Ruvambi 66
Kwamupititili yimbiti. Ntjumo, pisaromu.
1
Turenu dimuyoyo daruhafo ghunene kwaKarunga, ghudju naghuntje;
2
Yimbenu ghunene kushikoda shalidina lyendi; renkenu mutangaghuke shikoda shendi.
3
Tanterenu Karunga, ''Weni omo vyatetura virughana vyoye! kunkondo doye dadinene vanankore voye kukutapa kukoye.
4
Ghudjuni naghuntje kukutongamena nakukuyimbira vavo kuyimba lidina lyoye.'' Shera
S*
5
Yenu nakuyakenga virughana vyaKarunga; ghuye mutjiliti muvirughana vyendi kumeho yavana vavakafumu vavantu.
6
Ghuye kwapirwire lifuta likare livhu lyakukuta; vavo kwavindakanine mukuro parupadi; ovyo mbyo twamushangeranga.
7
Ghuye kwapangeranga naruntje munkondo dendi; mantjo ghendi kunomena dimuhoko; kapi ashuvilira vakumuvyuka vakunenipite.
sShera
S*
8
Tapenu mfumwa kwaKarunga, anwe vantu, renkenu muyoyo wakumutangaghuka ghuyuvhike.
9
ghuye kwatutulika mukatji kavanamwenyo, nakudira kupulidira maghuru ghetu mukupunduka.
10
Koye ove, Karunga, watusheteka; watusheteka yira momo vashetekanga sisiliveri.
11
Ove kwatutura mulikwe; kwatuvhikika murongerero waghudito ghuene mudimughongo detu.
12
Ove kwarenka vantu valyatange kudimutwe detu; atwe kwapita mumundiro namumema, ngoli mbyo watughupamo mukututura mulivango lyalimanguruko.
13
Ame nganiya mundjugho yoye nandjambo yakushwakerera; mukuyakufuta matwenyidiro ghande.
14
Ovyo natwenyidire nangegho dande nakuvighamba nakanwa kande opo nakalire mughudito.
15
Ame nganikudjambera ndjambo yakushwakerera yavikorama vyakuneta navindjwi mukutapa lidumba lyaliwa ame nganidjamba ntwedu navimpendje.
sShera
S*
16
yenu nakuyategherera, anwe namuvantje mwatjiro Karunga, kumwe nganiyamutantere ovyo andughanena kurutu rwande.
17
Nganiyiyira kukwendi nakanwa kande, kumwe nganimutangaghuke naruraka rwande.
18
Ntjeneshi kwakenga ndjo mumtjima wande, Hompa kapi ngantegherera.
19
Ngoli Karunga vyaghushiri kuyuvha ghuye kutegherera kuliywi lyandapero yande.
20
Vamutungike Karunga, ogho adiro kushwena likanderero lyande ndi likukwatakano lyendi lyaghuhunga litundepo pande.