gha limbungu, ntani kanwa ka shino shikashama kwa fana yira Nyime. Limukongoro kwa tapa lipangero, na shipundi shaghu Hompa ntani na nkondo daku pangera vantu kwa shino shikashama. ³ Kumutwe ghumwe wa shino shikashama kwa kara na mbore na shironda shashinene, ano ngoli shino shironda sha veruka kuna kara tupu livavi lya linene. Vantu navantje vamu ghudjuni kuna tetuka paku mona shino shikashama ntani vavo ku shikwama kehe kuno shina kuyenda. ⁴ Ntani vavo kutongamena naku raperera kwa limukongoro, mukonda shi lyalyo kwa tapa nkondo na lipangero kwa shino shikashama. Ntani vantu vavo kutongamena naku raperera, nka, kwa shikashama, naku ghamba ashi, ''Kwato wa nkondo daku pitakana pa shino shikashama?'' ntani ''Are wa kuvhura kurwanita shino shikashama?'' ⁵ Shino shikashama kwashi pire kanwa ka kanene ka kughamba nkango daku kunenepita naku tuka naku shwaghura lidina lya Karunga. Shino shikashama kwashi pire nkondo daku pangera ghudjuni shirugho shaku tika ku makwedi dimurongo ne-na-maviri. ⁶ Mukanwa ka shino shikashama kwa rupukamo nkango daku tuka naku shwaghura Karunga - kwa tuka naku shwaghura lidina lya Karunga, ntani kwa tuka naku shwaghura mu Ntembeli ya Karunga, ntani kwa tuka naku shwaghura navantje ovo vatungo mu liwiru. ⁷ Karunga kwa tapa nkondo naku pulitira shino shikashama shirwanite vantu va Karunga kumwe naku vafunda. Ntani, shikashama kwa kalire na nkondo daku pangera marudi gha vantu naghantje, na dimuhoko da vantu navantje, ntani na maraka ghaku ghamba vantu navantje ntani na virongo vya vantu navintje. ⁸ Vantu navantje vamu ghudjuni ovo vatungo pa livhu kwa tongamena naku raperera kwa shino shikashama, ntani na vantu ovo vapira kutjanga madina ghavo mu Mbapira Ya Monyo, ntani yino Mbapira Ya Monyo Karunga kwayi tjanga ku tunda pa lishito lya ghudjuni, mbyo vayitapa kwa Ndjwighona oyo vadipayire va djambe naku dongononapo ndjo da vantu vamu ghudjuni. ⁹ Kehe ghuno akaro na matwi ghaku yuvha, ayuvhe yino mbudi. ¹⁰ Nkene shi Karunga kwa panga naku tokora ashi vantu vendi ngava yenda mughupika, mbo tupu kuyenda mughupika. Nkene shi Karunga kwa panga naku tokora ashi vantu vendi vamwe ngava fa muvita na rufuro, mbo tupu kufa kuvita na rufuro. Vantu va Karunga ngava pita mu mahepeko namu runyando namu ghupyakadi mpo ngoli ashi vantu vaku pongoka karenu na lididimiko ntani na lipuro lyaku tikiliramo. ¹¹ Makura ame anu mono shikashama shimwe kuna kutunda mulivhu. Shasho shambinga mbiri da kufana yira ndjwighona, shakughamba yira likongoro. ¹² Makura shasho ashiruwanita nkondo da shikashama sha kuhova kumeho ya sho, shasho ashi renke udjuni navo vatungomo vatongamene shikashama sha kuhova-oshi shakaliro na shironda sha shishinene ano ngoli sha veruka. ¹² Ntani ame anu mono shikashama sha ghuviri kuna ku tunda mughurundu mu livhu. Shino shikashama kwa kara na mbinga mbiri ntani kwa fana yira Ndjwighona, ntani shasho ku ghamba na liywi lyaku fana yira limukongoro. Shino shikashama ku pangera na nkondo odo sha wana kwa shikashama shaku hova, osho sha hoviro ku karako ku meho ntani shasho kwa tininika naku pangera vantu vamu virongo navintje vyamu ghudjuni va tongamene naku raperera kwa shikashama shaku hova - osho shakaro na mbore na shironda na livavi lya linene mu mutwe. ¹³ Shino shikashama sha ghuviri kwa ruwanine vitetu vya vinene. Shasho kwa yita mundiro ghutunde mu liwiru ghuye pano pa livhu kumeho ya vantu vavo kuna ku vimona na montjo ghavo. ¹⁴ Shino shikashama kwa ruwana vitetu vya vinene na nkondo daku tunda kwa shikashama shaku hova, shasho kwa pukita vantu va vayingi vapano pa ntunda ya livhu, shasho kwa tantera vantu vapa livhu va ruwane lifano lya shikashama - osho shakaro na livavi na mbore na shironda osho varemeka na rufuro, mbyo sha veruka weno kuna kuparuka. ¹⁵ Shino shikashama kwashi pire nkondo daku tura monyo mu lifano livhure ku ghamba ntani naku yita na vantje vatongamene ku lifano, kehe ghuno waku shwena ku tongamena naku raperera kuno ku lifano lya shikashama vana hepa kumu dipaya ntani. ¹⁶ Shino shikashama kwa tininika vantu vamu ghudjuni navantje, vakare vantu va makuto ndi vaku pira makuto, ntani na vangawo ndi va hepwe, ntani nava manguruki ndi vapika, ntani na kehe ghuno kuna hepa kumu tura shiyivito ku lighoko lyaku kalyo ndi pa shipara shendi. ¹⁷ Kwato waku vhura kughura ndi ku ghulita nkwandi kuna kara na shiyivito sha shikashama ntani na lidina lya shikashama, ntani, na nomora ya lidina lya shikashama. ¹⁸ Ghuna hepa ku wana ghukonentu waku yiva ovyo sha tanta shino shiyivito. Kehe ghuno akaro na ghukonentu, ayive shivaro sha nomora ya shikashama. Yino nomora ya shikashama kuna kara shivaro sha madina gha vantu. Shivaro sha nomora ya shikashama kuna kara Mafere matano-na-limwe ntani na dimurongo ntano-na-yimwe ntani na ntano-na-yimwe, ndipo 666.