¹ Mposhi mukurona wavakakuyimba. Lipisamu lyavana vavakafumu vaKoraha. Hompa, ove ghunanegheda ghuwa kulivango lyoye; ove ghuna vyutiri nkalito yaYakobu. ² Ove ghuna ghupiripo ndjo davantu voye; ove ghuna popere ndjonadintje. Shera. ³ Ove kapiwashanine kughamba mughugara ghoye waghupyu. ⁴ Tuvatere atwe, Karunga muyogholi wetu, ntani shuva lidiro kuhaferera atwemumoye. ⁵ Ove kuvura kugarapa natwe kunaruntjendi? ovengoli ngaghukarerera naghugara mwayendomwaka navongavayita kumehondi? ⁶ Enengoli ovekapi ngaghutuvukitanka shimpe atwendi? Makura vantu ngavahafa mumoye. ⁷ Tuneghede atwe lihuguvalito lyoye mukukuguminina, Hompa, tupe atwe ghuhungami ghoye. ⁸ Amengani tegherera kwavyo ngaghamba Hompa Karunga, mposhi ghuye ngayitapo mpora navantu vendi, likuguminino lyendi ngalikwamakwama. Vavo shimpe kapingavapiruka kundjira daghuvaya. ⁹ Ghushiri ghuhungami wendi pepi kwavo vakupakerango shinka kwendi; makura lifumadeko ngalihupara mulivango lyetu. ¹⁰ Kuhuguvalita kulikuguminino nalihuguvalito mulitakamita limona vyagwanekelire kumwe; lishetakano ntani nampora vyatikiliremo navintje kumwe. ¹¹ Lihuguvaro mulitakamito limona vidiva vyayerukire pandunda ntani lishetakano likenge palivu yaliwiru. ¹² Nhii, Hompa ngatapa makandayikiro ghendi ghamawa, ntani livango lyetu ngalitapa vitundwamo kulividi. ¹³ Lishetakano ngaliyenda kumehondje ntani nakuturapo ndjira mukulyateramo ghuye.