¹ Ndapero yaDaviti. Teghererenu, Hompa, ntani ndimburureme, mposhi ame numuhutu ntani lirenkereromo. ² Nkungeme, mposhi ame napura; Karunga wande, popera vakarelivoye ovevahuguvara moye. ³ Karanaghufenkenda kwande, Hompa, mposhi amenakulira pandje ghurewaliyuva kukoye. ⁴ Renkavakareli voye vapandure, mposhi kukoye, Hompa, Ame nayerura likuyuvo lyande. ⁵ Ove, Hompa, maghuwa, ntani kukuwapayikira kughupirapo, ntani oveghuna neghedankenda yayinene kunavantje vakulilirango pandje kukoye. ⁶ Hompa, tegherera kundapero yande; yuvaliywi lyande mukukuromba nalikudidipito. ⁷ Muliyuva lyakudjoname nakuyitire ove, mposhi ove ghundimburure ame. ⁸ Kwato ghumwe wakukushetakanita kukoye mukatji kavakarunga, Hompa. Enengoli kwato virughana yiramuvirughana vyoye. ⁹ Nadintje dimuhoko odo warughanine oveshi ngadiye ntani nakukutongamena ove, Hompa. Vavo ngavapandura lidina lyoye. ¹⁰ Mposhi oveghumunene ntani kurughana vininke vyaviwa; ovetupu Karunga. ¹¹ Ntjonge ame ndjira doye, Hompa. Makura amengani kwama mughushiri ghoye. tura mutjima wande kulikuyuvo lyalifumadeko ghunene koye. ¹² Hompa Karunga wande, Amengani kuhora ove namutjima wande naghuntje; Ame nganifumadeka lidinalyoye kunaruntje. ¹³ Mposhi ghunene wakuhuguvalita kulikuguminino kumeho yoye; ove wapopelire liparu lyande kumakongo ghaSheoli. ¹⁴ Karunga, ghukarodona vanaghutura ghunankore papande. Mbunga yaghukorokotji mukudjonaghura mukafumu anapumbo liparu lyande. Vavo kapivapandura kukoye. ¹⁵ Enengoli ove, Hompa, waghufenkenda ntani Karunga waghufenkenda, kughore kughugara, ntani nakuhuguvalita kwakugwaneghena mukukuguminina ntani likuyuvo mulitamito limona. ¹⁶ Piruka kumeho yande ntani karanaghufenkenda mumwande; tapa ghunankondo ghoye kuvakareli voye; popera monawamukafumu wamukareli ghoye wamukali. ¹⁷ Neghede ame ndjoyoye yaghufeke.