Kwamupitiili yimbiti; Pisaromu lyaDaviti, ntjumo. ¹ Karunga ashapuke; vanankore vendi vakuhanaghuke; navo ovo vamunyengo vadukepo papendi vakayende. ² Yira momo wayendanga muti, yira momo wapepanga; yira momo lyahemukanga linongo kumundiro, navadinikarungamo ngavadongonoko mulikaropo lyaKarunga. ³ Ngoli vahungami ngavahefe; ngavapembura kumeho yaKarunga; ndi vashange nakuhafa. ⁴ Yimbirenu Karunga! yimbenu mutangaghuke lidina lyendi! Tangaghukenu ogho anakurambitiro mughukenu waliyana mukuro waYorodani! Karunga ndyo lidina lyendi! Mushangerenu kumeho yendi! ⁵ Shavantiwe, mupanguli wavafita-vya, ndje Karunga wamulivango lyakupongoka nko kughutungo wendi. ⁶ Karunga kutapa likoro kovovamukuma; ghuye kurupwita vakwati vavo kuno kunakuyimba; ngoli varunde kuvatura mushirongo shashikukutu. ⁷ Karunga, opo wayendire ghupitire vantu voye, opo wapitilire ghutavakane yamburundu, sShera

S*

⁸ Ghudjuni kwakankamine; liwiru nalyo aliganda mvhura mulikaropo lyaKarunga, mulikaropo lyaKarunga opo ayatikire paSinayi, mulikaropo lyaKarunga, Karunga waIsraeli. ⁹ Ove, Karunga kwatumine mvhura yayinene; ove kwankondopikire ghupingwa ghoye opo vapilire nkondo. ¹⁰ Vantu voye avatungumo. Ove, Karunga, kwaghupire mumaghuwa ghoye ghutape kuvahepwe. ¹¹ Hompa kutapa mpangera, ngoli ogho wakuyivapandje mukughona wavakavita. ¹² Vahompa vavakavita kutjwayuka, vaduke, ngoli vakamali kutaterera mumandi vakutapere ghupingwa wavikwata: ¹³ Vakuti kunavafiki nasisiliveri ngoli kumavava ngorodo. Ntjeneshi vamwe avo vantu kwakalire mukatji kavinyongo vyandjwi, vinke vavirughana vino? ¹⁴ Munankondo kwahanawire vahompa opo, kwakalire yira materengendje ghakundundu yaZalimoni. ¹⁵ Ndundu yankondo kwakali shirongo shandundu yaBashani; ndundu yayire kwakalire shirongo shandundu yaBashani. ¹⁶ Vinke muna kumoneka mumfudu, anwe vashirongo shandundu dadire, kundundu odo ashana Karunga dikare livango kwakutunga ghuye? Hawe, Karunga ngatunga nkoko naruntje. ¹⁷ Turukara kwavita twaKarunga kwakalire mayovi dimurongo mbiri, mayovi namayovi; hompa kwakali mukatji kavo mulivango lyakupongoka, yira paSinayi. ¹⁸ Ove kuronda kuwiru; ove kutwara nkwate; ove kutambura maghushwi ghanakutundo muvantu, nampiri agha anakutundo movo vanakukurwanito, ngoli ove, Hompa Karunga, ghukarerere nkoko. ¹⁹ Vamutungike Hompa, ogho ashimbango dimurongerero detu dakeheliyuva, Karunga waliparu lyetu.

sShera

S*

²⁰ Karunga wetu ndje Karunga ogho anakutuparuro; Hompa Karunga ndje ghumwe anakuvhuro kutuyoghoramo mumfa. ²¹ Ngoli Karunga ngatoghona padimutwe davanankore yendi, mumaparambamba ghavo vanakuyendo mundjo dakumuvyuka. ²² Hompakunakutanta, '' Nganikavyuta vanankore yande vatunde muBashani; ngnikavavyuta vatunde kuntji yalitondo yalifuta ²³ kumwe ngaghufinyate vanankore yoye, mukudivita mpadi davomuhonde, ngoli kumwe maruraka ghambwa doye ngadikutapere muvankore yoye.'' ²⁴ Vavo kukenga shiyendo shoye shalifundo, Karunga, shiyendo shaKarunga wande, Hompa wande, mukuyenda mulivango lyakupongoka. ²⁵ Vayimbi kupita vayende kumeho, vakuveta kuvakwama muruku, ngoli mukatji vakadona vakudira kukwara vanakuveto tungomaghona. ²⁶ Karunga vamutungike mumapongo; tangaghukenu Karunga, anwe mwatundo murunone rwaIsraeli. ²⁷ Vakuhova mbo VaBenyameni, rudi rwarudidipo, ntani vampititi vaYuda nambunga yavo, vampititi vaZebuluni navampititi vaNafutali. ²⁸ Karunga wenu, Israeli, anaraghura ghunankondo wendi; anatushorwere ghunankondo wendi, Karunga, yira momo adishorolire muruvede pita. ²⁹ Shorora ghunankondo ghoye kukwetu ghutundilire mundjugho yoye yakupongoka muYerusalema, oko vayitanga vahompa ghushwi kukoye. ³⁰ Yiyirenu muvita mudivyuke makashama ghamuwiya muviteva, mudivyuke vantu, oyo mbunga yantwedu navitana. Vafitenu ntjoni kumwe muvarenke vamuyitire maghushwi; hanaghurenu vantu ovo vahoro kuwapayika vita. ³¹ Vahompaghona ngavatundilira muEgipite; kushi ngakwangura mukuyenda namaghoko ghendi kwaKarunga. ³² Yimbirenu Karunga, anwe virongo vyamughudjuni;

sSela

S*

Yimbenu mutangaghuke Karunga;

³³ Kogho anakurambitiro muliwiru yamawiru, ogho akarereropo kutundilira kuruvede rwavanyakulya; kengenu, ghuye kuyerura liywi lyendi nankondo. ³⁴ Matjangwa kwaghankondopekanga Karunga; ghunene wendi kwakara pavaIsraeli, nankondo dendi mumpando daliwiru. ³⁵ Karunga, ove mutjiliti mulivango lyoye lyakupongoka; Karunga waIsraeli -- ghuye kutapa nkondo nakunkondopeka vantu vendi. Vamutungike Karunga.